Azərbaycanın 27-ci ildir ki, işğal altında qalan Xocavənd rayonu ərazisində güclü yanğın baş verib. 

Moderator.az yazır ki, bu haqda Xankəndindəki separatçı nəşrlər xəbər  yayıb.  

İyulun 20-i yerli vaxtla saat  17:49 radələrində Xocavənd rayon mərkəzindən 10-12 km məsafədəki otlaq və bağ sahələrində yanğın olması haqda  fövqəladə hallar qurumuna məlumat daxil olub. Hadisə yerinə 1 saatlıq fasilə ilə iki yanğınsöndürən maşın göndərilib. Sonradan Füzuli rayonundan daha iki yanğınsöndürən gəlib. 

Yanğın yalnız gecə saat 23:00 radələrində söndürülüb. Məlumata görə, xeyli ərazidə nar bağı, eləcə də 1000 hektarlıq bicilmiş və quru ot sahələri yanıb.