Xəbər lenti
18/12/2018 [16:48]:
Novruz Məmmədov nazirə yeni səlahiyyət verdi
18/12/2018 [16:46]:
Ermənistandan Ukraynanın ərazi bütövlüyünə qarşı növbəti qəsd
18/12/2018 [16:30]:
Avtomobilin təkərlərində pirotexniki vasitə aşkarlandı
18/12/2018 [16:26]:
Abel Məhərrəmovun səfir oğluna fəxri ad verildi - FOTOLAR
18/12/2018 [16:15]:
Gülənin qardaşı oğluna 7,5 il həbs verildi
18/12/2018 [16:12]:
Koçaryan Avropa ölkələrinin birindən sığınacaq istəyəcək
18/12/2018 [16:06]:
Prezident: “5 milyondan çox vətəndaş hər il pulsuz tibbi müayinədən keçir”
18/12/2018 [15:46]:
“Dünya televiziyalarında elə kök aparıcılar var ki...” - Xalq artisti...
18/12/2018 [15:37]:
Binədəki dəhşətli qəzada ölən 13 yaşlı Yusifin anasına şok təklif - VİDEO
18/12/2018 [15:30]:
Deputat və tarixçidən Araz Əlizadəyə CAVAB: “Əhməd Cavadla bağlı bu müzakirə yersizdir!”
18/12/2018 [15:27]:
Ermənistan ordusunun zabiti əsgəri güllələdi
18/12/2018 [15:16]:
Sarayın itkin şahzadəsi: Camal Xaşuqcinin aqibəti ilə üzləşib
18/12/2018 [15:13]:
“Facebook” İsrail liderinin oğlunu cəzalandırdı -Gözlənilməz...
18/12/2018 [15:11]:
İnformasiya texnologiyaları sahəsində əməkdaşlığın gələcək perspektivləri müzakirə edildi
18/12/2018 [15:11]:
Gürcüstanda SOCAR-ın yanacağına "mız" qoyan “Magi LTD”nin saxtakarlığı üzə çıxdı
18/12/2018 [15:01]:
"Ali məktəbə qəbul olunanlardan barmaq sayı qədər tələbə var ki, repetitor yanına getməyib”
18/12/2018 [15:01]:
Sumqayıt şəhərində əmək yarmarkası keçirildi -FOTOLAR
18/12/2018 [14:59]:
Milli Preventiv Qrupun üzvləri tərəfindən başçəkmələr davam etdirilir
18/12/2018 [14:58]:
Səfirliyə açılan "atəş", gizli arayışlar və diplomatın etirazı - Kiyevdən reportaj
18/12/2018 [14:53]:
Paşinyan aprel döyüşlərində məğlub olan generalı müşavir təyin etdi
18/12/2018 [14:49]:
Azərbaycanlı cərrah əməliyyat etdiyi quyruqlu uşağın görüntülərini yaydı - VİDEO
18/12/2018 [14:41]:
“Mübariz Xocalının intiqamını almağa getmişdi...” - 8 gün erməni əsirliyində qalmış qadın...
18/12/2018 [14:40]:
Azərbaycan deyiləndə ayağa qalxmağı bacaran insan...
18/12/2018 [14:37]:
“Şagirdləri bu qədər yükləmək olmaz!” - Milli Məclisdə təhsil PROBLEMLƏRİ qaldırıldı
18/12/2018 [14:36]:
“Ümumi təhsil haqqında” qanun layihəsi birinci oxunuşdan keçdi
18/12/2018 [14:35]:
Beynəlxalq təşkilatdan əcaib statistika: Ermənistan 69, Azərbaycan 71-ci yerdə...
18/12/2018 [14:34]:
Səməd Seyidov Avropa Parlamentinin qətnaməsini şərh etdi
18/12/2018 [14:33]:
Ermənistandan “Rusiyadan qorxmuruq” açıqlaması: İt sahibini tanımaq istəmir...?
18/12/2018 [14:30]:
Qənirə Paşayeva himn müzakirələrinə etiraz etdi
18/12/2018 [14:25]:
Himnlə bağlı qanun layihəsi 1-ci oxunuşda təsdiqləndi
18/12/2018 [14:17]:
Dövlət Gerbi ilə bağlı sənəd birinci oxunuşdan keçdi
18/12/2018 [14:08]:
Milli Məclisin komitələrinin səlahiyyəti artırıldı
18/12/2018 [14:04]:
Azərbaycanda yeni medal təsis edildi
18/12/2018 [14:03]:
Ziyafət Əsgərov: "Himn çalınanda hərə bir cür dayanır"
18/12/2018 [14:01]:
Tahir Kərimli: “Azərbaycanın himni yenidən aranjiman olunacaq”
18/12/2018 [13:53]:
Sabahın hava proqnozu açıqlandı - Yenə XƏBƏRDARLIQ
18/12/2018 [13:37]:
“Biri var, heç tanımıram, professordur-nədir...” - ETİRAZ
18/12/2018 [13:30]:
“Deputatların hər biri onlara cavab verməlidir” - Siyavuş Novruzovdan ÇAĞIRIŞ
18/12/2018 [13:23]:
Mübariz İbrahimov və Ramil Səfərova qatil deyənlərin beyinlərini belə yuyurlar -Sensasion təfərrüat
18/12/2018 [13:13]:
Azərbaycanda bu nazirlər vəzifəsi ilə vidalaşdı...
18/12/2018 [13:12]:
“2019-cu il Dağlıq Qarabağın azad edilməsi ili olmalıdır” – Həsənquliyevdən ÇAĞIRIŞ...
18/12/2018 [13:07]:
Milli Məclis Rusiya ilə bağlı sənədləri qəbul etdi
18/12/2018 [13:03]:
"Şübhə etmirəm ki, onların damarlarından erməni qanı axır"
18/12/2018 [12:56]:
“Heç siqaret də çəkmirəm, bu nə sözdü mənə deyirlər?” – Tahir Kərimli
18/12/2018 [12:49]:
Prezident Elmi-Tədqiqat Tibbi Bərpa İnstitutunda
18/12/2018 [12:46]:
“Adamı abırsız bir vəziyyətə salırlar” - Tahir Kərimli
18/12/2018 [12:44]:
Paşinyan aprel döyüşlərində məğlub olan generalı müşavir təyin etdi
18/12/2018 [12:44]:
“31 yaşıma qədər ukraynca danışmamışam” - Poroşenkodan etiraf
18/12/2018 [12:41]:
“Mən də oğluma müğənni qız almaram” -Könül Kərimovadan həmkarına dəstək
18/12/2018 [12:39]:
“Yağış yağanda yol polisinə adamın yazığı gəlir” - Deputat
18/12/2018 [12:36]:
“Xalqımız onun cavabını verdi” - Spiker Mübariz İbrahimovu təhqir edən “psixoloq”dan DANIŞDI
18/12/2018 [12:34]:
“Avropada artıq Azərbaycanın haqq səsini eşidirlər, ikili yanaşmalar aradan qalxır” - DEPUTAT
18/12/2018 [12:26]:
Oqtay Əsədovdan parlament jurnalistlərinə XƏBƏRDARLIQ
18/12/2018 [12:23]:
Bakıda 53 yaşlı vəzifəli şəxs vəfat etdi
18/12/2018 [12:04]:
Azərbaycanda 5 gün iş olmayacaq
18/12/2018 [11:58]:
Erməni əsgər özünü başından vurdu
18/12/2018 [11:50]:
Elçin Əlibəyli müğənniləri tənqid etdi: “SIRTILIBLAR”
18/12/2018 [11:49]:
Avstriya Azərbaycanlıları Cəmiyyəti Mehdi Hüseynzadəni andı
18/12/2018 [11:46]:
Natiq Məmmədova yeni vəzifə verildi - SƏRƏNCAM
18/12/2018 [11:44]:
Bakıda bu yollarda sürət həddi endirildi –Sürücülərə xəbərdarlıq
18/12/2018 [11:43]:
Amerikalı polkovnik Türkiyədən üzr istədi: “Lütfən, qəbul edin…”
18/12/2018 [11:27]:
Qurban Qurbanov: "Araz Abdullayev kimdənsə qaçan oğlan deyil"
18/12/2018 [11:18]:
Türkiyədə hərbçilərin kütləvi həbsi...
18/12/2018 [11:15]:
ABŞ Rusiya və Çin raketləri qarşısında müdafiəsiz olduğunu etiraf etdi
18/12/2018 [11:03]:
Azərbaycan Gömrük Xidmətinin nümayəndə heyətinin İsrailə işgüzar səfəri davam edir
18/12/2018 [10:57]:
“Şuşanı ümumerməni təhsil mərkəzinə çevirməyə çalışırıq...” FOTOLAR
18/12/2018 [10:51]:
Qərbi Kaspi Universitetində ingilis dili müəllimlərinin forumu keçiriləcək
18/12/2018 [10:49]:
Xəstəxanada güclü yanğın nəticəsində ölən və yaralananların sayı artıb
18/12/2018 [10:35]:
Azərbaycanda şagirdlərin sayı 230 mindən çox artıb
18/12/2018 [10:28]:
Hər nəfər üçün 7378 manat ÜDM
18/12/2018 [10:26]:
Oqtay Əsədov andiçmə mərasimində...
18/12/2018 [10:24]:
Yeni ildə maşınlar bahalaşacaq
18/12/2018 [10:24]:
Fransadakı aksiyadan maraqlı görüntü - Polis etirazçı ilə qucaqlaşdı
18/12/2018 [10:22]:
"Əgər xəta törətmisənsə, bunun məsuliyyətini daşımalısan, cəriməni ödəməlisən"
18/12/2018 [10:19]:
“Gün ərzində 110 cinayət faktı qeydə alınıb, onların 15-i “isti izlər”lə açılıb” – DİN açıqlama yaydı
18/12/2018 [10:19]:
Azərbaycanda boşanmalarla bağlı şok - Statistika
18/12/2018 [10:17]:
Xalq artistindən SƏRT SÖZLƏR: “200 kiloluq qadın xəbər oxumamalıdır”
18/12/2018 [10:15]:
“Hacı Mazan”ın işdən çıxarılan oğlunun 300 minlik MAŞINLARI...
18/12/2018 [10:13]:
Belaruslu futbolçu ailəsi ilə birlikdə qəzada öldü
18/12/2018 [10:11]:
Hacıyevlər məhkəmələrinə necə hazırlaşır
Bütün arxiv bir sırada
11/10/2018 [09:48] - Müsahibə - ( 3551 dəfə baxılıb)

Bahar Muradova: “Ailədə də vitse-spikerəm”

Milli Məclis sədrinin müavini: “Parlamentin buraxılması ilə bağlı Konstitusiyada nəzərdə tutulmuş şərtlər ortada deyil”


 Moderator.az xəbər verir ki, Milli Məclis sədrinin müavini Bahar Muradova Modern.az saytının suallarını cavablandırıb. 


Onunla müsahibəni təqdim edirik.

- Bahar xanım, necəsiniz?

- Yaxşıyam, çox sağ olun. 

- Elə həmişə yaxşı, gülərüz görünürsünüz. 

- Məncə, insanın daxili aləmi, onun əhval-ruhiyyəsi ətraf üçün maraqlı olsa da, onu olduğu kimi göstərmək məqsədəuyğun deyil. Daxilimdə təlatümlər olsa belə, mühitin tələb etdiyi görüntünü saxlamaq daha yaxşıdır. Hesab edirəm ki, ətrafa müsbət impulslar ötürə bilmirsənsə, heç mənfini də ötürməyəsən. 

- Düzü, Sizi əsəbi təsəvvür edə bilmirik. Sanki əsəbiləşəndə belə mimikanız dəyişmir kimi bir təəssürat yaradırsınız. 

- Mən indiyə kimi heç də az sayda olmayan insanlardan siz dediyinizin əksini eşitmişəm. Əksinə, bir az da sərt olduğumu deyənlər var. Görünür kim necə görübsə, elə də təsəvvür edir. 

- Bahar xanım, Milli Məclis rəhbərliyindəsiniz. Bu, daha çox məsuliyyət, daha çox gərginlikdir. Eyni zamanda sizin bir ailəniz də var. Bildiyimizə görə, ailəyə də kifayət qədər diqqət yetirirsiniz. Vitse-spiker statusunda biri ailəyə də necə vaxt ayırır? 

- Mən elə ailədə də vitse-spikerəm. Ona görə də, öhdəsindən gələ bilirəm. Ailənin başçısı evin kişisidir. Qadın da ona hər şeydə köməkçidir. Amma əlbəttə ki, qadının özünün üzərinə düşən, özünün yerinə yetirməli olduğu vəzifələr də var. Bu vəzifələri yerinə yetirməyə adama kömək edə bilərlər. Amma ən vacib məsələləri öz nəzarətimdə saxlamağa çalışıram. 

- Ailə başçısının özü, ailənizin “spikeri” olan nə işlə məşğuldur?
 

- Həyat yoldaşım sadə bir iş adamıdır. 30 ildən artıq “Azərsutikinti” və meliorasiya sistemində işləyib. Azərbaycanın Əməkdar mühəndisidir. Hazırda təqaüddədir. Ailənin ehtiyaclarını ödəmək üçün müəyyən işlərlə məşğuldur. 

- Adətən qadınlar bir yerə toplaşanda dedi-qodu edirlər. Sizin də dedi-qodu edən rəfiqələriniz varmı və ya özünüz də dedi-qodu etmisinizmi? 

- Siz ona bəlkə dedi-qodu deyirsiniz. Bir başqası qeybət deyə bilər. Əgər rəfiqələr bir yerə yığışanda bir-birindən xəbər tutmaq, işləri barədə məlumat almaq istəyirlərsə, bu, söhbətdir. Sizin nəzərdə tutduğunuz qeybət isə mənlik deyil. 
Mənim o qədər çox sayda rəfiqələrim də yoxdur. Və qadın toplantılarında çox az-az iştirak edirəm. Ona görə də, belə məsələlərdən uzağam.

- Bildiyimizə görə Sizin yaxşı dərzilik qabiliyyətiniz də var. Bütün paltarlarınızı özünüz tikirsiniz, yoxsa brend mallar almağa üstünlük verirsiniz? 

Mən ortaixtisas təhsilli modelyer-texnoloqam. Bu işin texnologiyasını bilirəm. Gəncliyimdə əlbəttə ki, bu işi sınaqdan keçirmək istəklərim də olub. Öhdəsindən də pis gəlməmişəm. Amma indi buna kifayət qədər vaxtım yoxdur. Ona görə də bu işi yaxşı bacaran dərzilərin köməyindən istifadə edirəm. Təbii ki, hərdən də müəyyən hazır geyimlər almaq qismətimə düşür. Amma daha çox öz üzərimdə işlənmiş geyimlərə üstünlük verirəm. Bu, məni daha çox qane edir. 

- Gələcəkdə də Milli Məclisin spikeri olmağı düşünürsünüz? 

- Mən heç vitse-spiker olmaq barədə düşünməmişdim. Zənnimcə, Azərbaycan hakimiyyətində təmsil olunan rəhbər şəxslər öz missiyasını uğurla davam etdirirlər və onlara bəslənən etimadları layiqincə doğrultmaqdadırlar. Bu, Azərbaycanın  hazırki uğurlarını, inkişafını şərtləndirən vacib amillərdəndir. Çox məmnunam ki, bu gün mən həmin insanlarla çiyin-çiyinə çalışaraq ölkə rəhbəri tərəfindən qarşıya qoyulan hədəflərə çatmaq üçün göstərilən fəaliyyətə hər hansı bir töhfə vermək imkanına malikəm.

 

- Yəni hər şey anidən oldu? 

- Yeni Azərbaycan Partiyasının sədri, cənab İlham Əliyevin bu qərarı verməsi mənim üçün gözlənilməz olmuşdu. Amma bir iqtidar partiyasındasansa, onun üst qurumunda təmsil olunursansa, hakimiyyət qanadlarının birində təmsil olunacağını gözləmək mümkündür. Konkret olaraq isə hansısa vəzifəni düşünmək, özünü ona kökləmək, ona doğru getmək mənə yaddır. Vəzifələri seçmək bizim işimiz deyil. Çünki partiya hansı üzvünün hansı vəzifəni daşıyacağına özü qərar verir. Biz də partiyanın əsgəriyik. Hara göndərsələr, hansı işi həvalə etsələr, çalışacağıq ki, onun öhdəsindən layiqincə gələk. 

- Hakim partiyanın adını çəkdiniz. Şəxsən biz neçə dəfə sizə zəng edib müxalifətlə bağlı sual ünvanlasaq da, siz bunu cavablandırmaq istəməməsiniz. Hakim partiyadan təmsil olunsanız da, müxalifətlə bağlı sualların hamısını niyə cavablandırmırsınız? 

- Qətiyyən belə ola bilməz. Əksinə, məni əks düşərgədə məsələlərə daha çox reaksiya verən insan kimi tanıyırlar. Bizim partiyanın iqtidarda olduğu dönəmdə onun fəaliyyətinə dair fikirlər varsa, onu mütləq cavablandırmaq lazımdırsa, burada heç zaman geri çəkilmirəm.

Xatırlamıram ki, siz hansısa məsələ ilə bağlı sual vermisiniz və mən imtina etmişəm.

Ancaq məsələ belə ola bilər. Mən ATƏT Parlament Assambleyasında Azərbaycan nümayəndə heyətinin rəhbəriyəm. Ola bilər ki, mənə AŞPA ilə bağlı sual verirlər. Mən buna ümumi cavab verə bilərəm. Ancaq bu işin içərisində olan, məndən daha çox məlumatlı olan başqası var. Bu zaman mən söyləyə bilərəm ki, Səməd Seyidova müraciət edin. Vəzifə bölgüsü onun üçündür ki, hər kəs öz istiqamətində işləsin və onunla bağlı cavabdehlik daşısın.

Yox, əgər görsəm ki, hansısa məsələlərə dair mütləq cavab vermək lazımdır, bu zaman sualı cavablandırıram. Müxalifətə gəldikdə, isə siz dediyiniz fikri qəbul etmirəm. 

- Müxalifətdən söz düşmüşkən. Hazırda Azərbaycanda müxalifətin vəziyyətini necə qiymətləndirirsiniz? 

- Müxalifətin hansısa ictimai-siyasi proseslərə ciddi təsir imkanları olsaydı, onu dəyərləndirmək mümkün idi. Faktiki vəziyyəti hamımız görürük. Bizə bəlli olan, sizə də bəllidir. Müxalifətin nəinki indi, 10-15 il bundan əvvəlki durumu ilə bağlı da saysız-hesabsız fikirlər bildirmişik. Onların bəziləri böyük siyasi kampaniyalarda iştiraka özlərində cəsarət tapa bilirlər. Ancaq əksəriyyəti ölkənin həyatını, ictimai-siyasi prioritetləri dəyişə biləcək yarışlardan kənarda qalıblar. Bir qayda olaraq ya boykot yolunu seçiblər ya da hansısa formada etirazlar ediblər. Ona görə də, müxalifətin vəziyyəti əvvəlkindən də zəifdir. Bu gün onlar təsirsiz, sosial bazası zəif, ölkə daxilində və xaricində gedən prosesləri adekvat dəyərləndirmə baxımından da münasibət bildirmək imkanında deyillər. Bu, Azərbaycanın reallığıdır. 

- Müxalifət isə özünün zəif duruma düşməsində iqtidarı suçlayır. Onların siz dediyiniz vəziyyətə düşməsində ancaq özləri təqsirkardır? 

Hər kəsöz taleyini özü müəyyənləşdirir. Heç bir ölkədə belə hala rast gəlməzsiniz ki, iqtidar partiyası müxalifət partiyalarını gücləndirmək üçün hansısa addımlar atır. Təbiidir ki, hər kəs öz əlindəki imkanları qoruyub saxlamaq və inkişaf etdirmək istəyir. Bunun üçünsə, qanunların müəyyən etdiyi qaydada ictimai-siyasi prosesə qatılmaq lazımdır.

Biz də Yeni Azərbaycan Partiyası olaraq məhz belə edirik. Daim əhali ilə görüşlər keçiririk, seçicilərlə təmaslarımızı genişləndirməyə çalışırıq. Onların da fikirlərini, düşüncələrini, problemlərini seçki kampaniyalarında siyasi konsepsiya halında irəliyə sürürük. Bunun da ardınca gedirik.Seçicilər də hər zaman bizim partiyaya etimad göstərirlər.

Bu prosesdə bizə qarşı olanlar da olub və indi də var. Qaralama kampaniyasından istifadə ediblər, guya özlərinin zəif olmasının səbəbkarının iqtidar olduğunu söyləyiblər. Biz artıq buna vərdiş etmişik. Reallıq bunu göstərir ki, kimlərsə hədəflərinə çatmaq üçün ciddi plan və proqramlarla işləyirlər. Kimlərsə də, oturub dedi-qodu və qeybətlə məşğuldurlar. Siyasəti dedi-qodu səviyyəsinə endirmək və bununla nəyəsə nail olmaq istəkləri əlbəttə ki, uğursuzluğa düçar olacaq. 

- Həm də sosial şəbəkə istifadəçisiniz. Bu yaxınlarda deputat Zahid Oruc məmurları sosial şəbəkəyə gəlmək üçün çağırış etdi. Məmurların sosial şəbəkələrdə olması çoxmu vacibdir? 

- Sosial şəbəkələr günümüzün reallığı, həyatımızın bir parçasıdır. İstəsək də, istəməsək də hər kəs bununla təmasda olur. Bu gün sosial şəbəkədə olmayan, bəlkə sabah orada olacaq. Əksi də ola bilər. Bu hər kəsin özünün müstəqil qərarı ilə ola bilər. Mən kiməsə tövsiyə verə bilmərəm ki, sosial şəbəkədən istifadə etsin. 

- Heç olurmu ki, “Feysbuk”dakı hansısa yazını, fikri daxilinizdə bəyənirsiniz, amma “layk” düyməsinə basmırsınız? 

- Bəli olur. 

- Nədənsə vəzifədə olanların çoxu belədir. Niyə “layk” düyməsinə basmırsınız? 

- İnsanlar var ki, “layk”ın sayına görə özünü təmin olunmuş hesab edir. Oxuduğum, tanış olduğum məni qane edirsə, bu, mənə bəsdir. Başqalarının bunu bilməsi vacib deyil. Yox, əgər hansısa sözüm varsa, onu status şəklində paylaşıram. 

- Siz eyni zamanda parlamentin İnsan hüquqları komitəsinin sədrisiniz. Azərbaycanda etnik azlıqlarla bağlı komitəyə şikayət xarakterli müraciətlər olurmu? 

- İstər vətəndaşların qəbulu, istərsə də yazılı müraciətlərdə belə bir şey rastıma çıxmayıb. Amma digər etnik qruplara mənsub adamlar şikayətlər ediblər. Bu isə onun etnik kimliyinə görə deyil, sadəcə vətəndaş kimi problemləri ilə bağlı olub. 

- Konstitusiyada insan hüquq və azadlıqları təsbit olunub. Bəs Azərbaycanda insan hüquqları ilə bağlı əsas problem nədədir? 

Məsələ odur ki, bunu problem kimi qələmə verirlər. Bunun da alt qatında başqa məqamlar yatır. Məqsəd heç də hər zaman insan hüquqlarının yüksək səviyyədə qorunması və ya pozulmasından doğan narahatlıqla bağlı olmur.

Biz bununla bağlı dəfələrlə fikirlərimizi bildirmişik. Azərbaycanın regionda və dünyada getdikcə artan rolu və imkanları bəzilərini narahat edir, bölgədə müxtəlif maraqları olan, maraqları toqquşan dairələrin məqsədlərinə maneə yaradır. Bilirsiniz ki, müstəqil siyasət yeridən Azərbaycan heç bir kənar diktəni, təzyiqləri qəbul etmir, öz xalqının, dövlətinin maraqlarına uyğun addımlar atır. Üstəgəl, bölgədəki maraqları çoxvektorlu siyasətlə yoluna qoymağa çalışır. Bu isə bir çoxlarını, o cümlədən, ölkəmizdə sözəbaxan idarə üsulu görmək istəyən dairələri narahat edir. Odur ki, təzyiq üçün insan hüquqlarının pozulması məsələlərini qabardırlar. Biz ki dünyada gedən bütün proseslərdən xəbərdarıq! Beynəlxalq təşkilatlarda oluruq, ayrı-ayrı ölkələrdəki vəziyyəti daha yaxşı bilirik. 

- Deyək ki, hər hansı vətəndaş məmur özbaşınalığı ilə üzləşib. Bu halların daha çox olduğu qeyd edilir. Olmazmı ki, məmur özbaşınalığı da olmasın? Bunun ki, beynəlxalq təşkilatlara bir aidiyyatı yoxdur. 

- Məmur özbaşınalığı ifadəsini hansısa hallarda bəlkə də işlətmək olar. Amma bütün halları bura aid etməyin özü məmurlara qarşı məqsədli olaraq neqativ  münasibəti formalaşdırır. Bu, isə sərhədlərin itməsinə gətirib çıxarır. İnsanlar müəyyən edə bilmirlər ki, məmur özbaşınalığı harada başlayır, harada bitir və nələri bura aid etmək olar.

Ucdantutma hər şeyi məmur özbaşınalığı adlandırmaq düzgün deyil...

- Cənab Prezidentin özü də məmur özbaşınalığı barədə danışır. 

- İcazə verin, fikrimi tamamlayım. Bütün məmurların birmənalı şəkildə borcudur ki, öz səlahiyyətləri çərçivəsində vəzifələrini icra etsinlər, insanların problemlərinin həllinə çalışsınlar.

Cənab Prezidentin təyin etdiyi məmurların əksəriyyəti də bu istiqamətdə fəaliyyət göstərir. Bu, canlı bir işdir. Bu baxımdan burada hər hansı nöqsanın olmadığını demək özü absurddur və ictimaiyyət də bunu qəbul etməz. Bu nöqsana münasibət də obyektiv formalaşmalıdır.

Gəlin nəzərə alaq ki, hər dəfə də vətəndaş haqlı deyil. Bunu da vurğulamaq lazımdır. Məsələn olur ki, mənə hansısa məhkəmə və cinayət işi bağlı tərəflərdən biri müraciət edir. Bəzi hallarda mən həqiqətən də düşünürəm ki, bu insana qarşı ciddi haqsızlıq edilib. Amma araşdırdıqda, tamamilə başqa məsələlər ortaya çıxır. Bəzən yanlış yanaşmalar problemlərin miqyasının geniş olduğu təəssüratını yaradır.

Obyektiv və subyektiv səbəblərdən nöqsanlar ola bilər. Bu nöqsanlar da müvafiq qurumların nəzarətindədir. Bu məsələlərə qarşı ən birinci mübarizə aparan ölkə Prezidentidir. Məsələn: 9 ayın yekunlarına həsr olunan son müşavirədə cənab Prezident bütün müsbət və neqativ meyllərlə bağlı obyektiv münasibətini bildirdi. Nöqsan və çatışmazlıqlarla bağlı kəskin şəkildə xəbərdarlıqlar etdi. Və biz də bilirik ki belə xəbərdarlıqlar konkret şəxslər tərəfindən nəzərə alınmadıqda onu birmənalı qaydada sərt tədbirlər əvəz edir. Və əhəmiyyətlisi də odur ki, ölkə Prezidenti bu məsələlər haqda qərar vermək və tədbir görmək üçün ictimaiyyətin iştirakçılığına və dəstəyinə arxalanır. Bunun üçün də vaxtaşırı ona müraciət edir. Bu dəfə də belə oldu. Belə halları müşahidə edənlər nəinki onu tənqid etməli, və eyni zamanda konkret qurumlara müraciətlər etməlidir mesajını verdi. Mən əminəm ki, bu mesaj hər kəsdən daha çox belə nöqsanlara yol verən məmurlar tərəfindən nəzərə alınacaqdır. 


- Zaman-zaman Milli Məclis sədri Oqtay Əsədov, birinci vitse-spiker Ziyafət Əsgərov deputatlara irad bildirir. Sizin iradlarınız daha çox nə ilə bağlıdır? 

- Parlamentdə hər bir deputat xalq tərəfindən seçilir. Milli Məclisin daxili nizamnaməsinə görə, bizim səlahiyyətlərimiz, hüquqlarımız, vəzifələrimiz eynidir. Birinin digərinə irad tutması o qədər də yaxşı qarşılanmır və məqsədəuyğun da deyil. Amma elə məsələlər, çıxışlarda elə fikirlər, elə davranışlar olur ki, onlar prosedurları pozur. İclasa sədrlik edənlər də bu prosedurlara əməl olunmasını təmin etməlidirlər.

- Axırıncı iclasda Fazil Mustafanın fikri ilə razılaşmadınız.
 

- Razılaşmamaq irad bildirmək deyil. Çünki eyni məsələ haqqında müxtəlif fikirlər ola bilər. O fikir söyləyir, həmin məsələyə dair mənim də başqa mövqeyim var. Mən bunu elə tərzdə deməliyəm ki, həm fikrimi aydın ifadə edim, həm də həmkarımı incitməyim.

Parlamentdə müxtəlif fikirlərin olması normaldır. Vətəndaş da hər ikisini dinləyib özü qərara gəlməlidir ki, hansı doğrudur.

Bir qayda olaraq əks fikir səslənməyəndə mən münasibət bildirirəm. Həm də o zaman, nə vaxtki mən özüm də o cür düşünürəm. Məsələn: Mən hesab edirəm ki, Azərbaycanın təhsil müəssisələri kifayət qədər yüksək səviyyəli kadrlar yetişdirir

Burada irad sözü yerinə düşmür. Mən iqtidar, Fazil Mustafa isə müxalifət partiyasının nümayəndəsidir.

 

- Əksər hallarda deputat obrazı ilə məmur kimliyi eyniləşdirilir. Bu baxımdan cəmiyyətin hüquqi maariflənməsi qənaətbəxşdirmi? 

- Əlbəttə ki, deputat məmur deyil və onların səlahiyyətləri də, vəzifələri də tam fərqlidir. Amma təəssüf ki, Sovet rejimindən qalma stereotiplər öz sözünü deməkdədir.

Hüquqi maariflənmə sahəsində də müəyyən problemlər var. Bir çoxları yerli bələdiyyə, icra nümayəndəliyi səviyyəsində həll olunacaq məsələlərlə bağlı deputatlara müraciət edirlər. İnsanlar özləri maraqlı olmalıdırlar ki, Milli Məclisi ali qanunverici orqan kimi qəbul etsinlər. 

- Mediadan razısınızmı? 

Ümumilikdə mediadan razı və narazı olmaq mümkün deyil. Media bizim həyatımızın reallığıdır. Xüsusilə də siyasətçilər üçün mühüm əhəmiyyət kəsb edən sahədir. 

- Fərz edək ki, hər hansı media orqanı sizin haqda tənqidi bir məqalə yazıb. O tənqidi oxuyanda narahat olarsınızmı? 

- Siz elə düşünürsünüz ki, bu illər ərzində bizə dəyib-dolaşan olmayıb?! Ədalətsiz yazılar çox olub. Mən neçə illərdir ki, siyasətdəyəm. Dəfələrlə belə hallarla rastlaşmışam. Təkcə özümlə yox, digər həmkarlarımla da bağlı. Belə məsələlər insanı narahat edir. Səni tanıyan insanların da narahatlığına səbəb olur. Hər zaman çalışmışam ki, lazım bildiyim formada münasibət bildirim. Sual necədirsə, elə də cavab olmalıdır prinsipi ilə yox!

Hərə layiq bildiyi və layiq olduğu səviyyədə özünü ifadə edir. Özümə layiq bilmədiyim ifadə formasını, mənə qarşı düzgün seçilməyən münasibətə görə qəbul edə bilmərəm. Belə hallar bir neçə dəfə olub. Mən isə məsələnin başqa cür olduğunu anlatmağa çalışmışam. 

- Adətən vəzifədə olan insanlar soyuqqanlı olurlar. Siz nə dərəcədə soyuqqanlısınız? 

- Bu barədə özümü sınamaq imkanlarım olub. Hər hansı bir təhlükəli, həyəcanlandırıcı bir hadisə olanda soyuqqanlı davranmışam.

2000-ci ildə baş verən zəlzələdə çox çətin bir vəziyyətlə qarşılaşdıq. Şəhərin köhnə məhəllələrindən birində bacımla birlikdə qonaq idik. Bu zaman həyəcanlı anlar başladı. Küçəyə çıxmaq üçün uzun bir tuneldən keçməli idik. Xatırlayıram ki, kiçik olmasına baxmayaraq həyətdə qalmağa məcbur olduq. Bu zaman bacımı qucaqlayaraq onun qorxmadan göyə baxmağını istəyirdim. Özümü isə sadəcə heç düşünmədim də. Səhərisi gün “Space” telekanalında siyasi tok-şou gedirdi. O zaman titrəmələr davam edirdi. Amma biz söhbətimizi aparırdıq. Demək olar ki, heç bir həyəcan yox idi. Bu uşaqlıqdan məndə formalaşmış bir xarakterdir. 

- Yerli telekanallarda daha çox xəbərlərə baxırsınız?

Xəbərlərə də, bədii verilişlərə, siyasi müzakirələrə də baxıram. Bizim soykökümüzlə, adət-ənənələrimizlə, mənəvi dəyərlərimizlə bağlı olan verilişlərə daha çox baxıram. Bu sayaq verilişlər AzTV-də yüksək səviyyədə çəkilir. 

- Bu yaxınlarda Prezident İlham Əliyev oğlu Heydər Əliyevin hərbi andiçməsində iştirak etdi. 

- Bu, çox gözəl bir nümunə idi. Bu, təkcə Prezidentin ailəsinə aid olan məsələ deyil. Bu, bütövlükdə Azərbaycana, hamımıza aid olan məsələdir. Hər kəs belə etməlidir. İmkan olduğu təqdirdə hər bir valideyn övladının andiçməsində iştirak etməlidir. Və onun vətənə, dövlətə sədaqət borcunu yerinə yetirməsini dəstəklədiyini, bundan qürur duyduğunu göstərməlidir.

Ermənistanın baş naziri Nikol Paşinyanın oğlunun həqiqi hərbi xidmətə Qarabağa getməsinin qarşılığında möhtərəm Prezidentin ailəsinin addımı lap yerinə düşdü. Nəzərə alaq ki, işğalçı orduda xidmətlə öz ərazi bütövlüyünü qoruyan orduda xidmət etməyin fərqi çox böyükdür. Mən hər gün sosial şəbəkələrdə Heydər Əliyevin bu mərasimdə çəkilən fotosunun altından gözəl şərhlərin yazıldığının şahidi oluram. Qoy uca Tanrı Heydər Əliyevi və bütün əsgərlərimizi qorusun!

- Ölkə başçısı və birinci xanım Mehriban Əliyeva ilə ünsiyyətdə olmusunuz. Maraqlı hansı dialoqlarınız olub? 

- Ünsiyyətdə olmuşam, amma onların mətbuatda açıqlanmasını məqsədəuyğun hesab etmirəm. Çünki mətbuatda getməli olan vacib məsələlər işıqlandırılır. Mən ulu öndər Heydər Əliyevlə də çox ünsiyyətdə olmuşam. Amma bunun haqqında da mətbuatda informasiya verməmişəm. 

- Belə iddialar var ki, ölkədə növbədənkənar parlament seçkiləri keçiriləcək. Bu iddiaların əsası varmı? 

- Bilirsiniz ki, hazırda boş qalan deputat yerləri var. Boş qalan deputat yerlərinə seçkilərin keçirilməsi haqda müzakirələr məntiqlidir. Bunun da müəyyən proseduru var. Amma parlamentin buraxılması ilə bağlı Konstitusiyada nəzərdə tutulmuş şərtlər ortada deyil. Konstitusiyadan kənar da parlamentin hansısa qaydada buraxılması mümkün deyil. Parlamentin buraxılması ilə bağlı fikirlərin sadəcə müzakirə olduğu qənaətindəyəm. 

- Toylara gedirsiniz? 

- Bəli. 

- Pul yazdırırsınız yoxsa hədiyyə alırsınız?

- Hər ikisi də olur. 

- Nə qədər pul yazdırırsınız?

Bu məbləği açıqlamaq məncə doğru olmazdı. Elə toylar da olur ki, bu və ya digər səbəblərdən iştirak edə bilmirəm. Bu zaman üzrxahlıq edirəm. 

- 8 Martda ən çox kimlərdən hədiyyə alırsınız? 

- Ailə üzvlərimdən, həmkarlarımızdan. Çox hörmətli sədrimiz Oqtay Əsədov da iclasda bizi təbrik edir, bununla yanaşı xanım deputatları qəbul edir. Ölkə Prezidenti cənab İlham Əliyevin bütün Azərbaycan xanımlarına bayram təbrikini isə hamı gözləyir. Bu, əlbəttə ki, çox müsbət əhval-ruhiyyə yaradır.

"Ali məktəbə qəbul olunanlardan barmaq sayı qədər tələbə var ki, repetitor yanına getməyib”
Azərbaycanda bu nazirlər vəzifəsi ilə vidalaşdı...
2025-ci ildən siqaret istifadəsi tamamilə qadağan ediləcək - MARAQLI
"Bakı yalnız mədəniyyətlərin qovuşuğu deyil, həm də beynəlxalq forumların keçirildiyi məkan kimi tanınır"
“Məqsəd məmur kimi məni nüfuzdan salmaqdır” - Əli Həsənov
Dr. Günel Azayeva - Həkim kosmetoloq
İdrak Liseyi - Keyfiyyətli təhsil
N.Tusi adına Klinika
Cəmiyyət
“Mübariz Xocalının intiqamını almağa getmişdi...” - 8 gün erməni əsirliyində qalmış qadın...
Siyasət
Ermənistandan “Rusiyadan qorxmuruq” açıqlaması: İt sahibini tanımaq istəmir...?
Cəmiyyət
“Hacı Mazan”ın işdən çıxarılan oğlunun 300 minlik MAŞINLARI...
Maraqlı
Kişilərin adi səhvləri - Qadın özünü niyə sevilməyən hiss edir?
Cəmiyyət
“Onun millət üçün gördüyü işlər böyük fədakarlıqdır”
Müasir Ədliyyə
Həftənin ən çox oxunanları
"Həyat yoldaşım əşyadır ki, onu gizlədəm?" - "O, elə bir yerdə işləyir ki..."
Qüdrətdən səngərli, qalalı dağlarda Vətən keşikçiləri ilə keçirilən 2 qürurlu gün...
Azərindən Mübarizi təhqir edən məxluqa cavab: "Şərəfsizə sənin ən gözəl cavabın..."
Sənin də döşünü kəssəydilər...
Qazax və Ağstafada döyüş postlarının DSX-ya təhvil verilməsi nə ilə bağlıdır?
“Anamın şəxsi əşyalarını şəhidliyindən 23 il sonra mənə çatdırdılar…”- Ceyhun Əsgərov-VİDEO…
Aparıcının “Bahalaşmaya etiraz edək” şərhi Ərdoğanı qəzəbləndirdi: "Ey əxlaqsız, bura Parisdirmi?"
Prezidentin səhifəsindən Mübarizlə bağlı MÖHTƏŞƏM PAYLAŞIM
"Mübarizlə qeyri-bərabər döyüşdə düşmən 12 itki verir, 17-si ağır yaralanır..."
"Cəmiyyət görün nə gündədir ki, onun qəhrəmanlığını şübhə altına alanlar meydan sulayır"
Moderator.az-ın arxivi
"MODERATOR.az"
Məhdud Məsuliyyətli Cəmiyyət
Baş redaktor:
Zülfüqar Hüseynzadə