“Şahidi oluruq ki nəzarətçi olmaz deyəndə uşaq mənimdir, mən bilərəm deyib heç bir təhlükəsizlik qaydalarına əməl etməyən valideynlər də var”

Bunu Moderator.az-a açıqlamasında təhlükəsizlik üzrə ekspert Elmar Nurəliyev dənizdə boğulma hallarından danışarkək deyib. Ekspert bildirib ki, insanlar dənizi yarış meydançasına çevirməməlidirlər:

“Yayda sərinləmək üçün ən ideal yer kimi çoxu dənizkənarı istirahət məkanlarını, çimərlikləri seçir. Ancaq hər il dənizdə boğulma halları, yaxud istirahət məkanlarında baş verən bədbəxt hadisələrin şahidi oluruq. Bu cür hadisələrin səbəbi isə məsuliyyətsizlik və insanın öz həyatına biganə yanaşmasıdır. Yay mövsümü yaxınlaşır , insanlar ən çox istirahət üçün üz tutduqları yerlər dənizkənarı istirahət məkanları və çimərliklərdir. Lakin bu istirahət insanlarda gözəl anlar yaşatdığı kimi, həm də xoş olmayan anlar, bədbəxt hadisələrlə də yadda qalır. Hər il çimərlikdə xeyli sayda insan boğulur. Nə qədər maarifləndirmə aparılsa belə yenə də bədbəxt hadisələr azalmır. Səbəb isə insanların öz həyatına biganə yanaşmasıdır. İnsanlar istirahətlərini xoş keçirməyi planlaşdırdıqları kimi, öz təhlükəsizliklərini də düşünməlidir. Bunun üçün ilk öncə gedəcəyi yeri düzgün seçmək lazımdır. Yəni dövlət tərəfindən qadağan edilmiş çimərliyə getmək olmaz. Daha sonra hava şəraiti nəzərə alınmalıdır. Küləkli , dumanlı havada və günün qaranlıq vaxtı dənizə girmək məsləhət deyil. Gündüz saat 12:00-dan 16:00-dək olan vaxtda suya girməmək məsləhətdir.

Dənizdə tək getməmək və özünüz ilə apardığınız yeməklərə diqqət etmək lazımdır. Valideynlər diqqətli olmalıdırlar və uşaqları nəzarətsiz buraxmaq olmaz. Yağlı yeməklər , qızardılmış qidalardan uzaq durmaq . Çimərlikdə spirtli içki qəbul etmək olmaz. Bu həm suya girəndə boğulma təhlükəsi yaradar, həm də spirtli içki qəbul edən adamın günvurma ehtimalı daha çox olur. Özünüz ilə dənizə əylənmək üçün qayıqlar, katamaranlar və hava şarları gətirmək olmaz. Müalicə alan şəxslər dərman qəbul edirlərsə, çimərliyə getmədən öncə nəzərə almalıdırlar ki, bunun əks təsiri ola bilər . Çimərlikdə qadağanedici şarları keçmək olmaz. İnsanlar bir nüansı bilməlidirlər ki, çimərlik istirahər üçündür yarış meydanı deyil. Bəziləri dərində üzməylə diqqəti özlərinə cəlb etmək istəyirlər. Ancaq düşünmürlər ki özlərini təhlükəyə atırlar. Ən çox rast gəlinən şeydir ki dənizdə “ kim daha çox uzağa üzə bilər “ deyib yarışırlar. Bu da ki sonu bədbəxt hadisələrə gətirib çıxarır. İnsanlar bilməlidirlər ki, bunlar onların təhlükəsizliyi üçündür. Dənizə girmədən öncə suya baxmaq lazımdır . Ola bilsin su axınları olsun. Bunu müəyyən etmək üçün suya baxanda dəniz suyu mavi, açıq göy olduğu halda su axınları olan hissəsi ağ rəngdə bir xətt boyunca olur və sanki köpük əmələ gəlir və batır. Bu halda suya girmək olmaz. Bilmək lazımdır ki, axına düşərsənsə çıxış yolu var. Panikaya düşməmək lazımdır və sahilə paralel üzməklə axından çıxa bilər. Yaddan çıxartmayın ki, siz istirahətə gəlmisiz və çimərlik yarış meydançası deyil . Ümumiyyətlə, çimərlikdə təhlükəsizlik qaydalarına riayyət olunarsa, istirahətiniz xoş və təhlükəsiz keçər. Buna istirahət məkanını işlədən sahibkarlar da nəzarət etməlidirlər. Çünki orada baş verən hər hansı bədbəxt hadisə həm həmin yerin imicinə zərər vurur, həm də burada söhbət insanların həyatından gedir. Buna görə orada istirahət məkanının ödənişli xidmətlərində istifadə edib istirahət edən şəxsin təhlükəsizliyinə də istirahət məkanı məsuliyyət daşıyır. 

Belə yerlərdə xilasetmə qrupu olmalı və onlar növbəli olaraq çimərliyə nəzarət etməlidir. Qadağanedici şarları keçən olarsa və yaxud özləri ilə hava şarları, katamaran, skuterlər və matorlu su qayıqları gətirib suya salmaq istəyənlər aşkar edərsə, dərhal müdaxilə etməlidir . Valideynlərin də üzərinə məsuliyyət düşür. Uşaqları təkcə, nəzarətsiz buraxmamaq lazımdır. Şahidi oluruq ki nəzarətçi olmaz deyəndə uşaq mənimdir, mən bilərəm deyib heç bir təhlükəsizlik qaydalarına əməl etməyən valideynlər də var. Demək bu kimi təhlükəsizlik tədbirləri görülən yerlərdə hər hansı neqativ hadisələrin və yaxud bədbəxt hadisələrin baş verməsi riski də aşağı düşər”.