İmansızlıq + sosial ədalətsizlik = İNTİHAR AZADLIĞI... Yəni imansızlıq və sosial ədalətsizlik, bərabərsizlik olan yerdə  hər növ intihar cəhdinə optimal şərait yaranır...

***

Digər azadlıqları, yaşamaq azadlığı boğulan,  abırsızlığa, dələduzluğa, haramçılığa azadlıq, vicdanlılığa, namusluluğa, halallığa “stop” verilən cəmiyyətdə imansız və ya imanı zəif insanın intihar azadlığını çıxış yolu kimi görməsi təbiidir. Belə yerlərdə intiharlar gündən-günə artır, hər kəs üçün “adi gündəlik xəbərə”, statistikaya çevrilir...

***

Bir kişi borcunu ödəyə bilmədiyi üçün özünü qatarın altına atır,  o biri işsiz qaldığından zəhər içir... Fəhlələr maaşını ala bilmədiyi üçün özünü binanın damından atmaq istəyir... Və s.  və  i.a. Niyə? Səbəb nədir? Kimlərdir? Əvvəla, imansızlıq və imansızlar...

*** 

İmansızlıq hər iki tərəfdədir: birincisi, imanı olan Peyğəmbərimizin(s) hədisində  deyildiyi kimi, işçisinin, zəhmətkeşin, fəhlənin əmək haqqını alnının təri soyumamış və yetərincə verər...

İkincisi, isə imanı olan intihara cəhd etməz, Şeytanın vəsvəsəsi ilə Allahın ona verdiyi əmanətə qəsd edərək özünü həmin Şər varlığın qucağında cəhənnəmlik etməz...

*** 

Sahibkarların, məmurların əksəriyyəti imansız olan cəmiyyətlərdə  mütləq sosial ədalətsizlik və bərabərsizlik yaranır.  Misal üçün, biriləri  rüşvət, yaxud sələm, kredit və ya narkotik, haram ticarət hesabına  milyonlar, milyardlar toplayıb sahibkar kimi göydələnlər ucaldır, özləri villalarda yaşayır,  yataqxanalarda, kirayələrdə məskunlaşan o biriləri isə halal zəhməti ilə ustalıq, fəhləlik edib özünün, ailəsinin bir aylıq çörək pulunu zorla ödəyə biləcək  maaşa ümid bəsləyir, amma birincilər bunu da vaxtında ödəmək istəmir. Bunun adı nədir? Sosial ədalətsizlik, bərabərsizlik və istismar... Kimsə dana bilər bu gerçəyi?..

***  

Allaha iman zəif olan məmləkətdə intiharlar və ona cəhdlər baş alıb gedər... 

*** 

İmansızlıq yoxsul insanı başqa cür, varlı insanı bir başqa cür yaxalayır; yoxsul insan ehtiyac, borc-xərc və digər problemlər üzündən üzündən imansızlığa qapılır, varlı məxluq isə harınlıqdan, problemsizlikdən, yer üzündəki əksər ləzzətləri dadmaqdan bezib artıq cəhənnəmə vasil olmanın da “ləzzət”ini dadmaq istəyir... Düzdü, bəzən  bütləşdirilən eşq-məhəbbət, boşanma-filan macəraları, yaxud ali məktəbə imtahanı həyatının ən ali imtahanı sanmaq yanlışlığı, eləcə də son vaxtlar uşaq və yeniyetmələri öz qurbanına çevirən “qatil” internet oyunları və s. də yoxsul-varlılığından asılı olmayaraq insanları intihar cəhdinə yuvarlayır. Buna rəğmən yetkin, şüurlu insanların intiharlarının, yaxud buna cəhdlərinin  kökündə mütləq imansızlıq, yaxud iman zəifliyi  dayanır...

*** 

Intihar azadlığı isə o deməkdir ki, kim hansı formada ürəyi istəyir, elə də həyatına qəsd edir. Kimi istəyir, özünü eyvandan atır, kimi dənizə, çaya atlanır, kimi avtomobilin, qatarın altına tullanır, kimi zəhər içir,kimi özünü asır, kimi başına güllə çaxır, kimi də ürəyinə bıçaq saplayır... Tam azadlıq, sərbəstlikdir... Uzaqbaşı, polis görsə, qarşısını almağa çalışacaq... Haramla varlanan harınlar isə bu mənzərələrdən filmə baxırmış kimi zövq alır...

***

Təəssüf ki, müasir media digər kriminal olaylar kimi, intiharların da artmasına şərait yaradır; problemlərin başından aşması, yaxud əksinə, problemsizlik, harınlıq ucbatından özünəqəsdə meyillilər hər intihar xəbərini oxuduqca eyni addımı atmağa daha da həvəslənir...

*** 

Bəs nədən intiharlara qarşı beynəlxalq səviyyədə bir mübarizə mexanizmi yaradılmır ki, hər bir ölkədə də buna uyğun tədbirlər görülsün? 

*** 

Cavab çox sadədir; transmilli super güclər üçün intiharlar da müharibələr, terrorlar, yoxsulluq, aclıq, susuzluq, ekoloji fəlakətlər və s. kimi yer üzündə insanların sayını azaltmağa yönəlmiş qlobal proqrama xidmət edir. Odur ki, əksinə, onlar bütün dünyada, bütün ölkələrdə İblisin insan qəlbinə hökm kəsiləcəyi tam bir şeytani, imansız mühit yaratmağa çalışırlar....

*** 

Gerçək İslam bu cür məkrlərin, sümürgəçiliyin qarşısını aldığı üçün öncə Allaha, Peyğəmbərə(s), Axirətə imanı könüllərdən silməyə çalışır şeytani super güclər... Bunlar hər bir ölkədə öncə dermokratiyanın tərkib hissəsi olaraq İNTİHAR AZADLIĞINI  da təmin etməyə çalışırlar...

***

Üzdə-sözdə Stalinləri “diktator” adlandıran dermokratlar gerçəkdə-əməldə özləri həmin Stalinlərin “insan yoxdur –problem yoxdur” prinsipi ilə yaşayırlar...

*** 

Biz  hər cür dələduzluqla, kələk-küləklə, istismarla varlanaq,  varidatın 80-90 faizini əlimizdə cəmləyək. Sizə də deyək ki, həddini aşmamaq şərti ilə  nə istəyirsiz, danışa bilərsiz –dermokratyadır, “haqq səsinizi ucaldın”, etiraz mitinqləri, nümayişlər edin, mediada ürəyinizi boşaldın, onsuz da biz bildiyimizi edəcəyik. Uzaqbaşıı, yazığımız gəlsə, dilənçi payı kimi qəpik-quruşdan atacağıq qarşınıza... Bunu da etməsək: yol açıqdır, “azadlıqdır”: buyurun, intihar edin...

***

Elə bir mürəkkəb, ədalətsiz, ziddiyyətli dünyada yaşayırıq ki, bu gün təəccüb etdiyimiz, qınadığımız vəziyyətə, duruma, Allah uzaq eləsin, hər birimiz düşə bilərik...

*** 

Allah imanımızı, ağıl və abrımızı əlimizdən almasın....