Makedoniyalı İsgəndər öz müəllimi Aristotel haqqında belə deyib: “Valideynlərim məni göydən yerə endirdi, müəllimim isə yerdən göyə qaldırdı”. 

Bəli, bütün peşələr gözəldir, gərəklidir. Lakin müəllimin yetişdirdiyi məhsul insan olduğundan və cəmiyyətin gələcəyi bundan asılı olduğundan müəllimlik peşələrin ən şərəflisi, ən müqəddəsidir. Əbəs yerə müəllimlik peşəsi haqqında söhbət açmadıq. 

Moderator.az-ın müsahibi gənc müəllim Mədinə Hallacovadır. Mədinə xanım Füzuli köçkünləri üçün salınan qəsəbədə yerləşən məktəbdə müəllimlik fəaliyyəti göstərir. Onunla əməkdaşımızın söhbətini təqdim edirik:

- Mən Hallacova Mədinə Məhəmməd qızı 1990-cı il 14 dekabrda Füzuli rayonunun Kərimbəyli kəndində ziyalı ailədə anadan olmuşam. 26 yaşım var, hazırda ailəmlə bərabər doğulduğum kənddə yaşayıram. 2009-2012-ci illərdə Bakı Dövlət Sosial-İqtisad Kollecində "İnformatika"ixtisası üzrə təhsil almışam. 4 ildir ki, təhsil sistemində çalışıram. Eyni zamanda da Gəncə Dövlət Universitetinin "Azərbaycan dili və ədəbiyyatı müəllimliyi" ixtisası üzrə qiyabi təhsilimi davam etdirirəm. Hazırda IV kursdayam. Yəni belə desək, həm işləyirəm, həm də təhsil alıram.

- Müəllim olmaq, müəllim ailəsində böyüyən bir uşaq üçün yəqin ki, ilk seçim olardı. Ancaq belə deyil, məndə müəllimliyə maraq oyadan çox sevdiyim Azərbaycan dili və ədəbiyyatı fənn müəllimim Ofelya Rüstəmova  olub. Mən onun dərsini izah tərzini o qədər sevirdim ki, inandırım ki, sizi dərsdən evə qayıdanda müəlimin tapşırığını öyrənmirdim. Hər dəfə dərsə çıxanda isə müəlimə bilirmiş kimi,"Mədinə sən məni təqlid edirsən,dərsi oxumamısan" söyləyirdi. Ofelya müəllimə artıq özü bir müəllim yetişdirirdi. Ona bənzəməyi onun kimi,olmağı çox istəyirdim . O, mənim idialım idi. Özümə söz vermişdim ki ,mən "Azərbaycan dili və ədəbiyyat müəllimi"olacam. Eyniylə Ofelya müəllimə kimi. Ancaq müəyyən səbəblərə görə "İnformatika" ixtisası üzrə təhsil aldım.Əlbəttə ki,yenə də istəyimdən dönmədim və təhsil aldığım ixtisasa yəni ən böyük arzuma qovuşdum.

- İnformatika fənni maraqlı fənndir. Əlbəttə ki kompüterlə əlaqəli olduğu üçün şagirdlər maraq göstərir. Amma çox təəsüf hissi ilə deyə bilərəm ki şagirdlərdə ixtisas seçimləri,onları başqa fənləri öyrənməkdən yayındırır. Və bu da başqa fənlərə zaman ayırmağı ,şagird tərəfindən vaxt itkisi kimi qiymətləndirilir. Onlar öz seçdikləri ixtisaslar üzrə olan fənlərə daha çox üstünlük verirlər ki,bu da şagirdin intellektual səviyyəsinə  böyük təsir göstərir.

- Mənim zənnimcə savadlı və işinin peşakarı olan müəllim şagirdlərdə maraq oyatmağı bacarmalıdır. Daim özünü inkişaf etdirməlidir, şagirdə müəllim kimi yox, bir dost kimi yaxınlaşmalı ki, şagirdin maraq dairəsini öyrənsin. Yəni yenə də şagirddə təhsilə marağın artırılmasında başlıca iş müəllim və məktəb rəhbərliyinə düşür.

 

- Dərsim olmayanda çalışıram dərs keçmədiyim şagirdlərlə də ünsiyyət qururam. Müəllim olmağın ən birinci şərti işini və uşaqları sevməkdir. Şagirdlərimə qarşı adətən səmimi və mehriban davransam da, dərsimə qarşı hər zaman tələbkaram. Amma aprel ayında torpaqlarımızın bütövlüyü uğrunda şəhid düşmüş Əlvan Hüseynov, Səyyar Quliyevin ildönümlərində şagirdlərimlə iştirak etdik.  Onu da qeyd edim ki, mənim fəaliyyət göstərdiyim Füzuli rayon 39 saylı tam orta məktəb Füzuli köçkünləri üçün salınan qəsəbədə yerləşir ki, şagirdlərimin hamısı füzuli köçkünləridir. Bacardığım qədər Vətənpərvərlik mövzusuna üstünlük verirəm. Çünki bizim başlıca işimiz cəmiyyətimizə vətənpərvər insan yetişdirməkdir.

- Gəlin bir məsələ ilə razılaşaq ki, kəndlə şəhərin imkanları eyni səviyyədə deyil. Müqayisə edəndə görərik ki, kənddə böyümüş bir şagirdlə, şəhərdə böyümüş şagirdin savadı eyni səviyyədə olsa da dünyagörüşü eyni olmayacaq. Amma sizi inandırım ki, peşəkar müəllimlərə üstünlük verilsə, hər ixtisas müəllimi öz ixtisasını peşəkarca tədris etsə, müəllimlər öz üzərində işləsə və şagirdləri də öyrənməyə nəsə yeni axtarışlara sövq etsə yüksək nəticə əldə etmək olar. Hər bir şagird məncə öyrənməyə qadirdir. Sadəcə öyrətməyin metodlarını kəşf etməli ki, müəllim şagirdin marağını çəksin, onda öyrənməyə həvəs oyatsın.