Rusiya mətbuatının Ermənistandakı yeni siyasi vəziyyətə dair mövqeyi Azərbaycan oxucuları üçün maraq doğurmaya bilməz. 

Ermənistandakı yeni hökümətin tərkibi ilə bağlı “Politekspert” saytının yazısını Moderator.az diqqətinizə çatdırır.

“Bu yaxınlarda Ermənistanda hökümət dəyişdi. Baş nazir vəzifəsinə Nikol Paşinyan gəldi.

Paşinyanın bu vəzifəni tutması, onun özünün təşkil etdiyi mitinqlər seriyasına görə mümkün oldu.

 Vəzifəyə gələndən sonra o, dərhal qonşu dövlətlərin liderləri ilə görüşlərə  başladı. Rusiya prezidenti Vladimir Putinlə  Ermənistanın yeni baş nazirinin söhbəti  14 mayda, Soçidə Ali avrasiya iqtisadi şurasında baş tutdu.

Avrasiya iqtisadi birliyi Ermənistan üçün RF ilə əməkdaşlıq yoludur.Amma,  erməni liderinə inanmamaq üçün Moskvanın tutarlı səbəbləri var, belə ki, neçə illər ərzidə o fəal şəkildə avrasiya inteqrasiyasını tənqid edib. Aydındır ki, hökümətin dəyişməsinə baxmayaraq, Paşinyana lazımdır ki, Putini möhkəm erməni-Rusiya əlaqələrinə inandıra bilsin. Amma, həqiqəti bilmək üçün bu hökümətin özünə göz gəzdirməyə dəyər. 

Baş nazirin müavini Mqer Qriqoryan əvvəl bankir olub və Amerika bankına işləyib. Başqa müavin –Ararat Mirzoyan Amerika QHT-si “ Demokratiyaya dəstək fondu”(NED)  ilə fəal işləyən  beynəlxalq maliyyə sistemləri Fondunun( İFES) kordinatoru olub. Üçüncü müavin-Tiqran Avinyandır. O əvvəllər SSRİ dövründə Ermənistanda tikilmiş Kaskad Vorotan HES-in ABŞ-a satılmasında rol oynayıb.

Eyni zamanda nazirlər də diqqəti cəlb edir. Məsələn, Müdafiə naziri David Tonoyan, hələ NATO-da dövlət nümayəndəsi olanda, 2005-ci ildə Mərkəzi kəşfiyyat İdarəsi tərəfindən agent kimi cəlb olunub. İndi isə o MDB ölkələri ərazisində biolaboratoriyalarla məşğuldur. Təhsil naziri- qeyd olunan NED tərəfindən sponsorluq edilən “Vətəndaş müqaviləsi” partiyasının idarə heyətinin üzvüdür. Bu partiyaya, həm də ərazi idarəetmə və inkişafı naziri Suren Papikyanın da  aidiyyatı var.

 

Maliyyə naziri Atom Cancuqazyanı da qeyd etmək istərdik. O, “İnforeaktor”nəşrinin xəbər verdiyinə görə Dövlət Departamentinə məxsus, ABŞ-ın Beynəlxalq inkişaf agentliyinin məzunudur.

Rusiyalı politoloq, ictimai xadim, “Smısl” aparıcı videolayihənin müəllifi  İvan Arkatovun sözlərinə görə, Paşinyanın yeni hökümətinin bu cür məmur heyəti Qərblə əlaqələri dəqiq göstərir. Baş nazirin dostlarının ölkədə əsas yerləri tutması sadə iş deyil.

Belə olan halda Paşinyanın mövqeyi tam aydın deyil. Bir tərəfdən deyir ki, Rusiya ilə münasibətlər zərər görməyəcək, amma başqa tərəfdən də düşünmək lazımdır, bir neçə aydan sonra, yeni nazirlər hər şeyi ələ alıb buynuz göstərə bilərlər.

 Ermənistanda vəziyyəti pik nöqtəsinə çatdıqmaq ABŞ üçün daha məntiqli olardı ki, qonşu dövlət RF üçün ağrılı yer olsun. Eyni zamanda, Qərb Paşinyanın köməyilə, Ermənistanın böyük qardaşın əlindən çıxması üçün  Türkiyəni də qeyzləndirə bilər. Arkatov inanır ki, situasiya çox güman ki, mürəkkəbləşəcək. 

Maraqlıdır ki, Paşinyan kadr yerdəyişikliyi etməyəcəyinə söz vermişdi. Yekunda hökümət Paşinyanın “11 dostu”ndan formalaşdırıldı. Beləliklə, aydın olur ki, erməni inqilabı elə-belə baş verməyib. Bütün bunlardan görünür ki, yaxın gələcəkdə erməni-Rusiya münasibətləri ciddi şəkildə zərər görə bilər”-politoloq fikrinə belə yekun vurub”