Ermənistan prezidenti Serj Sərkisyanın Qarabağ məsələsi ilə bağlı danışıqlardan rəsmən imtina etdiklərini açıqlaması haqlı olaraq gündəmə öz damğasını vurub. 

Hərbi ekspert Üzeyir Cəfərov Moderator.az - a açıqlamasında deyir ki, belə getsə, yaxın vaxtlarda yenə Azərbaycan əsgəri bu işğalçını və havadarlarını başa salmağa çalışacaq:

“Mənim üçün baş verənlərdə heç bir yenilik və ya hər hansı bir qeyri-adilik olmayıb və yoxdur. Gün kimi aydındır ki, ortalıqda çox böyük rus-erməni oyunu oynalınır. Əksini deyə və ya sübut edə biləcək bir nəfər varsa buyursun: mən onunla müzakirələrə hazıram. Baxın görün bəh-bəhlə təriflənən Rusiyanı təklifləri də sən demə boş şeylərmiş. Bunu biz deyil, şimal qonşumuzun forpostu, arxası, dayağı olan ermənilər deyirlər. İndi də Ermənistanın cinayətkar prezidenti sanki "kişiləşib". Dünənə kimi az qala miskin bir durumda olan bu zavallı, indi artıq az qala bütün dünyaya "meydan" oxuyur. Aprelin 24-də İrəvanda, öz iqamətgahında dünyaca məhşur “Bloomberg” agentliyinə müsahibədə deyib ki, "danışıqlardan imtina edir və indiki şərtlərdə danışıqlar prosesinə qayıtmağı planlaşdırmır". Hətta bu şərəfsiz bir qədər də uzağa gedərək öz ağalarının üzünə ağ olaraq bunları deyib. “Rusiyanın vasitəçiliyi altında əldə edilən atəşkəs daha geniş miqyasda müharibənin əngəllənməsi üçün kifayət deyil”.  Görün bu zırrama necə ağlını itirib ki, rəsmi Moskva buna görə az qala ailəlikcə Azərbaycan əsgərinə minnətçi düşüb ki, ermənilərin qələtini onlara bağışlayın, gəlin görək bunlar ağıllandılar nəhayət, ya yox. Bu da bu tərəfdən bizə xox gəlir. Ermənistan prezidenti aprelin əvvəllərində gedən döyüş əməliyyatlarında neçə tərs yağlı sillə alıbsa, hələ də onun ağırlığından ayıla və özünə gələ bilmir. Azərbaycan məhdud sayda hərbi qulluqçu ilə işğalçının xeyli sayda canlı qüvvəsini və ağır texnikasını məhv etdi, bu isə həyasızlıq edərək guya bizim onların üzərinə “bir neçə yüz tank və 30 minə yaxın artilleriya qurğusu”, digər silah-sursatı qaldırmağımızı uydurur. Bu sərsəm siyasətçi bir tərəfdən deyir ki, Lavrov İrəvana əliboş-heç bir təklif olmadan gəlmişdi, digər tərəfdən isə anqırır ki, Rusiya heç bir təklif irəli sürməyib. İndi bunu necə başa düşməyin yollarını biz axtarmalıyıq ki, bunu necə normal insan başa düşsün? Əgər ortalıqda heç bir təklif və ya danışıq yoxdursa, sən nədən və niyə imtina edirsən? İndi yaxın vaxtlarda yenə Azərbaycan əsgəri bu işğalçını və havadarlarını başa salmağa çalışcaq ki, ağlınızı nə qədər gec deyil, başınıza yığın. Sonra gec olacaq. Bu dəfə bir o qədər də əsgər və ya zabit itirilsə, İrəvanda Sarkisyan-Ohanyan cütlüyünə "od qoyacaqlar". Ermənistan rəhbərliyi 10 illər yürütdükləri siyasətin girovuna çevriliblər. Xalqı bu illər ərzində az qala əmin etmişdilər ki, guya bu torpaqlar onlarındır. Çox saylı BMT, ATƏT və digər irili-xırdalı diplomat və ya təşkilatlarının edə bilmədiyini Azərbaycan Silahlı Qüvvələri çox məhdud say tərkibi ilə etdi. İnşallah yaxın zamanlarda daha böyük şəxsi heyət və ən müasir texnikalarımız ilə biz öz ərazi bütövlüyümüzü mütləq təmin edəcəyik. Bunu artıq erməni-rus cütlükləri də anlayırlar. Ona görə də, dövriyyəyə belə uğursuz bir "tamaşa" buraxıblar ki, guya hansısa "iş" aparılır. Əslində isə, düşmən Ermənistan da, onun havadarları da çox çirkin planlar üzərində gecə-gündüz çalışırlar. Ona görə də, qoşunların təmas xəttində son dərəcə diqqətli və məsuliyyətli olmağımız lazımdır. Düşmən kəmfürsət kimi öz xain planlarını bizə qarşı həyata keçirmək üçün həm hərəkətə keçib, həm də paralel müxtəlif hoqqabazlıqlarla məşğuldur”.