Allahın adıyla.
500 yüz il öncə paytaxtı Təbriz şəhəri olan Bütöv Azərbaycan dövləti qurulmuşkən Çaldıran döyüşü (1514) ilə başlamış, 290 il öncə (1724) Çarlıq Rusiyasının (I Pyotrun) Azərbaycan xanlıqlarını işğal etməyə başlaması və erməniləri Xəzərətrafı ərazilərə məskunlaşdırması ilə milli faciələrimizin əsas təkanverici zərbəsi olan (1828) bölünməmizdə xarici amillər də işə düşmüş və öz xanlığını vətən bilənlərin təcavüzkar qarşısında belə birləşə bilməməsi isə həlledici rol oynamışdır. İndi isə 7 yerə bölünmüş, 80%-i yadlar əlində, 20%-də müstəqil dövləti olan, amma yenə xanlıq təfəkkürü ilə idarə olunan bir məmləkətdə ömür sürüməkdəyik.
Artıq 10 ildən çoxdur ki, Azərbaycan türklərinin
yurd salıb yaşadığı tarixi ərazilərdə hər cür üsullarla susdurulan, sındırılan
Azərbaycan xalqının cəsarəti qəzəb halında, ehtiyatlılığı qorxaqlığ şəklində üzə
çıxmaqdadır. 2018-ci ilə hazırlaşan erməni, kürd terror təşkilatlarının
planları müqabilində, (Doğu Perincək başda olmaqla “Tələt Paşa Komitəsinin”,
Akif Nağı başda olmaqla “Qarabağ Azadlıq Təşkilatı”nın fəaliyyətləri xaricində)
doğrulmayan ümidlər və Milli şüur kasadlığı üzündən “vətəndaşlıq və mənəvi
keyfiyyətlərini itirərək”™”™ (Əhməd Qəşəmoğlu) uçuruma yuvarlanmağ ərəfəsində
olan xalqımızın heç olmasa possionarlığa yaxın 5-10 %-ni tezliklə taleyüklü, səfərbəredici
bir ideya, istiqamət ətrafında birləşdirə, təşkilatlandıra bilməsək, “milli
kodlarımızı yeniləyib sistemləşdirməsək”(Sərdar Cəlaloğlu) “Dərdimiz yetim
qalsa bizdən sonra kim çəkər” (Xudu Məmmədov)- durumuna düşəcəyimiz qaçılmazdır.
Milli hədəfimiz olmalı olan milli, islami,
demokratik, Bütöv Azərbaycan dövləti qurmaq, milli- mənəvi dəyərlərimizi
qorumaq və Əhməd bəy Ağaoğlu başda olmaqla “Difai fədailəri”nin 1905-ci ilin,
Nuru Paşa başda olmaqla Qafqaz Türk-İslam ordusunun 1918-ci ilin yazında Gəncədən
başlamış olduğları mübarizənin nəticəsi olaraq qurulmuş ADR- AXC ərazisinin bərpası
(Qarabağ, Göyçə, Zəngəzur) uğrunda çarpışacaq Allahsevər, vətənsevər, millətsevər,
azadlıqsevər nəsil yetişdirməkdən ötrü Bayrağımızda təcəssüm olunmuş aşağıdakı
yönümlərə əsaslanan Müasir Milli Məfkurə işləyib hazırlamaq gərəkdir: Göy rəng-türklüyümüz,
yaşıl rəng- müslümanlığımız, qırmızı rənğ- azadlığımız, 8 guşəli ulduz (günəş)-
dünyaviliyimiz, aypara- ziyalılığımız. Bəli, Dərbənd, Borçalı, İğdırlı,
otaylı-butaylı bütöv Azərbaycanın tarixi ərazisində yaşayan bütün yerli
xalqları, millətləri, ümmətləri əhatə edəsi, keçmişimiz, bugünümüz, gələcəyimiz
arasında körpü olası, özülü ötən əsrin əvvəllərində Əli bəy Huseynzadə,
Ə.Ağaoğlu, Məmmədəmin Rəsulzadə və b. tərəfindən Milli dövlətimizlə,
bayrağımızla qoyulan, əsrin sonu- Heydər Əliyev, Əbülfəz Elçibəy sağlığında
formalaşmağa başlayan dolğun bir Milli Görüş adlı igeologiya... Türk- İslam gələnəkləri
ilə müasir- bəşəri prinsipləri uzlaşdıran Bayrağımızda təsbit edilmiş bu milli
məfkurəmizə əsaslansaq, ölkədə Milli- islami- sosial demokratiyanın hakim
olduğu Cumhuriyyət tipli dövlət quruluşu tətbiq etmək qarşıya məqsəd olaraq
qoyulmalıdır. Milli yolumuzun hədəfi otaylı- butaylı, iqtidarlı- müxalifətli
bütün yurddaşlarımıza yiyə durası, milli- mənəvi dəyərlərimizə, yerüstü-
yeraltı sərvətlərimizə sahib çıxası, könüllərdə ölüsünə rəhmət, dirisinə hörmət
qazanan, cəmiyyətin bütün iddialı fərdlərinin, zümrələrinin, firqələrinin
qatıla bildiyi qarışıq seçki sistemi olan “prezidentli parlament respublikası”
tipli milli-demokratik bir hakimiyyətdir. Və hakimiyətin basqısı və xarici təsirlər
altında deyil, ədalətli qanunlar və təmannasız yardımlar çərçivəsində fəaliyyət
göstərərək cəmiyyətin maddi və mədəni inkişafına, dəyər və hüquqların
qorunmasına, nəzarət və təşəbbüslərin tətbiqinə, vətənimizin və tariximizin təbliğinə,
dərdlərimizin və problemlərimizin həllinə yardımçı olan 1.Müstəqil informasiya
vasitələri və yazarlar, 2.müstəqil hüquq müdafiəçiləri və vəkillər, 3.müstəqil
iqtisadi təşşəbbüskarlıq və mülkiyyətçilər, 4.müstəqil ruhani icmaları və
dindarlar, 5.müstəqil elm, mədəniyyət mərkəzləri və araşdırmaçı, yaradıcı
insanların birləşdiyi İctimai İnstitutlar.
Buna görə də səfərbəredicilik yönümləri olan
1.Millilik 2.İslamilik 3.Demokratiklik 4.Ədalətlilik 5.Azərbaycanlılıqla
quruculuq yönümləri olan 1.Hüquqi Dövlət 2.Milli Təhsil 3.Güclü Ordu 4.Sağlam
Ailə 5.Doğru Din- bilginləri toplanıb bir ictimai qurumda birləşməyi vicdan və
vətəndaş borcu bilməlidir. İlkin olaraq mümkünlük çərçivəsində və mövcud ərazidə,
müsbət nümunə və müştərək model formalaşdıraraq 1.Dövlət müstəqilliyi, 2.Vətəndaş
cəmiyyəti, 3.Milli mədəniyyət, 4.Sosial iqtisadiyyat, 5.İnsan hüquqlarının tətbiqinə
nail olmaq üçün Milli Mərkəz statuslu “Bütöv Azərbaycan Bilginlər birliyi”
adıyla təşkilatlanmaq təşəbbüsündə bulunmaq olardı. Biz bu dünyagir hakimiyyətə
arxayın olmadığımızdan, bu işləri yetərsiz də olsa pərakəndə halda görməkdə
olan, Dünyaya səpələnmiş və Azərbaycan torpağında yaşayan minlərlə türkazər-müslüman
yurddaşlarımıza müraciət edirik: İlkin mərhələ olaraq ölkəmizin erməni işğalı
altında qalan hissəsini azad etməkdən ötrü ata-babaları və özü o torpağlardakı
yurdlarımızda doğulub yaşamış, özü və doğmaları döyüşlərin iştirakçısı, zərərçəkmişi
olan ləyaqətli siyasətçi, ziyalı, hərbçi və mütəxəssislərin seçki və ya təyinatla
rəhbərliyə gətirilməsi zərurəti qəbul edilməlidir. Əlbəttə, həmən bölgələrdən
olmayan layiqliləri və cənublu qardaşlarımızı da unutmamaq şərti ilə.
Cənublu qardaşlarımıza da nümunə olmalı olan,
Ə.Elçibəy rəhbərliyi altında qazanılan müstəqilliyimiz rus, fars, erməni təhdidi
azmış kimi, 20 ildi Qarabağ, istiqlal, demokratiya döyüşçülərinin, fədakarlarının
əksəriyyətinin əzildiyi, aşağılandığı və mübarizə, mücadilə tarixinin təhrif
edildiyi, dövlət müstəqilliyinin qazanılmasında, ərazi bütövlüyünün
qorunmasında zəhməti olmayanların başda oturduğu, din pərdəsi və fars
şovnizmindən savayı İrandan bir elə fərqi olmayan istismarçı hökumət sayəsində
puç olmuş ümidlər və Güney Azərbaycan Milli Azadlıq təşkilatlarına, otaylı
siyasi mühacirlərə göstərilən ögey münasibət ruhdansalıcı, müstəqil dövlət
qurmaqdan və ya gələcəkdə birləşməkdən çəkindirici amilə çevrilməkdədir. Beləliklə
də, Sabir Rüstəmxanlının “Dövlətçilik əxlaqı...” məqaləsində yazdığı kimi
“milli konsepsiya hazırlayıb onu addım- addım həyata keçirmək zamanımız”
ziyanımıza ötüb keçməkdədir... “Bəlkə, millətin keçmişi və gələcəyi haqqında
doğru- düzgün konseptin olması və Güneydəki hərəkat Quzeyin də siyasi tıxanığlığdan
çıxmasına təkan verərək” (Nəsib Nəsibli) Qarabağın işğaldan azad edilməsinə
yardımçı olacağdır. Bəy demiş: Qarabağın qurtuluşu Təbrizdən keçir, yəni, millət
mənən birləşərək vətən torpağını azad etməlidir.
Tarix boyu Babək, Atabəylər, Şah İsmayıl, Fətəli
xan, Səttarxan, Ş.M.Xiyabani və S.C.Pişəvəridən, əsasən də bu istəyi, ideyanı həyata
keçirmək üçün təşkilatlanma mərhələsinin başlanmasında müstəsna rolu olan Ə.
Elçibəy və Mahmudəli Çöhrəqanlıdan üzü bəri «Paytaxtı Təbriz şəhəri olan vahid,
müstəqil Azərbaycan» ideyasından Əzrayıldan qorxduğları kimi diksinən Fars
şovinistləri və əksər İran tarixçiləri şimali Azərbaycan ərazisinin Alban,
Arran, Şirvan ölkəsi olaraq İranın tərkib hissəsi sayıldığını sübut etməyə
çalışıblar. Onların və sapı özümüzdən olanların islam- ümmət hicabına bürünüb
türk kökənli əhalini Allahın verdiyi, “Əsas Qanun”un təsbit etdiyi bir sıra
hüquqlarından məhrum etməsi, müxtəlif səviyyədə, formada təhqir etməsi, etiraz
və ya tələb etdikdə həbsə atması, işkəncələrə məruz qoyması Ədaləti əqidə əsaslarından
bilmələri, dünyada ədaləti bərqərar edəcək İmam Mehdi (ə.f) zühurunu gözləmələri
ilə bir araya sığmır və islam əleyhinə təbliqata rəvac verir.
Halbuki, islami ədalətdən daha çox fars
şovinizminə meydan verən, yəni, ölkə əhalisinin yarısını təşkil edən azərbaycanlıları
vilayətlərə bölərək milli- mədəni haqlarından, ana dilində yazıb- oxumaqdan,
tarixi keçmişini tədqiq və tədris etməkdən məhrum edən Tehran rejimi Zühurdan
qabağa düşərək ”³islam dövləti, islami ədalət cəmiyyəti”³ qurduğları iddiasıyla
islamı nicat yolu kimi gözdən salaraq dini siyasi alətə çevirməyə çalışan
münafiq sapmışlardan çox da fərqlənmədiyini göstərməkdədir. İranın həm də
şeytanın qarasını (Amerika, İsrail) lənətləyib, ağını (Rusiya, Ermənistan) xəlvətləməsi
dövlət mənafeyindən irəli gəlsə də, ümmət mənafeyinə ziyan vuran haldır, necə
ki, dini hövzələrdə öyrədilən islam elmi ilə hakimiyyətin yürütdüyü «islam
siyasəti» uyğun gəlmir. İslamı zülmə hicab edənlərin dovranı isə Allahın səbrindən-
40 ildən artıq sürməz. Buna görə də, bu tayı vəzifələri şəxsi mülkiyyətinə,
rüşvətxorluğu adət- ənənəyə çevirənlərdən, milləti mənəviyyatsız qərbə sürükləyənlərdən
və erməni işğalından, o tayı türkə qənim kəsilənlərdən, farsa nökərçilik edənlərdən,
müslüman qiyafəli münafiqlərdən və erməni havadarlarından azad etməyi, təmizləməyi
özünü türk, müslüman, azərbaycanlı, Rəsulzadə -Elçibəy ardıcılı, türk -islam
ülgüçüsü, Milli Görüşçü sayan hər bir kəs milli, mənəvi, vətəndaşlıq borcu bilməlidir.
Hər bir millətin mövcudiyyəti məsələsində on şərt
önəmlidir: cismani və ruhani varlığı, ağsaqqal və alimə itaəti, ərazi və dil
özünəməxsusluğu, tarixi və dini inancı, dövlətçiliyi və mübarizə əzmi. Beləcə,
millət olaraq iki yol ayrıcında və uyğun olaraq Allahın təqdirləri (varlıq aləminə
hakim olan qaydalar toplusu) qarşısındayıq: Ya tənbəl və tamahkar, bir-biriləri
ilə didişən, təbii gücünü səmərəsiz işlərə sərf edən, zamanını və mühitini
tanimayan, öz xeyrini düşünüb başqalarını unudan, Allahsızlığa və əxlaqsızlığa
yuvarlanan, nəticədə, parçalanaraq, işğal edilərək əsarət altına düşən millətlər
kimi gec-tez bədbəxt və məhv olmalı və ya da zəhmətkeş və savadlı, milli taleyi
haqda düşünən, sinfi fərqləri aradan qaldırmağa çalışan, insan şəxsiyyətini
qiymətləndirən, varlıları yoxsullarının haqqını ödəyən, vətənini və qeyrətini
qoruyan, nəhayət, dövlətini quraraq qanunlarına əməl edən millətlər kimi
rahatlıq və tərəqqi halında yaşamalıyıq... «Millətlərin taleyində isə onların
istəyindən başqa bir şey amil sayılmır. Çünki, qəza- qədər millətə, insana yox,
onların seçdiyi yola aid olan bir məsələdir». («Dini suallara cavablar»
kitabından)
“Bütün türk dünyasına anladılmalıdır ki, onların
dünyada həqiqi söz sahibi olması güney Azərbaycanın azadlığı ilə bütöv Azərbaycanın
bərpasından” (Aydın Mədətoğlu) və Türkiyədə milli dövlətin qurulmasından
asılıdır. Türk-İslam dünyasının birlik qapısı olan Bütöv Azərbaycan Cumhuriyyəti
hədəfli- həqiqi hakimiyyət bölgüsü və seçkili hökumət, maariflənmiş cəmiyyət və
qarşılıqlı məsuliyyət, sosial ədalət və nizamlı islahatlar yolumuz dünyada gedən
prosesləri anlayan dəyərli aydınlarımız, siyasilərimiz sayəsində, milli
taleyimizi düşünən Dünya Azərbaycanlılarının qatılımıyla, əsas əngəl saydığımız
beynəlxalq basqı və biganəliyi aradan qaldıraraq, Güneydə və Quzeydəki ölkədaxili
müşkülləri həll edərək uğurlu sonluğuna yetişər, Allahın izniylə.
Cabir Alpoğlu Albantürk
şair- publisist