”¦Dünən Nardaranda dindarlarla hökumət qüvvələri arasında baş verən insident və 6 nəfərin bu qarşıdurmada ölməsi xəbəri yəqinki hamını düşündürür. Problem ondadır ki, «”¦ölməyə Vətən yaxşı!» dediyimiz halda, biz Vətənin bölünmüş-parçalanmış, itirilmiş və hələ də geri qaytarılmamış Qarabağında döyüşüb ölməli və öldürməli meydanı qoyub Nardaranda ölürük!

 Dünən həm də DİN və Baş Prokurorluq Nardaranda baş verən silahlı insidentlə bağlı birgə məlumat yaydı. Məlumatda deyilirdi ki, «Respublikada ictimai-siyasi sabitliyi pozmağı, təxribatlar, kütləvi iğtişaşlar, terrorçuluq aktları törətməyi planlaşdıran və din pərdəsi altında fəaliyyət göstərən silahlı cinayətkar dəstə barədə Daxili İşlər Nazirliyinə daxil olmuş məlumat aparılan araşdırmalarla təsdiqlənmiş və təxirəsalınmaz əks tədbirlərin görülməsini zəruri etmişdir”¦Â».

Sonra məlum olurdu ki, Taleh Kamil oğlu Bağırov, Elman Seydəmir oğlu Ağayev, Zülfüqar Sədrəddin oğlu Mikayılov və Əbülfəz Heydət oğlu Bünyatov dövlətin konstitusiya quruluşunun zorla dəyişdirilməsi, şəriət qanunları ilə idarə edilən dini dövlət qurulması məqsədilə «Müsəlman birliyi” adlı hərəkat yaratmış, Bakı şəhərindən və respublikanın digər bölgələrindən özlərinə tərəfdarlar toplamış, onları müxtəlif növ odlu silah, döyüş sursatı, partlayıcı maddə və qurğularla təchiz edərək cinayətkar dəstə təşkil etmişlər. Sonra”¦ Sonrasını hamı ətraflı bildiyindən təkrar yazıb dindarlarımızı əsəbləşdirmək istəmirəm”¦

 

Niyə «din pərdəsi altında»? Elə dinin özündə fəaliyyət göstərməyə nə mane olur?

 

Rəsmilərin rəsmi mövqeyinə heç bir şərh verməyə lüzum görmədən keçirəm mətləbə. Rəsmi açıqlamada «Nardaran müsibəti» barədə bir məqam diqqəti çəkir”¦ Deyilir ki, «”¦din pərdəsi altında fəaliyyət göstərən silahlı cinayətkar dəstə”¦Â».

 Böyük Şeyximizin xətrinə dəyməsin, Azərbaycanda hazırda məktəblərimizdən çox məscidlərimiz var. Kimin etirazı varsa, buyursun. Hətta özüm şahidəm ki, məsələn, Qaxda, Qusarda, Ucarda, Beyləqanda, Astarada”¦ elə kənd var ki, əhalinin sayı az olduğundan orta məktəbə ehtiyac olmayıb, amma həmin kəndlərdə mütləq məscid tikilib. Hətta ən böyük kəndlərimizdə bir məktəb olduğu halda, bəzi kəndlərimizdə 2-3 məscid tikilib istifadəyə verilib”¦

 Bunları ona görə deyirəm ki, Azərbaycanda indi o hesabla, müəllimlərdən çox mollalar, axundlar, sayılan-seçilən, yəni nəzir-niyaz yığan din adamlarımız, seyidlər, pir sahibləri var”¦ Təbii ki, indi məscidlərimiz Sovet hakimiyyəti dövründə 70 il ateist olmuş əhalimizin islami dəyərlərlə silahlanması və paklanması, cəmiyyətə sağlam ruhlu nəslin gətirilməsi kimi müqəddəs işə xidmət edən və bu niyyətlə yaradılan, belə demək mümkündürsə, Allahın evidir. Amma indi yuxarıdakı rəsmi məlumatdan belə çıxır ki, Allahın evində allahsız işlər görülür. Niyə?

İndi gəlirəm mətləbə: mollalarımızın və axundlarımızın, elə din adamlarımızın acığına gəlməsin, niyə din bizə nəzir-niyaz yığanda, ölüləri «yola verib» pul qazananda, qəbirstanlıqlarda yasin oxuyub cib xərcliyi qazananda”¦ əziz və müqəddəs olur, amma bəzi insanların həmin dinin «”¦pərdəsi altında”¦Â» girib pis iş tutmasının qarşısını almaq lazım gələndə isə  çəkilirik kənara və həmin o dinimizi unuduruq?!

Təkrar edirəm, Azərbaycanda həm də siyasətçilərdən çox mollalarımız var. Yerinə düşməsə də, məsələn, necə olur ki, çoxlarının bəyənmədiyi tək Əli Kərimli (İsa Qəmbər də, İqbal Ağazadə də) rəhbəri olduğu partiyasının ətrafına lazım olan qədər ideya dostlarını yığa bilir, partiyasındakı gənclərin dövlət əleyhinə çıxmasına, «”¦Bakı şəhərindən və respublikanın digər bölgələrindən özlərinə tərəfdarlar toplayıb, onları müxtəlif növ odlu silah, döyüş sursatı, partlayıcı maddə və qurğularla təchiz edərək cinayətkar dəstə təşkil etməsinə”¦Â» yol verilməsinin qarşısını ala bilir, amma çoxsaylı tanınmış din xadimlərimiz, eləcə də Qafqaz Müsəlmanları Ruhani İdarəsinin rəhbərliyi, Dini Qrumularla iş üzrə Dövlət Komitəsi (hətta, səhv etmirəmsə, Prezidentin dini məsələlər üzrə müşaviri də var)”¦ ətrafına yığışdıqları həmin o dini yad ünsürlərdən qoruya bilmirlər? Əksinə, kimlərsə bu dinin pərdəsi altına girib dövlətin ayağının altını qazır, təxribat törədir və sair”¦ Və biz də, yəni din adamlarımız da (onlara həm də dindən dolananlar demək olar yəqinki) bunu sakitcə seyr edirlər.

 Deməli, heç də günah Nardaranda, «din pərdəsi altına”¦Â» yığışan o ekstremistlərdə yox, dinin başında və ətrafında dayananlardadır. Sonra da deyirik ki, filankəslər «din pərdəsi altında”¦Â» filan cinayəti törətdi”¦ Axı, belə demək mümkündürsə, niyə çörəyi dindən çıxanlarımız”¦ özləri dinin həmin o pərdəsinin altına toplaşıb-yığışıb sıx birləşmirlər?! Onlar dinin həmin o pərdəsinin altında sıx birləşsələr, orda da boş yer qalmaz və bu pərdənin altına da din-məzhəb əleyhinə olanlar yığışıb dövlətin əleyhinə iş görə bilməzlər. Və sonra da dövlətimiz bu işi görməli dindarların  əvəzinə əməliyyat keçirir, qan tökülür, itki verilir”¦

Bəs bunların olmaması üçün din xadimlərimiz nə etməlidirlər? Belə çıxır ki, nəyi etsələr də, lazım olanı etmirlər. O səbəbdəndir ki, Qarabağda döyüşməli və öldürməlilərimiz Nardaranda ölür və öldürür”¦ Həmçinin İŞİD-ə qoşulur, ölür, itir”¦

Sonda: görəsən, bəzən «”¦ölməyə Vətən yaxşı!» dediyimiz halda, niyə Vətənin bölünmüş-parçalanmış, itirilmiş və hələ də geri qaytarılmamış Qarabağında döyüşüb ölməli və öldürməli meydanı qoyub Nardaranda ölür və öldürürük???