Bir şəkil min sözə dəyər və bəzən də min sözdən daha çox təsirə malik olar. Moderator.az-ın təqdim edəcəyi fotolar da çox söz deyir. 

Bəşəriyyət tarixinə qara ləkə olan bu fotolar həm də heç zaman silinməsi mümkün olmayan tarixi dəhşətlərin, vəhişilklərin dəlilləridir. 

 

2-ci Dünya Müharibəsi zamanı Yaponiya 1937-ci ildə Çini istila etməyə başlayıb. Çinlilərin müdafiə xətlərini tərk edib geri çəkilməsindən sonra yaponlar çinlilərin qoyduğu xətləri hava hücumu ilə bombardman edəcəklərini elan ediblər. Ancaq Yaponiya təyyarələri gözlənildiyi kimi Çin müdafiə xətlərini vurmaqdansa gözlənilməyən şəkildə 1800 qadın və uşağın olduğu qatar stansiyanı vurub. Yapon əsgərləri qatar stansiyasındakı insanları hərbçi zənn edərək 1500 günahsız insan öldürüb.

Bu fotoşəkil bombardmandan sonra fotoqraf H.S.Vong tərəfindən çəkilib. Təxminən 1,5 ay müddət ərzində foto 130 milyon insan tərəfindən görülüb və Yaponlara qarşı birlik yaradılmasında əhəmiyyətli olub. Bu hadisədən sonra yaponlar fotoqraf Vongu öldürən şəxsə mükafat verəcəklərini elan ediblər.

Təqdim etdiyimiz son fotoşəkil, daha dəqiq desək fotokollaj isə çox da uzaq olmayan keçmişimizə aiddir. Fotolar 1992-ci il fevralın 25-dən 26-na keçən gecə Ermənistan silahlı qüvvələri tərəfindən Rusiyanın 366-cı motoatıcı alayının iştirakı ilə azərbaycanlılara qarşı törədilmiş Xocalı soyqırımına aiddir. Xocalı soyqırımı nəticəsində 63-ü uşaq, 106-sı qadın, 70-i qoca və qarı olmaqla, 613 Xocalı sakini qətlə yetirilib, 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib. 76-sı uşaq olmaqla, 487 nəfər yaralanıb, 1275 nəfər əsir götürülüb, girov götürülənlərdən 150 nəfərinin, o cümlədən 68 qadın və 26 uşağın taleyi bu günədək məlum deyil.

Fotolar  Azərbaycanın Milli Qəhrəmanı Çingiz Mustafayev tərəfindən çəkilib. Fotolardan da görünür ki, tarixin ən dəhşətli hadisəsi almanlardan belə daha vəhşi olan ermənilər tərəfindən Azərbaycanın dinc əhalisinə qarşı törədilib.