Azərbaycanın əsas problemi insanlarının vəzifədən dördəlli yapışması ilə bağlıdır. Öncə müxalifətə nəzər salaq.

1) İsa Qəmbər. 1992-2014 Müsavat Partiyasının başqanı olub. 22 il.

2) Əli Kərimli. 2000-ci ildən AXCP sədridir. Ən azı 2018-ci ilə kimi bu vəzifədə olacaq. 18 il. Əminəm ki, heç ondan sonra da AXCP sədrliyindən gedən deyil.

İqtidaryönlü partiyalar

Ana Vətən Partiyasının sədri 1990-cı ildən Fəzail Ağamalıdır. 26 ildir.

Partiyası 1994-cü ildə yaradılıb. Tahir Kərimli elə o vaxtdan sədrdir. 22 ildir.

Azərbaycanın ziyalı mühitinə diqqət edək.

1) Anar. 1987-ci ildən Azərbaycan Yazıçılar Birliyinin sədridir. 30 ilə bir şey qalmayıb.

2) Fərhad Xəlilov 1987-ci ildə Azərbaycanın Rəssamlarının İttifaqının sədri seçilib. 30 ilə bir şey qalmayıb.

Dini müstəvidə vəziyyət necədir?

Allahşükür Paşazadə 1980-ci ildə Qafqaz Müsəlmanları İdarəsinin sədri seçilib. Sonradan qaydaları öz xeyrinə dəyişərək ömürlük Şeyx-ül-islam olub. Tezliklə bu mötəbər vəzifədə 40-ı çıxacaq...

İqtidara baxaq.

İlham Əliyev 1999-cu ilin dekabrında YAP sədrinin müavini, 2001-ci ilin noyabrında isə sədrin 1-ci müavini seçilib. Təbii ki, yekdilliklə. 2003-cü ilin dekabrında Heydər Əlievin vəfatından sonra partiyaya rəhbərlik edirdi. 2005-ci ildən YAP-ın sədri seçilib. Yəni faktiki İlham Əliyev 1999-cu ildən YAP-a rəhbərlik edir.17 ildir.

2003-cü il 15 oktyabrdan indiyə kimi Azərbaycan Republikasının Prezidenti kimi fəaliyyətdədir. 2013-cü ildə üçüncü müddətə prezident seçilmək üçün Konstitusiyanı dəyişib. İndi Konstitusiyanı bir daha dəyşməkdə qərarlıdır. 13 ildir ki, prezidentdir.

Bu yazıya bu parametrlərə uyğun gələn onlarla nazirin, komitə sədrinin, partiya rəhbərinin”¦ adını əlavə etmək olar. Bu isə o deməkdir ki, vəzifədən dördəlli yapışmaq bizim qanımızda var. Biz dəyişikliyi sevmirik. Sudan təmiz şey yoxdur. O da bir yerdə qalanda iylənir. Bu mənada biz üfunətin içində yaşamağa məhkumuq. Çünki belə bir naqisliyimiz var”¦

Məncə, Azərbaycanda istisnasız olaraq hər 4 ildən bir prezident dəyişməlidir. Təbii ki, hökumət və parlament də həmçinin. Bu dəyişiklik mütləq Azərbaycanda fəaliyyət göstərən partiyaların sədrlərinə də şamil olumalıdır. Bu dünyada əvəzolunmaz adam yoxdur. Xüsusən dövlət idarəçiliyinə Qərb təfəkkürü ilə yanaşmalıyıq. Şərq təfəkkürü bizi ancaq və ancaq tənəzzülə aparır”¦