Çox ağır dərddir. Atatürk hava limanında - üç qitə arasında nəqliyyat qovşağında baş verən qanlı faciəni Türkiyədəki silsilə terror hadisələrinin pik nöqdəsi adlandırmaq olar. Bu gün çoxlarına bəlkə adi görünən belə fikirlər səslənir ki, niyə məhz Türkiyə-Rusiya münasibətlərinin gərginləşməsi də, yaxınlaşması da bu terror hadisələrinə səbəb oldu?!

Əslində dünyada ”“eləcə də Türkiyədə baş verən bütün terror hadisələrinin birbaşa İslam dini ilə - bu dinin radikal qanadları ilə əlaqələndirilməsi gec-tez bu yalnış düşüncənin acı bəhrəsini verəcəkdi...

Çünki rus döyüş təyyarəsi vurulduqdan sonra Rusiya politoloqların fikrindən belə görünürdü ki, əgər Üçüncü Cahan savaşı baş versə, Türkiyə İslam dövləti olduğu üçün birmənalı şəkildə müdafiəsiz qalmağa məhkumdur!

“Qərbi Avropa dinclik istəyirsə, onda Səddam Hüseyni, Hüsnü Mübarəki, Qəzaffini geri qaytarsın, Bəşər Əsədlə işi olmasın!..” deyən Jirinovski isə Türkiyənin ünvanına ən təhqiramiz ifadələr işlədərək, Rusiya prezidentini rus çarları kimi dərhal hərəkətə keçməyə, “qorxaq köçəri türklərin ”in dərsini verməyə çağırırdı. Və və vaxtilə Türkiyəni parçalamaq üçün Abdulla Ocalının Moskvada - Kremlin dövlət bağında necə təmtəraqla qarşılandığını yada salırdı.

Rus hərbi icmalçıları da Ərdoğanın “böyük səhvinin” Türkiyəni çıxılmaz vəziyyətə saldığı görün necə izah edirdilər: “Yaranmış gərgin vəziyyət Putin üçün Böyük Yekaterinanın və ondan sonra gələn rus imperatorlarının arzularını gerçəkləşdirmək üçün gözəl tarixi şansdır...”

Elə Putinin təhdid dolu ilk bəyanatlarında da Türkiyənin güya İŞİD-ə dəstək verməsi fikri də bu düşünülmüş siyasətdən qaynaqlanırdı.

İndi də son terror hadisəsində İSİD-in izi olduğu bildirilir. Onda necə olur, Türkiyə dəstək verdiyi İŞİD Türkiyədə də terror törədir?

Əslində Türkiyənin şərqdə əzilən İslam dövlətlərinin təəssübkeşi missiyasını yerinə yetirməsi Rusiya başda olmaqla Avropanı həmişə nərahat edib, məhz buna görə də Türkiyəni heç vaxt Avropa Birliyində görmək istəməyiblər.

Dünyanın hegemon dövlətləri -xüsusilə, ABŞ və Rusiya bəzi İslam dövlətlərinin ərazilərini illər boyu döyüş poliqonuna çevirməsi həmişə Türkiyəyə qarşı güc-hərbi qüdrət sərgiləmək istəyindən irəli gəlib . Və həmişə də bu “dava-dava oyununda” qırıb-çatdıqları yüz minlərlə günahsız müsəlmanların qanından həzz alıblar.

Məlumdur ki, bu dövlətlərin şərqdə “terrorçu ovuna” çıxmasının arxasında öz maraqları var. Rus təyyarəsinin vurulması isə sanki Moskavanın uzun müddət Türkiyə ilə əlaqələri kəsmək və savaşa bəhanə axtardığını ortaya qoydu. Halbuki vaxtı ilə Cənubi Koreyanın 200 nəfərlik sərnişin təyyarəsi hava sərhəddini pozduğuna görə ruslar tərəfindən vurlması iki dövlət arasında heç bir münaqişəyə səbəb olmamışdı...

Rusiya prezidenti deyirdi ki, Suriyada döyüşən rus əsgərləri Rusiyanı qoruyurlar. Bəs İraq və Suriya ərazisində güllə-boran edikləri türkmənləri qorumağa Türkiyənin ixtiyarı yoxdurmu?

Belə çıxır Rusiyanın, ABŞ ”“in, Fransanın və başqa Avropa dövlətlərinin “sərhədləri” bu gün Suriyadan, İraqdan, Liviyadan, Əfqanıstandan başlayır, amma Suriya ilə həmsərhəd olan Türkiyənin yox?!

Türk dünyasının haqq aşiqi Yunis Əmrə “Altım çamur, üstüm yağmur” fikrini öz zamanəsində nəyə görə söyləyib, deyə bilmərəm, amma Rusiya qırıcıları Türkiyə ilə həmsərhəd ərazilərdə türkmənlərin, xüsusilə İraq və Suriyada yaşayan kərküklərin doğrudan da altını çamura döndərib, üstünü də bomba yağmuruna çevirmişdi...

Maraqlı budur ki, belə məqamda Rusiyanın bir döyüş təyyarəsi vurulandan sonra Moskvada yaşayan və Kremlə yaxın erməni lobbisinin qızışdırıcı mövqeyi nə qədər aydın görünürdüsə, Atatürk hava limanında son terror hadisəsindən sonra Rusiya xarici işlər naziri Lovrovun məhz Ermənistana getməsi bir o qədər “müəmmalıdır”.

Hətta Atatürk hava limanında baş verən son terror hadisələrini ermənilər törətsəydi belə, Rusiya yenə Ermanistanın yanında olacaqdı və türkün qanına susamış bu daşnak törəmələrinə dəstək verəcəkdi..

Mən Avropa siyasi liderlərinin Türkiyədə hər dəfə terror hadisəsi baş verən kimi güya Türkiyəyənin yanında olduqları barədə verdikləri bəyanatların səmimiliyinə əsla inanmıram. Çünki iqdisadi böhran yaşayan Avropa iki Dünya Müharibəsinə meydan olub! Odur ki, türk ”“ islam birliyinin düşmənləri Üçüncü Dünya Müharibəsinə əslində belə irili-xırdalı terrorlarla və şərqdə kiçik müharibə ocaqları yaratmaqla müsəlman dövlətlərinin ərazisində aparmağa rəvəc verirlər.

Allah qanı qaçan dünyanı YENİ müharibə fəlakətindən qorusun!