12 dekabr 2016-cı ildə bütün dünya azərbaycanlıları ulu öndər Heydər Əliyevi sayğı ilə anıblar.  Heydər Əliyev 13 il öncə vəfat etsə də, onun qurduğu strategiya hər keçən il Azərbaycanı daha da güclü edir. Heydər Əliyevin siyasəti Azərbaycan  xalqını təkcə birləşdirmədi, onun qoyduğu yol Azərbaycanın uzun müddətli inkişafı üçün bir təməl oldu.  Heydər Əliyevin siyasəti Azərbaycanı güclü, müstəqil, suveren dövlət etdi. Bununla da Azərbaycan özünü dost olmayan ölkələrdən qorumağı bacardı.

Məhz buna görə də hər il Heydər Əliyevin doğum və anım günündə dünyada yaşayan azərbaycnlılar onu yad edirlər. Ulyanvsk da bu məsələdə istisna olmadı. Bu həftənin birinci günü Ümumrusiya Azərbaycanlıları Konqresinin Ulyanovsk Nümayəndəliyi də Heydər Əliyevi yad edib.  Onlar Heydər Əliyevin şəhərdəki abidəsinin önünə gələrək oraya gül dəstələri qoyublar. Qeyd edək ki, bu abidə Rusiyada Heydər Əliyev üçün qoyulmuş ilk abidədir.

Tədbir Ümumrusiya Azərbaycanlıları Konqresinin Ulyanovsk Nümayəndəliyinin rəhbəri İslam Hüseynovun sözləri ilə açıq elan olunub.

İslam Hüseynov tədbirə toplaşanları salamlayaraq Heydər Əliyevin Azərbaycan xalqına etdiyi xidmətlər barədə geniş nitq söylədi. O, qeyd etdi ki, Heydər Əliyevin Rusiya və Ulyanovskla  çox sıx əlaqələri olub. İslam Hüseynov qeyd etdi ki,  azərbaycanlıların Heydər Əliyevi anmaq üçün edə biləcəkləri ən böyük iş vətənlərinə sədaqətlə xidmət etmələri olar. Bu xidməti bayram və özəl günlərdə deyil, bütün günü etmək lazımdır.

Bu il Bakıda baş tutan Dünya Azərbaycanlıların Konqresində çıxış edən İlham Əliyev atasının qoyduğu yola sadiq qalaraq bildirdi ki, dünyanın müxtəlik ölkələrində fəaliyyət göstərən Azərbaycan nümayəndəliklərinin üzərinə ciddi missiya qoyulub. Missiya ondan ibarətdir ki, Azərbaycanlılar öz xalqlarının təmsilçisi olmalıdır. Azərbaycanlılar yaşadıqları xarici ölkələrdə özləri barədə xoş təsüratlar oyatmalıdırlar. Buna görə də biz daha aktiv olmalı, tədbirlərimizə tanınmış həmyerlilərimizi və gəncləri dəvət etməliyik. İlham Əliyev bizdən bunları gözləyir, onun atası da belə etməmizi istəyərdi. Heydər Əliyev bizim üçün vətənpərvərlik nümunəsidir. “Heydər Əliyev iki dövrdə, SSSR və müstəqil Azərbaycanda yaşayıb. O, hər iki halda yalnız Azərbaycan xalqına xidmət edib” deyə İslam Hüseynov bildirdi.

Ulyanovskda məskunlaşan kazakların nümayəndəsi polkovnik Andrey Kulikov ilk dəfə olaraq Heydər Əliyevin anım tədbirində iştirak etdi. O, Heydər Əliyev haqda xoş sözlər söyləyərək qeyd etdi ki, Heydər Əliyev xalqları birləşdirən lider olub. Kulikov qeyd etdi ki, Heydər Əliyev Rusiya və Azərbaycan tarixinin bir hissəsinə çevrilib. 20 dərəcə şaxtaya baxmayaraq Ümumrusiya Azərbaycanlıları Konqresinin Ulyanovsk Nümayəndəliyinin onlarla üzvü Heydər Əliyevin abidəsi önünə toplaşıb oraya çiçəklər qoydu. Bu şəxslər hər il şaxta və soyuğa baxmayaraq Heydər Əliyevi ehtiramla yad edirlər. Əli Qarayev bildirdi ki, o, hər il digər azərbaycanlı dostları ilə Heydər Əliyevin abidəsini ziyarət edir. Hesab edirəm ki, bir şəxs dünyasını dəyişdikdən sonra belə onu dünyanın müxtəlif ölkələrində milyonlarla insane ziyarət edirsə bu həmin şəxsin necə böyk bir insan olduğunu sübuta yetirir.” Deyə Əli Qarayev bildirdi.