Mədəniyyət naziri bütün komandasıyla  belə səviyyəsiz tamaşalara görə məsuliyyət daşımalıdır... “Qoğalın sərgüzəştləri ” tamaşasına ailəlikcə iştirak edən hərbçi atanın - Kazım Nəbiyevin  bu sonuncu fikirlərindən sonra  daha heç kəsi dindirməyib teatr binasını tərk etdim.....

 

Bir neçə gün öncə dostlarımdan birinin  nəvəsiylə Gənc Tamaşaçılar Teatrında adı çəkilən tamaşadan yarımçıq zalı tərk etmələri haqda mənə münasibət bildirdilər.. Düzü, ürəyimdə “bu qədər də olmaz... “ desəm də qəti qərara gəldim ki, növbəti tamaşaya baxmalıyam. Elə də etdim...Tamaşanın başlanmasına  bir qədər var idi. Məndən sonrakı cərgədə əyləşən bir ailəylə tanış oldum, ata hərbçi, ana  evdar xanım və iki azyaşlı uşaq (3 və 4 yaş)

- Uşaqlarınızı mütamadi olaraq tamaşalara gətirirsiz, yoxsa?

- Çalışırıq vaxt tapan kimi .....

- Tamaşalardan  razı qalırsızmi?  Sonuncu dəfə hansı tamaşaya baxmısız?

- Düzü  yox.... sonuncu dəfə “Buratino”ya  baxdıq..zalı yarımçıq tərk etdik..yorucu, boş səs-küy...

Keçək mətləbə....Mədəniyyətimizin və mənəviyyatımızın əsas məbədgahı sayılan teatr tamaşalarının bu qədər ucuzlaşması, cılızlaşması hardan qaynaqlanır? Tamaşaçıları boş, mənasız gülüşlərə alışdırmağı, nəyin bahasına olursa olsun təki gülsünlər deyə zövqün korlanmasına, mənəvi dəyərlərin aşağılanmasına gətirib çıxarmazmı? Hamınız deyəcəksiz “əlbəttə çıxarar!!” Bəs elə isə nə səbəbə səviyyəsiz, bir başa məsuliyyət daşıyan, isti kreslolarda əyləşib vaxtaşırı  mənasız  müsahibələr verib, teatrların qapılalarını tanımayan, illərlə əlinə kitab almayan, ümumiyyətlə milli ruhumuzdan bixəbər, məcburiyyət qarşısında qalıb  hərdən bədii gecələrdə  mübtədası-xəbəri bilinməyən cümlələrlə xalqın qarşısında utanmadan hazır mətn oxuyan “ mədəniyyətımizin keşiyində duran” yırtıcılara göz yumursuz??? Bünövrəsi 1873 - cü ildən qoyulan milli teatrımız  ən çətin dönəmlərdə heç vaxt nələrinsə, kimlərinsə xətrinə şit, bayağı əsərlər səhnələşdirmədi.... yüzlərlə  sənət fədailəri məhz sanballı, klassik əsərlər sayəsində öz qabiliyyətlərini ortaya qoya bildilər. Neçə-neçə ədəbi-teatr məktəbləri yaradan sənətkarlarımız olub.. Bəs indi???  TV-lərdəki səhərdən-axşama qədər şit, diringi mahnılar, gülüş adıyla sırıdığınız yumoristik səhnəciklər və daha nələr azmış kimi  teatrları da yaman günə qoymusuz??  Bu qədər çətin vəziyyətə düşdüyümü xatırlamıram..Fikirlərimi cəmləşdirə bilmirəm..hələ də keçirtdiyim sarsıntının təsiri altındayam.  

“Qoğalın sərgüzəştləri” tamaşasında  gördüklərimi  tezis şəklində  demək istəyirəm....  1 saat 10 dəqiqəlik tamaşanın 35 dəqiqəsi bir neçə məzmunsuz, şit musiqi sədaları altında şıdırğı rəqs edən baba və nənə..Bu parçada təzəcə təndirdən çıxan qoğalın qulağını bərk-bərk dartan nənənin hikkəsindən qorxan uşaqların bir neçəsini zaldan çıxartdılar... Hansı məntiqə əsasən Qoğal hərfləri yeyə-yeyə pəltək kimi danışırdı, onu da anlamadım. (istəmiyəm..getmiyəm...)  Ağıl axtarmaq üçün nənədən babadan qaçan Qoğal daha sonra  Dovşana, Ayıya, Canavara və Tülküylə rastlaşır.. Və  bütün heyvanlar “ağıl nəyinə lazımdır..gücün olsun yetər... pulun olsun yetər” təfəkkürüylə Qoğal ələ keçirtmək istəyir..  

Tamaşa boyu türk və xarıcı ölkə pop musiqisi beynləri deşir...bu  musiqilərə yazılmış mənasız mətnlər  ən səbrli insanı qıcıqlandırır.. Tülkü lələ nədən osmanlı türkçəsiylə danışırdı....o da başa düşülmədi.. 3-5 yaşında uşaqlara  “sen abdalsan... kötüsün... tuzakmı kurak”” və bu kimi ifadələri  anlamayan uşaqların  xısıntısı zalı bürümüşdü....Tülkü sanki diskoteka meydanında sərxoş rəqs edən adam təsiri bağəşlayır....Şıdırğı rəqs edən nənə-baba da özləri demiş  “çox yorğun və köməksiz “ görünürdü... Hələ işlətdikləri jarqonlar.... “arvadbaz, kül başına, şorgözün biri şorgöz..duzun tərkibi natri xlordu bildin ay balbes(( aaa..kürkün yoxsa Karalina valyantdır???sırtıq”kimi ifadələri hansı “möhtəşəm” yazarın məhsuludu ??? Müdrik ağsaqallarımız, söz sahibi olan ziyalılarımız, xüsusilə geniş təbliğat-təşviqat imkanları olan radio-televiziya, dövri mətbuat, digər kütləvi informasiya vasitələri mənəvi dəyərlərimizin təbliği və gənc nəslə ətraflı izah edilməsi işlərinin fövqündə  beləmi dururlar??

P.S. Heç Qarabağın işğalından qabaq bu xalq belə hoppanıb-düşmürdü toylarda..məclislərdə...