Əli Əhmədov: “Hər bir azərbaycanlı qəlbində Heydər Əliyevə böyük məhəbbət bəsləyir”

“Heydər Əliyev həm də ona görə uğurlu taleyi olan siyasətçidir ki, onun başlatdığı uğurlu işləri onun varisi Prezident İlham Əliyev uğurla həyata keçirir”.

Bizim.Media xəbər verir ki, bu sözləri Milli Məclis sədrinin birinci müavini Əli Əhmədov parlamentin “Ümummilli Lider Heydər Əliyev müstəqil Azərbaycan Konstitusiyasının müəllifidir” mövzusuna həsr olunmuş xüsusi iclasında çıxışı zamanı deyib.

O bildirib ki, Heydər Əliyev sözün həqiqi mənasında həm demokrat, həm də böyük ədalət mücəssiməsi idi:

“Hər bir azərbaycanlı qəlbində Heydər Əliyevə böyük məhəbbət bəsləyir. Nə qədər ki Azərbaycan var, Heydər Əliyevə qarşı sevgi, hörmət və ehtiram hər bir azərbaycanlının qəlbində əbədi yaşayacaq”.

Günay Şahmar, Bizim.Media