Beynəlxalq Aktivist Sənətçilər Birliyinin (UASB) Azərbaycan təmsilçisi, Rəsm bölməsinin rəhbəri, tanınmış rəssam Nəvai Metin Azərbaycanda ilk sayılacaq bir işə imza atıb. Belə ki, rəssam bir neçə funkisayını özündə birləşdirəcək yeni rəsm qaleriyası yaradıb. 

Bu barədə Moderator.az-a  rəssam özü məlumat verib: 

""Sedet art" qaleriyası sərgi salonu, rəsm studiyası və art kafedən ibarət bir məkan olacaq. Hətta qaleriyada kitab təqdimatları və ya tanınmış ziyalılarla görüş üçün də şərait yaradılacaq. Həmçinin rəsm dərnəkləri təşkil olunacaq. Bir sözlə, "Sedet art" sənətin tək ünvanı olaraq insanlara xidmət göstərəcək.

"Sedet art”ın yaranma səbəbinə gəldikdə isə, müxtəlif problemlərin, çətinliklərin, terror və qanlı hadisələrin içində məhv olmaq təhlükəsi olan dünyamızı yalnız və yalnız mədəniyyətin, incəsənətin xilas edəcəyinə əmin olu. Hərə öz sahəsində bacardığı qədər dünyanı bu bəlalardan qurtarmağa cəhd göstərməlidir. 

Yaratdığımız "Sedet art" studiyası tək rəssamların yox, mədəniyyətin bütün sahələrini təmsil edən sənət adamlarının və sənətsevərlərin görüş yeri olacağına inanırıq”.

Qeyd edək ki,  Səməd Vurğun heykəlinin yaxınlığında, 28 may küçəsi 85 ünvanda yerləşən "Sedet art" rəsm qaleriyasının açılış mərasimi yanvar ayının 21-də, saat 18:00-da  olacaq. Bütün sənət sevərləri sənət ocağının açılışına dəvət edirik.