(İbad Hüseynov)

1993-cü il 26 Dekabr-gəncliyini müharibənin od – alovuna, saglamlığını sevdiyi vətəninə  həsr edən, keçmiş kəşfiyyat komandiri,  “Azərbaycan Bayragı” ordenli, yaşayan “şəhid”, qəhrəmanlıq simvolumuz İbad Hüseynovun  agır  yaralandıgı  gündür.

Sovet imperiyasında hərbi xidmətini yerinə yetirərkən, Azərbaycanın  qanlı  tarixi olan   1990 –ci il 20 Yanvar hadisələrinə gorə etdiyi etirazlar, keçirdiyi aclıq aksiyaları inadcıl və əqidəli addımları onu və dostlarını   dörd  ay öncə tərxis olunaraq Vətənə dönməyini gerçəkləşdirdi. Onun qəhrəmanlığı elə  hərbi xidmətdə başlamışdı.   Hərbi xidmətdən gələr–gəlməz könüllülərdən ibarət dəstə yaratdı.İlk işi şəklini Şəhidlər  lövhəsinə vurmaq old.”Ölmək var,  dönmək yoxdur”- dedi.Müharibədə göstərdiyi qəhrəmanlıq kifayət qədər dastanlaşıb, kitablaşıb,  filmləşib. Haqqında neçə -neçə sənədli filmlər, kitablar, jurnallar işıq üzü gorüb.  Döyüş yolu  haqqda generallar, hərbçilər,   döyüş yoldaşları,  dövlət   adamları  öz sözlərini deyib,   fikirlərini bölüşüblər.   İbad  Hüseynov  bu günün gəncliyinə igidlik,  qəhrəmanlıq,  cəsurluq məktəbi,  dərsliyidir. O  dərslik yalnız   vətən, yurd    sevgisini öyrədir.

Özünü   vətənə  borclu  bilən  və   vətəni  qoruyan, yolunda  canından keçməyə hazır olan,  tarixə  adını  qanıyla   yazan   İbad Hüseynov “Vətən  sevgisinin  düsturu  olmur “...  deyir.

Qeyri-adiliyi, həssaslığı, yüksək intuisiyası, möcüzə sayəsində sağ qalması Tanrının İbad  Hüseynova olan lütfü   idi. Taleyinə müharibə, yazılmasaydı ,   idman   sahəsində nələr edərdi . Çeviklik, məqsədyönlülük- əqidə sahibidir İbad Hüseynov. 

Bu  gün  Daglıq  Qarabağın  yeganə  ərazisi  məhz   qəhrəmanımızın   qanı  bahasına  bizlərdə  qalıb. Bu gün  o  səngərlərdə  Azərbaycan əsgərləri  keşik çəkir  və Azərbaycan  bayrağı dalğalanır!

Qarabağımızı itirsək də,minlərlə şəhid versək də, torpaq uğrunda qəhrəmancasına döyüşmək, kişi kimi ölmək, öldürmək və yaşamaq nümunəsi oldu İbad Hüseynov. Qəhrəman  olmurlar,  qəhrəman  doğulurlar!

Müharibənin öz   qayda – qanunları var.Qarabağ  müharibəsi    ədalətsiz   müharibə  idi-  uzun illər   ermənilərin hazırlaşdıqları,   bizlərin  isə gözlənilmədən  və hazırlıqsız   üzləşdiyimiz müharibə.   Müharibə  istər- istəməz    döyüşçüyə   sərtlik ,  qəddarlıq,  dözümlülük   öyrədir. İbad Hüseynovun özünün dili ilə  desək, əsgərlərə qəddarcasına keçdiyi təlim onları  bütün əziyyətlərə dözümlü etmışdi.Döyüşə hazırlıq təlimləri saatlarla bitməzdi. Döyüşə getdikləri zaman sevinə-sevinə gedərdilər! Ölümün gözünə dik baxa-baxa! İbad siqaret, içki kimi pis vərdişlərdən uzaq idi.Əsgərlərinə də bunlardan uzaq olmağı tövsiyyə etmişdi. Döyüşlərin önünde özü gedərdi.” Güllə mənə dəysin, əsgərlərim sag- salamat geri dönsünlər!” məntiqi ilə hərəkət edərdi. 

Bu  gün yenə İbad  Hüseynov  və onun   döyüş  yoldaşları, kəşfiyyatçıları, əsgərləri birlikdə  o müqəddəs   torpağa  ayaq  qoydular.    Bu gün   artıq  26  il keçib  o illərdən. Bəzilərinin   saç-saqqalı ağarıb, bəziləri  saglamlığımı itirib. Amma İbad  Hüseynovun  adı  gələndə  onlar  üçün  hər  şey  unudulur.  Onları Vətən,  torpaq sevgisi birləşdirir. 

1993-cü il dekabrın 26- da İbad Hüseynov düşmən tərəfə mövqeyimizi genişləndirib, səngərlər qazıb, geri donərkən, xidməti maşını ilə tankəleyhinə minaya düşmüşdü. Sürücüsü parca-parca olmuş, özü də ölümcül yaralanmışdı.İyirmi səkkiz gün  komada  qaldı, illərlə çəliklə gəzdi. Bu gün Azərbaycan əsgərləri həmin səngərlərdə keşik cəkir.. Orada qarışdı qanı torpağa , orada pəncələşdi ölümlə, orada qalib gəldi  ölümə!

 

28 gün komada yatıb, illərlə sağlamlığını bərpa etmək, yenidən döyüşlərə qatılmaq üçün daim çabalar göstərən və sonda buna nail olan  qəhrəmanımıza Tanrı ikinci dəfə yaşamaq şansı verdi!

Ölümdən, həyatın acı, amansız gerçəkliklərindən qorxmadı! Əyilmədi! Əyilməzlik , ölməzlik  alın yazısına, taleyinə çevrildi!

Vətən , torpaq uğrunda dünyasını dəyişənlərə şəhid deyilir, Vətən , torpaq ugrunda vuruşaraq , sağlamlığını itirənlərə  fədai, Vətən   fədaisi.

Bu gün amansız təlimlərilə əzab verdiyi,  həm  də  qoruduğu  əsgərləri ,  döyüşçüləri   ilə birlikdə  26 il  sonra  eyni  torpaqda,  eyni   amalla  birləşdilər,toplaşdılar,  1991 –ci ildə   adını  Şəhidlər  lövhəsinə  vurduğu  və  “şəhid” olduğu  “yüksəklikdə”.

Azərbaycanın  incəsənət  xadimləri ,  sevilən  sənətkarlarımız  Səyyad  Əlizadə, Azərbaycanın  Əməkdar   artisti, İncəsənət  Universitetinin   müəllimi  Ağalar Bayramov,  Xalq  artisti  Əjdər  Həmidov, Aviasiya  Akademiyasının   dossenti  Şöhrət  Kərimov, məktəb   direktoru , vətənpərvər   ziyalı  Samir  Mehdizadə,  bəstəkar  Rauf  Məmmədov,şairlər  Ramiz  Qusarçaylı, Zöhrə Xəlili, Gülşən  Behbud, , media   nümayəndələri ,  ehtiyatda  olan polkovniklər, zabitlər, gizirlər  və  Qarabağ  müharibəsi   iştirakçılarının  iştırakı ilə    Xocavənd  ərazisində   yerləşən  “İbad  Hüseynov  yüksəkliyini”   ziyarət  etdilər. İbad  Hüseynovun gənc  yaşında   atdıgı  “müdrük”   addımları,qorxmazlığı,   cəsarəti,  qətiyyəti barədə  danışıldı.  Bu gün də  o həyəcan  onlarda  hiss  olunurdu. Hamısı   qəhrəmana “ komandir”  deyə, həyəcanla  davranırdı.  İbad  Hüseynov   kəşfiyyat  komandiri  olaraq   döyüşçülərinə  qarşı nə  qədər   tələbkar  və   sərt  olsa da,  bir  o qədər    mülayim  və  qayğıkeş idi.

26.12. 2019-cu il , düz  26 il  əvvəl  necə  idisə, bu gün  də  İbad  Hüseynov  və  onun ətrafında  birləşmiş   döyüşçülər  eyni  amalda, eyni düşüncədədirlər. Dəyişən yalnız zaman,   ağaran   saçlar, itirilən sağlamlıqlarıdır...

Çıxışlar  edildi, şeirlər  səsləndi. Hər  kəsin  ürəyində, qəlbində  bir  sevgi , bir  amal  vardı, Qarabağ ...

İbad  Hüseynov , bu gün həm də Türk dünyasının sevilən qəhrəmanlarındandır. Türk  əsgəri, türk  qaziləri,  türk qəhrəmanı Vətənin ən ağır günündə meydanda olmağa hazırdır.Türkiyənin   qəhrəmanımıza  olan  sevgisi və  diqqəti sonsuz olub. Türkiyənin dövlət və hökumət rəhbərləri, ziyalıları,  elm  adamları  ilə   görüşləri    tarixi   anlara   çevrilib. Bu   gün İbad  Hüseynov Türk dünyasının  qəhrəman oğlu olaraq  Türkiyənin bütün şəhərlərində   Azərbaycanı, Qarabağı   anladır.  2015 - ci ildə   Türkiyənin paytaxtı   Ankarada   adına  verilən küçə,  2015-ci   ilin    avqust  ayında  Türkiyənin   Zəfər  bayramı    günü,   qəhrəman şəhərlərdən    olan Qaziantepdə   park,   2017-  ci ildə   isə    Kırşəhərdə   adına verilən   küçə Azərbaycan  və  Türkiyə  dostluğunun  daha   da   möhkəmlənməsinə   xidmət  edir.

İstər Türkiyədə , istərsə  də   Azərbaycanda    qəhrəmanımıza sonsuz sevgi var.  Türk gəncliyinə və Türk dünyasına igidlik , ölməzlik  rəmzidir  İbad  Hüseynov!