“Altun Kitab” nəşriyyatının 12-15 yaşlı uşaqlarda mütailə vərdişinin artırılması üşün Feysbukda müsabiqə elan etməsi ciddi marağa səbəb olub.

Nəşriyyatın direktoru, filologiya üzrə fəlsəfə doktoru Rafiq İsmayılov bu barədə Moderator.az a müsahibəsində ətraflı məlumat verib:

-Müsabiqənin əsas mahiyyəti bundan ibarətdir ki, 15 yaşınadək olan məktəblilər müəyyən edilmiş mövzuda kitabları konkret vaxt ərzində oxuyur və həmin əsərlərlə bağlı suallara cavab verirlər, sonda ən yaxşı oxucular, yəni qalib gələnlər bahalı hədiyyələr alır. Bilirsiniz, indi müxtəlif formalarda, o cümlədən Təhsil Nazirliyi səviyyəsində bu məzmunda layihələr həyata keçirilir. Biz də nəşriyyat olaraq əlimizdə olan imkanlarla bu işə öz töhfəmizi vermək istədik. Şagirdlərdə kitaba daha çox maraq oyatmaq üçün biz bunu müsabiqə formatında təşkil etdik.

- Xeyir, layihəyə bu ildən başlamışıq, amma artıq hiss edirik ki, şagirdlərlə yanaşı, valideynlərin və müəllimlərin də bu müsabiqəyə kifayət qədər marağı var. Təbii ki, lazımi effekt alınsa, biz bu işi davam edəcəyik. Başladığımız indiki müsabiqə 2016-cı il ərzində davam edəcək. İki aydan bir raund təşkil ediləcək. Bu raundun qalibləri növbəti mərhələlərdə də iştirak edə bilərlər. Yəni məqsəd odur ki, müsabiqə iştirakçıları ilin sonunda keçiriləcək finala qədər mümkün qədər çox bal toplaya bilsinlər. Təbii ki, daha çox bal yığanın finalda da qalib gəlmək şansı yüksək olur.

-Əlbəttə, burada bir məqsəd də Feysbuk məkanını şagirdlər üçün intellektual platformaya çevirməkdir. Lakin müsabiqənin final mərhələsi real məkanda və üzbəüz sorğu şəklində keçiriləcəkdir. Çünki biz tam əmin olmalıyıq ki, virtual müsabiqədə bal toplayan uşaqlar suallara həqiqətən özləri cavab veriblər. Finala raundlarda ən yüksək bal toplayan 25 nəfər buraxılacaq. Bu 25 nəfər beş qrupa bölünəcək. Hər beşlikdən bir nəfər seçiləcək. Sonda həmin beş nəfər arasından bir nəfər qalib olacaq.

- “Altun Kitab” nəşriyyatının Feysbukda səhifəsi var və burada müsabiqə ilə bağlı məlumatlar gedir, amma müsabiqə iştirakçıları üçün xüsusi “Altun Piramida” qrupu yaratmışıq. Bu qapalı qrupa yalnız iştirakçılar qəbul edilir. Yəni müsabiqədə iştirak etmək istəyən şagirdlər altunkitab.az saytının layihələr bölməsinə daxil olub qeydiyyatdan keçir və siyahıya düşürlər. Artıq 40-a yaxın şagird qeydiyyatdan keçib. Sayta daxil olan iştirakçılar müsabiqə haqqında onları maraqlandıran bütün suallara cavab ala bilərlər.

- Əlbəttə, onlar müəyyən qədər haqlıdırlar, amma müasir valideyn, yəqin, başa düşər ki, şagird sosial şəbəkədən öz intellektini və yaxşı mənada sosial aktivliyini artırmaq məqsədi ilə istifadə edirsə, burada pis bir şey yoxdur. Təsəvvür edin, iştirakçılar bu layihə çərçivəsində bir il ərzində 35-40 kitab oxuyacaq. Bunlar, Azərbaycan və dünya ədəbiyyatının ən gözəl nümunələri və faydalı elmi-kütləvi kitablardır. Ona görə də hamımız nail olmalıyıq ki, məktəblilər bu sosial aksiyaya geniş cəlb edilsin.

- Bəli, ilk raund elmi-fantastik ədəbiyyata həsr edilib və bu mövzu ilə bağlı kitabların siyahısı artıq Feysbukda və nəşriyyatımızın saytında elan edilib. Raund fevralın sonunda keçiriləcək. Əlavə şərtlər və qaydalarla bağlı geniş məlumatlar veriləcək. Şagirdlərin bütün sualları cavablandırılacaq. Hətta raunda bir neçə gün qalmış sınaq yarışması keçiriləcək. Bu tipli intellekt müsabiqəsi ölkəmizdə ilk dəfə keçirildiyindən çalışırıq ki, texniki məqamlar iştirakçılara öz biliklərini nümayiş etdirməyə mane olmasın.

- İki aydan bir raundların qalibinə planşet və 1-ci dərəcəli diplom, digər qaliblərə müxtəlif kitablar və diplomlar veriləcək. Finalın qalibi isə noutbuk qazanacaq. Nəzərə alın ki, bütün bunlar kənardan kömək olmadan nəşriyyatın öz hesabına təşkil edilir. Məqsədimiz uşaqları mütaliəyə cəlb etmək, kitab oxumağa alışdırmaqdır.