1 dollar verib ev sahibi olmağı kim istəməz ki? 

Təəccüblənməyin,  dünyanın müxtəlif yerlərində bu qiymətə evlər satılır. 

Moderator.az onlardan bir neçəsini təqdim edir:

İtaliyada Ollalai kəndində evlər- Qiyməti 1.13 $-dır. 

İtaliyada bəzi kəndlərdə daimi yaşayışın aktiv hala gətirilə bilməsi üçün evlər məhz bu qiymətə satılır. Belə ki, kənddə təqribən 1300 nəfər insan yaşayır. Ollalai kəndində evlər də təmir üçün yüksək bir məbləğə-25 min dollara ehtiyac duyur. Hal-hazırda bu evlər alıcıların diqqətini cəlb edir. Artıq bir neçəsi satılıb, digərlərində isə satış prosesi davam edir.

Digər bir dollarlıq evlər Siciliyanın şimalında yerləşən Sambuca qəsəbəsindədir. Burada da evlər 1 dollar qiymətinə satılır və onların təmiri üçün isə 17 min dollara ehtiyac duyulur. 

ABŞ-ın San Francisko əyalətində də 1 dollara evlər tapmaq mümkündür. San Francisko yaşayış səviyyəsi olduqca bahalı olan əyalətlərdən biridir. Burada 4 nəfərli bir ailənin aylıq xərcləri ortalama 12 min dollar təşkil edir. Buna görə də, burada 1 dollara evlərin olması olduqca təəccüblü haldır. Bu evlərdən biri şərq hissədə - Herkules adlanan körfəz bölgəsində yerləşir. Ev qədim olduğundan “Tarixi ev 54”, “Kraliça Anna” olaraq adlandırılır. Herkules şəhəri adından 2010-cu ildə ev satın alınıb bəzi təmir işləri həyata keçirilib. Lakin torpaq sahəsi dayanıqlı olmadığından evin yeni sahibi aldıqdan sonra onu başqa bir əraziyə köçürməlidir.

Böyük Britaniyada Kobridqeyd adlanan yerdə 1 funta boş evlər satılır. Bu, dövlətin sənaye islahatından sonra həmin əraziləri dirçəltmək üçün həyata keçirdiyi bir planıdır. Şəhər kanala çıxışı olan, xoş mənzərəli və qədim sənaye tikililəri ilə zəngindir. Lakin burada bəzi nüanslar var ki, onları sizə çatdıracağıq. Belə ki, həm şəhərin, həm də həmin evlərin əsaslı bir təmirə ehtiyacı var. Burada evlər və onların terrasları çox baxımsız vəziyyətdədir. Yəni ümumi evin qiymətinin 1.13 dollar olmağına baxmayaraq, onların təmiri üçün təqribən 35 min dollara ehtiyac duyulur. Həmçinin evi aldıqdan sonra 5 il müddətinə burada yaşamağa razılıq əldə olunması da qoyulan şərtlər içərisindədir. Lakin gələcəkdə bu kimi evlər satın alınıb təmir edilsə, bu şəhər olduqca gözəl, yaşamaq üçün ideal bir hal alacaq. 

ABŞ-n Nyu Cersi əyalətində “Historik Montklair” adlı ev isə sadəcə 10 dollaradır. Ev 370 kv/metrdir, 6 yataq otağı və 3 böyük hamamı mövcuddur. Lakin evin həyəti dövlətə aid olduğundan bu evi alan şəxs onu başqa bir əraziyə köçürməlidir. Məhz bu çətinliyinə görə evin alıcısı hələ də tapılmamışdır. Tarixilik xüsusiyyətinə görə ev öz mövcudluğunu davam etdirir.

Siyahıya bir başqa maraqlı ev satışını da daxil etmək istərdik. “Skyipe malikanəsi”- amerikalı memar tərəfindən iki gəncə toy hədiyyəsi olaraq inşa edilib. 2000 kv/metr ərasizi, 12 otaq və 11 hamamı, 2 hektar həyəti və okean mənzərəsi olan evin real qiyməti 10 milyon dollardır. Lakin ev 20 min dollara satılır. Buna səbəb isə evin ilk sahibi Çarls Şippinin əlində “bütün gecə oyanıq idim və bu çox dəhşətli bir təcrübə idi” yazısı ilə ölü halda tapılmasıdır. Ruhlarla dolu olduğu düşünülən evin həyətinə belə heç kim yaxınlaşmağa cürət etmir.