DSK sədri: “Mənə kitab lazım deyil”

Böyük ehtimalla “özəl görüş” yazımı oxumusunuz. Həmin yazıya qıcıq reaksiyası olan, DSK sədrinin kitaba sayqısından da yazmaq istədim. Diqqət edin, mənim heç kəslə qəsdi-qərəzliyim yoxdur. Məhz elə o üzdən də, ad və soyad çəkmədən sizlərə sadəcə baş verən əhvalatı nəql edirəm ki, durumdan agah olasınız. 

Hələ seçki kompaniyası yeni başlamışdı ki, mən DSK-ya müraciət etmişdim. Həmin bu ərəfədə DSK heyyətinin məni yaxşı tanıması üçün öz yazdığım şeirlər toplusu kitabını oradakı hər kəsə paylamışdım. Həmin zaman mənim günlərin bir günü onun “özəl görüşünü” təsvir edəcəyimi bilməyən DSK sədri çox sağol -cox sağol deyə-deyə də kitabı məndən almışdı. 

Ötən gün, mən seçki ilə bağlı məndə olan şübhə doğuracaq saxtakarlıqla bağlı məlumatların araşdırılması üçün bir nüsğəsini MSK-ya, digər nüsğəsini isə DSK-ya verdim. Elə həmin nüsğəni DSK-ya verməyə gəlmişdim ki, sədr olduqca kobud sürətdə mənim ona bağışladığım kitabı üstümə atdı və elə bir söz dedi ki, mən pərt olmağımdan çox yaşlı nəslin nümayəndəsinin belə mütaliyəyə olan hörmətini görüb sarsıldım. Sədr kitabı qaytaranda dedi: “Mən bu kitabı oxudum, amma gördüm ki, o mənə lazım deyil”. 

Mən anlamağa çalışırdım. İstəmədən ağzımdan bir sual qaçırdım : “Axı kitabı mən sizə vermişdim, ödünc olaraq verməmişdim”. - Mənim üçün kitaba verilən qiymət şəxsiyyətə verilən qiymət qədər önəmlidir. Bir evə daxil olarkən,  o evdə görüntü olaraq belə kitab görmürəmsə, çox məyus oluram. Ona görə də, insanlara daim kitab hədiyyə edirəm. Yenə də gördüklərimə və eşitdiklərimə inanmaq istəmirdim. Cavabını eşidəndə isə tamamilə sarsıldım: “Mənə kitab lazım deyil!”  

Çox kövrəldim də. Elə ona görə də, “bəs sizə nə lazimdir?” kimi qərəzli qarşılıqlı sual verməyi də heç düşünmədim. 

Mən o zaman kitaba olan hörmətsizliyi və kobud jestinin təsiri altında idim. Söhbət mənim kitabımdan getmirdi. Mən bunu ümumiyyətlə kitaba olan hörmətini nümayiş etdirmək tərzindən pis olmuşdum. İndi biz nə haqla öz gənclərimizi kitaba hörmət etmədikləri üçün qınayaq? “Mənə kitab lazım deyil” deyən yaşlı vəzifə sahibi gəncləri kitab oxumağa bu cürmü səsləyir? 

Bu əməl bir qsına qarşı olan kobud bir jestdən başqa, bir kitaba olan hörmətsizlik idi. Eyni zamanda bu əməl “özəl görüş” yazısına verilən qıcıq reaksiyası kimi də qəbul edilə bilər. 

Görünür sədr qarşı tərəflə “özəl görüş”dən sonra hər iki namizədin kitablarının oxumasını düzgün hesab etməyib. Görünür icra orqanları ilə keçirilən “özəl toplantıda”  bir çoxları  bunca zamandır namizədlərə qarşı göstərdiyi səmimi münasibətə görə tənbeh olunub. Bu kobud jest isə “özəl görüşün” bəhrəsi idi. 

Amma yenə də bu “obud jest” belə ondan xəbər verir ki, bunca zamandır Xətai 33-üç millət vəkili yazıçı və dramaturq olsa belə, burada heç mütaliəni də təbliğ edə bilməyib. 10-ildir Əhmədli kəndində bağlı qalan kitabxana da buna sübutdur. Nə deyim, Allah sonumuzu xeyirli etsin. Mütaliə vacib olduğu qədər, onu təbliğ etmək də vacibdir. Xüsusən də yazar, qələm ustadı, dramaturq yazırsa, o yazdığının mütləq mütaliə olunmasını istər və mütaliəni təbliğ edər. Əks halda o yazıçı və ya şair şair deyildir!