Bəzi rollar, sözün əsl mənasında, aktyorun üzərinə yapışır. Hətta bəzən əsl adı unudulur, hamı onu canlandırdığı obrazın adı ilə xatırlayır. Bu taleyi yaşayanlardan biri də aktyor Gürkan Uyqundur. Biz onu məşhur “Kurtlar Vadisi”nin “Məmati”si kimi tanıyırıq. Ancaq o, adı çəkilən serialdan öncə də bir çox rola çəkilib, həyatını sənətinə həsr edib. Ömrünün çox hissəsi teatrlarda keçib. 

 

Son günlər “Geym of Bizans” filmindəki Qazi Maqosa obrazı ilə danışılan Gürkan Uyqun “Hürriyət”ə maraqlı müsahibə verib.

 

- (Gülür) Sağ olsun, kimsə internetdə belə bir məlumat paylaşıb. Gürcü əsilli sakaryalıyam. Ancaq İzmitdə dünyaya göz açmışam.

 

- Hələ litsey illərində könlüm teatrda olub. Həvəskar teatrlarda fəaliyyət göstərirdim. Daha sonra İstanbulda konservatoriyaya daxil oldum. Yıldız Kentər və Haldun Dormen kimi ustalardan dərs aldım. Mətin Serezli də daxil olmaqla bir çox dəyərli insanın tələbəsi oldum. Teatr üslubunu, aktyor əxlaqını onlardan öyrəndim. Belə şəxsiyyətlərin tələbəsi olmaq ən böyük şansım idi.

- Hə, övladlarım həyatımı dəyişdirdi. İki övladım var: qızım 7, oğlum isə 5 yaşındadır.

 

- Məsələn, həyat yoldaşımla görüş saatımız dəyişdi (Gülür).

 

- Həyat yoldaşın Şəbnəmi “Biri bizi gözetliyor evi”ndən tanıyırıq. Keçmiş günlərin xətrinə indi də oxşar formatda olan verilişləri izləyirsiniz?

- Uşaqlar olmadan öncə gecələr oturub çoxlu söhbət edirdik. İndi elə deyil. Uşaqlar saat 22:00-da yatırlar. Ondan sonra əyləncəyə vaxt ayırmaq olmur. Televiziya izləyir, bir az söhbətləşirik.

 

- Çox şükür ki, hələlik, izləməli olmayıblar. Ancaq indi elə dövrdür ki, heç nəyi gizlədə bilmirsən. Oyuncaq əvəzinə planşetlə oynayırlar. Yəqin ki, internetdə, orada-burada görürlər. Yaxşı ki, artıq hər şeyi dərk edə biləcək yaşdadırlar.

 

- Mən aktyoram, istəyəndə əsəbi, şiddətə meyilli adam obrazına bürünürəm. Ancaq xarakterim tamam fərqlidir. Ömür boyu cəmi iki dəfə davaya qarışmışam. Onun da biri ibtidai, digəri orta məktəbdə olub.

- Məmatinin mənim dünyamla heç bir əlaqəsi yoxdur. Onun əksinə mən sakit insanam. Həmişə ortaq mövqe tapmağa, yola getməyə çalışıram. Daxildə gərginlik keçirsəm də, bunu hiss etdirmirəm.  Məmati sadəcə hər istədiyini  edən, gözünü qırpmadan adam öldürən xəyali bir obrazdır.

 

- “Çöldə rol üçün canavar olsam da, evdə quzuya çevrilirəm”, - deyim, sən də rahatlaş, mən də (Gülür). Məncə, ailəni, evlilik həyatını qadınlar daha yaxşı idarə edirlər.

 

- Silah mərdliyi pozur. Silahdan istifadə etmək mərd adama yaraşmaz. Silahdan başım çıxmır, adlarını belə yadımda saxlaya bilmirəm.

 

- (Gülür) Yəqin, Yıldız Tilbənin “Vazgeçtim” adlı mahnısına çəkilən klipdən bəhs edirsən. Həmin klipə hələ konservatoriyada oxuduğum illərdə çəkilmişəm. Bu yaxınlarda dostlarımdan biri albom çıxaracaq, onun da klipində rol alacam.

 

- Elə bir niyyətim yoxdur. Ancaq dost məclislərində mahnı oxumağı, əylənməyi xoşlayıram.

 

- Tipim xaricilərə bənzəmir, ona görə də, tamaşaçı məni  tez qəbul edir. Şanslıyam. Hər şey “Deli Yürek” serialında rejissor Osman Sınavın mənə verdiyi rolla başladı. Onda hərbi xidmətdən yenicə qayıtmışdım. Daha öncə “Tatlı kaçıklar”, “Affet bizi hocam” və “Çiçek taksi” seriallarında rol alsam da, elə böyük uğur qazana bilməmişdim. “Deli yürek” kimi seriallar populyarlaşandan sonra fərqli üz quruluşum sayəsində seçilməyi bacardım.

 

- Əvvəllər bizim kimilərə çirkin deyirdilər, indi isə xarizmatik deyirlər (Gülür).

 

- Hə, bu, ən böyük üstünlüyümdür. Məsələn, heç kim mənə yaxşı oynayırsan demir, hamı deyir ki, “o necə baxışlardır, elə?”.

 

- Bunun üçün çox işləmişəm. Quşlardan kömək aldım. İnternetdə şahin, qartal fotolarına, videolarına baxaraq, onların hərəkətlərini yamsılayırdım.

 

- Heyvanlar aləmindən yox, internetdən faydalanıram. Çünki orada istədiyin hər şeyi tapa bilərsən. İstər qatil, istər narkoman olsun, internetdəki şəkillərə baxaraq onun obrazına bürünə bilərsən.

 

- Sadəcə rol üçün deyil, bütün önəmli qərarları verməzdən öncə tək qalmağa çalışıram. Sakaryanın kəndində yerləşən evimizə gedirəm. Orada yaxşıca düşünüb qərarımı verirəm. Onsuz da hədəfim 5-6 il işlədikdən sonra kəndə yerləşməkdir. Əkib-biçmək, həyətimdə odun doğrayıb, yandırmaq istəyirəm.

 

- Diqqətimi çəkməyən rolları, təbii ki, rədd edirəm. Ancaq heç bir rola qarşı fobiyam yoxdur. Mənim üçün rolun böyüklüyü, kiçikliyi də əhəmiyyətli deyil.

 

- Yox, hamısına özüm qərar verirəm. İstər mafiya başçısı olsun, istər transseksual, rolun öhdəsindn gələ biləcəyimə inanıramsa, razılıq verərəm.(Publika.az)