Xatırlayırsınızsa, 2013-cü ilin dekabr ayının ortalarında qardaş Türkiyədə ölkəni sarsıdan rüşvət əməlliyyatı keçirildi.
İstanbul və Ankarada
keçirilən bu əməlliyyat nəticəsində aralarında bəzi nazirlərin övladları da
olmaqla, 52 nəfər həbs edildi.
Əslinə qaldıqda Türkiyədə korrupsiyaya qarşı bu cür əməlliyyatların keçirilməsində
qeyri adi heç nə yox idi. Qeyri-adi olan, əməlliyyatın keçirilməsinə sanksiya
vermiş İstanbul baş prokurorunun birinci müavini Zəkəriyyənin faktiki olaraq bu
qərarı dövlət orqanları ilə razılaşdırmadan verməsi oldu.
Hadisənin araşdırılması zamanı
aşkar olundu ki, Türkiyə hökümət adamlarının, o cümlədən nazirlərin və hətta
baş nazir Rəcəb Təyyub Ərdoğanın özünün telefon danışıqları rəsmi dövlət icazəsi
olmadan dinlənilirmiş...
Araşdırmaların sonrakı mərhələlərində
gizlin telefon dinləmələrinə və həmçinin həbslərə sifariş verənin kimliyi aşkar
olundu. Türkiyə mətbuatının yazdığına görə sifarişçi ABŞ-ın Pensilvaniya
ştatında mühacir həyatı yaşayan Fətulla Gülən idi. Bu adamın kimliyini Azərbaycanda yaxşı
tanıyırlar. O, dünyanın müxtəlif yerlərində,
o cümlədən Azərbaycanda yüksək səviyyəli təhsil ocaqları yaratmaqla müsəlman gəncinin
təhsilinə öz tövhəsini verməsi ilə yüksək nüfuza sahib olmuşdu. Lakin, belə
çıxır ki, Gülən bu işləri heç də göründüyü kimi təmənnasız etməyib. Belə ki, Gülən
bir zamanlar təhsil verərək yetişdirdiyi insanların köməyi ilə faktiki olaraq
Türkiyədə paralel idarəetmə sistemi qurmağa nail olub. Gülənin, okeanın o
tayından göndərdiyi göstərişlər çox böyük ustalıqla Türkiyədə icra olunurmuş...
Hesab edirəm ki, bu olaylara tək Gülənin şəxsi və ya ideoloji
məqsədi kimi baxmaq düzgün deyil. Türkiyənin Yaxın Şərg , o cümlədən İsrailə
qarşı münasibətinin dəyişməsi ona qarşı MOSSAD və MKİ kimi kəşfiyyat
strukturlarının fəallaşması ilə naticələndiyi aşkar görünürdü.
Bir zamanlar Türkiyə siyasətinə
üsyankar türk generalları vasitəsi ilə təsir edən qüvvələr 2009-cu ildə
Ergenekon əməlliyyatından sonra artıq digər yollar aramağa başladılar. Görünür Türkiyə
siyasətinə hərbiçilər vasitəsilə təsir etmək imkanından məhrum olan İsrail və
ABŞ artıq bu məqsəd üçün Fətulla Gülənin imkanlarından istifadə etməyə başladılar.
Dövlətləri həqiqətlərlə
qurur, həqiqətlərlə də yıxırlar!
Əslində, Gülən əməlliyyatında
Türkiyənin bir dövlət olaraq bəxti onda gətirdi ki, məmurları Gülənin düşündüyü
qədər də Nadan çıxmadı. Bəlkə də nadanlıq səviyyəsi bir balaca artıq olsa idi bütün
bu olanların sadəcə qurma olmasını Türkiyə içtimaiyyətinə inandırmaq mümkün
olmazdı...
Milli Ergenekon:
Türkiyə və Azərbaycan
qardaş dövlətlər olaraq digər eyniliklərlə bərabər dövlət siyasətinin
aparılmasında da eynilikləri var. Bu eyniliklər əsasən müstəqil siyasətin
aparması istəyində özünü göstərir. Bununla belə, dünyanın aparıcı gücləri bu
iki dövlətə olan yanaşmasında eyniliyi qoruyub saxlayırlar.
Heç kəsə sirr deyil ki, Türkiyənin
siyasi xəttinə ABŞ təsir edirsə, Azərbaycan üçün bu işi Rusiya görməyə çalışır.
Yuxarıda göründüyü kimi, ABŞ-ın
Türkiyənin siyasətinə təsir yollarını özümüz üçün aydınlaşdıra bildik. Faktiki
olaraq Türkiyədə generalların siyasətə müdaxiləsinə son qoyulmasından sonra bu
işi öz üzərinə Fətullah Gülən götürdü.
Türkiyə ilə ölkəmiz
arasında paralellər apararkən maraqlı sual çıxır ortaya - Rusiya üçün Azərbaycanda “Rıçaq” funksiyanı
kimlər yerinə yetirir?
Nəzərə alsaq ki, Türkiyədə
Gülənçilərdən əvvəl, Ergenekon əməlliyyatına qədər hərbiçilər rıçaq rolunu
oynayırdı, ehtimal etmək olar ki, biz hələ ki, “Gülənçilər” mərhələsinə
çatmamışıq və Azərbaycanın “milli Ergenekonu” hələ ki, gizlində fəalliyyət göstərir.
Ola bilər ki, bu qüvvənin açığa çıxmağı üçün yetərli bir səbəb yaranmayıb.
Növbəti sual çıxır ortaya
”“ onların ortaya çıxmaları üçün səbəb nə ola bilər?
Bildiyiniz kimi, sentyabr
ayının 13-20 tarixlərində Azərbaycan ərazisində Azərbaycan və Türkiyə silahlı
qüvvələrinin iştirakı ilə genişmiqyaslı komanda qərargah və operativ taktiki təlimlər
keçirildi. Təlimlərdə iştirak etmək üçün Türkiyədən Azərbaycana hətta hərbi pilotlar və təyyarələr də gətirildi. Heç
şübhəsiz ki, Cənubi Qafqazda yeganə güc olmaqa çalışan Rusiya bu təlimlərə sadəcə
seyrici olaraq baxa bilməzdi. Ola bilməz ki, RF Baş Qərargahının Baş Kəşfiyyat
idarəsi bu təlimi keçirilməsinə razılıqla baxsın və növbəti təlimin keçirilməsinin
qarşısını almaq üçün heç bir iş görməsin...
Lakin, əgər həqiqətən də RF
BKİ təsir etmək fikrinə düşərsə Azərbaycanda nədən və kimdən istifadə etməyə
çalışacaq?
Əlbətdə ki, məntiqlə bu
işə yanaşsaq belə çıxır ki, təsir vasitəsi kimi - hələ ki, gizli fəalliyyətdə olan “milli Ergenekon”
olacaq.
Qalır “milli Ergenekonun”
tərkibini araşdırmaq. Əlbətdə ki, fərz etdiyimiz bu təşkilatın başında elə bir
şəxs durmalıdır ki, dövlətin içində
olmasa da ordunun içində paralel idarəetmə
qurmaq imkanına malik olsun. Əslində, bu təşkilat həqiqətən mövcüddursa, o
zaman praktiki fəalliyyətə başlayanadək varlığını müəyyən etmək o qədər də asan
iş olmayacaq...Daha doğrusu, ayıq olsaq müəyyən edə bilərik... Bunun üçün sadəcə
bütün digər maraqları kənarı qoyaraq müstəqil Azərbaycan və milli maraqlar naminə
ortaya dəmir iradə qoymaq lazımdır. Nə isə, bu mərhələni uğurla dəf etsək növbəti
mərhələ yəgin ki, “milli gülənçilər” olacaq!
Tərlan Qurbanov