Tanınmış din adamı və ictimai xadimin Moderator.az əməkdaşına müsahibəsini nəzərinizə çatdırırıq: 

(Müsahibənin əvvəli bu linkdə:(moderator.az/news/232856.html)

- Təbii ki, Bakıya mer təyin olunması dövlət başçısının - Azərbaycan prezidentinin səlahiyyətində olan məsələdir. Ancaq mənim bir ağsaqqal, bir ictimai xadim kimi rəyimi öyrənmək istəyirsinizsə, əvvəla, onu deyim ki, Bakı – Azərbaycanın ürəyidir, Bakı - Azərbaycanın qəlbidir, Azərbaycanın gözüdür.  Odur ki, Bakının rəhbərliyi məsələsinə çox həssaslıqla yanaşmaq lazımdır.  Mən bir ağsaqqal kimi saytınız vasitəsi ilə  cənab prezident İlham Əliyevə, 1-ci xanım, 1-ci Vitse-prezident Mehriban xanım Əliyevaya müraciət edirəm: ”Cənab prezident, cənab 1-ci Vitse-prezident, sizə bir  ahıl yaşlı vətəndaş, Bakı sakini kimi ərklə deyirəm, ey mənim qardaşım, oğlum, bacım, qızım, sizlərdən çox xahiş edirəm, Bakının merini, Bakının sahibini bakılı qoyun. Bu, belə olmalıdır. Öncə dediyim kimi, digər bölgələr təki, Bakını da bakılı yaxşı tanıyacaq, Bakının dəyər-qiymətini, qədrini bakılı daha yaxşı biləcək. Bakı camaatının qayğısını bakılı daha yaxşı çəkəcək....

- Xeyr, heç kəslə əlaqə yaratmadım. Çünki görünən dağa nə bələdçi. Hər şey gün təki aydındır... Öncə dediyimiz kimi, xaricdəki düşmən güclər daxildəki əlaltılarıyla birləşərək həm adi insanlar, həm də hökumət qurumlarına sızmış adamları vasitəsi ilə Gəncədəki dinlə, sosial vəziyyətlə bağlı gerçək narazılıqlardan yararlanmaqla dövlətçiliyimizlə yanaşı, dinimizə -İslama qarşı da təxribat törədiblər. Və onu da deyim ki, bu, indinin işi deyil, bu, son onilliklər boyu hazırlanan məkrli oyunların tərkib hissəsidir. Buradakı məqsədlərdən biri də ümumiyyətlə, Azərbaycanda insanları Allaha, İslama, Peyğəmbərə(s), imamlarımıza bağlılıqdan çəkindirməkdir.  Nardaranda 2015-ci ildə baş vermiş qarşıdurma zamanı bir qrup şəxsin təşəbbüsü ilə hökumətə etiraz edənlər İmam Hüseyn meydanında özlərinə qəbir qazmışdılar ki, biz sonadək savaşıb, lazım gəlsə, burada da öləcəyik.  Bunu eşidən kimi təcili oraya yollanaraq onlara anlatdım ki, bu meydanda özünə qəbir qazmaq doğru deyil. Bilirəm ki, bu qəbirlərə heç kəs girməyəcək və sonda onları yenidən torpaqla dolduracaqsınız. Və bununla da İmam Hüseyn(s) adından sui-istifadə etmiş  olacaqsınız.  Ümumiyyətlə, sizin tutduğunuz yolun sonu yaxşı qurtarmayacaq, bu yoldan çəkinin. Onlar məni dinləmək istəmədilər. Axırda qəzəblənib dedim ki, onda əgər gerçəkdən haqq yolunda cihad etmək  istəyirsinizsə, ölümə hazırsınızsa, meydandakı qəbirləri doldurun, ətrafda özünüzə səngər qazıb müdafiədə dayanın. Dedim, ay camaat, düz etmirsiz, bütün küçələri, divarları ərəb dilində dini şüarlarla doldurmusuz. Bura İslam dövləti deyil axı? Heç İranda bu cür hal yoxdur. Yenə məni dinləmədilər... Sonu nə oldu? Bu gün Nardaranda, demək olar ki, komendant saatı hökm sürür. Polis qəsəbəyə girib-çıxanları yoxlayır. İnsanlar ibadət üçün Nardaran pirinə buraxılmır. Vəziyyətin bu yerə gəlməsində düşmən əli var. Düşmənlərin də məqsədi elə bu idi. İnsanları tədricən dindən – ibadətdən uzaqlaşdırmaq... İndi diqqət edin,  Nardarandakı pirdən Gəncədə də var – İmamzadə kompleksi. İndi də məqsəd Gəncəni Nardaranın gününə salmaq, yəni “İslam” adı altında təxribatçı qrupların əli ilə əsl möminlərin, əsl İslam tərəfdarlarının ibadətinin, ziyarətinin qarşısını almaq, sakinləri, xüsusən gəncləri dinimizdən –milli-mənəvi dəyərlərimizdən uzaqlaşdırmaqdır. Çox güman ki, burada gözəgörünməz vəhhabi qruplarının əli var. Ola bulər ki, şiə, İmam Hüseyn tərəfdarı adıyla meydanlara çıxaraq polislərə qarşı terror edən də  məhz onlardır... “Ya Hüseyn” deyə-deyə İmam Hüseyni(ə.s.) insanların gözündən salmağa çalışırlar... Odur ki, həm  Gəncə camaatı, həm də hökumət orqanları ehtiyatlı, ayıq olmalıdır. Səhv etmirəmsə,  “Qabusnamə”də gözəl bir kəlam var: ”Bəzən padzəhr (zəhəri zərərsizləşdirən maddə) çox olarsa, özü zəhərə dönər”. Sözüm ondadır ki, İslam adı altında gizlənən düşmən qruplara qarşı mübarizə apardığımız yerdə Gəncədə, ümumiyyətlə, ölkədə əsl islami dəyərlərə zərbə vurmuş olarıq...

- Çox gözəl və gərəkli təklifdir. Hesab edirəm ki, nəinki icra başçıları, bütün orta və yüksək vəzifəli məmurlar dinimizdən -İslamdan imtahan versə, yaxşı olar. Dövlətimizin atrubutunda – üçrəngli bayrağımızda yaşıl rənglə təmsil olunan dini dəyərlərimizi hər bir dövlət adamı bilməli, bunlara yüksək dəyər verməlidir. Hər hansı bir rayona icra başçısı təyin olunan şəxs həm dini-mənəvi dəyərləri, həm də getdiyi bölgənin adət-ənənələri ilə bağlı ciddi testdən keçməlidir. Azərbaycan xalqının ümumi milli dini, mənəvi-əxlaqi dəyərləri ilə yanaşı, hər bir bölgənin özünün spesifik adət-ənənələri, xüsusiyyətləri var. Hər bölgəyə rəhbərlik edəcək şəxs öncədən bunlara bələd olmalıdır ki, o rayonun camaatını rahatlıqla, ədalətlə idarə edə bilsin. Dinini, qibləsini tanımayan adamı icra başçısı qoymaq olarmı? Sənə deyən yoxdur ki, mütləq namaz qıl, oruc tut. Barı, bir dövlət məmuru olaraq öz dininin –İslamın əsaslarını bil  və inanclı insanlara hörmətlə yanaş. Sən dinini bilməlisən ki, sabah biri din adıyla təxrubat törətmək istəyəndə onun kimliyini dərhal anlayasan.  Pul vermək asan şeydi, sən birinci dinindən imtahan verməlisən...

Bir sözlə, mənim dövlət məmurlarına tövsiyəm budur ki, dinlə, möminlərlə ehtiyatlı davransınlar. Din Azərbaycan üçün çox həssas və təhlükəli mövzudur. Bununla bağlı problemləri qadağalarla, sıxma-boğmalarla həll etmək mümkün deyil. Dünən Nardaranı sıxıb-bağlamısan, bu gün Gəncəni sıxıb-bağladın, sabah başqa bir bölgədə qadağalar qoydun, axı bu sıxılmaların  bir partlayışı da ola bilər... Odur ki, hamımız- həm dövlət qurumları, həm də hər bir vətəndaş, hər bir mömin dinlə bağlı ehtiyatlı olmalı, dinini dərindən öyrənərək təxribatçı qrupların fitnələrinə uymamalıdır... Onu da deyim ki, mən dinlə münasibətlə bağlı çox yollar göstərə bilərəm, amma qorxuram, bəzi imansız məmurlar bu tövsiyələrimdən şər məqsədlə istifadə edərək, əksinə, dinimizə, dövlətçiliyimizə zərbə vurarlar....