Müsavat Partiyasının qarşıdan gələn qurultayı Azərbaycan siyasi həyatında çox önəmli, siyasi arenaya yenilik gətirən bir hadisə olacaq. 

Bunu Moderator.az-a açıqlamasında mühacirətdə yaşayan müsavatçı Eldəniz Yüsibov Müsavat Partiyasının qurultay ərəfəsində baş verən proseslərə mövqeyini açıqlayarkən deyib.

Onun sözlərinə görə, bu gün Müsavat Partiyasının qurultayı ilə baglı gedən proseslər hamının diqqət mərkəzindədir:

“İstər demokratik düşərgə,  istərsə də hakimiyyət düşərgəsində, eləcə də bitərəf vətəndaşlar qurultayla baglı prosesləri izləyir, şərhlər verir, münasibət bildirirlər.

 Hakimiyyət Qafqazın ən qocaman partiyasına qurultay keçirmək üçün uyğun bir salon verməməsi də məhz Müsavat Partiyasının hakimiyyətin ən güclü rəqibi olduğuna dəlalət edir.

 Biz muhacirətdə olan Müsavatçılar da bu prosesləri diqqətlə izləyirik. Hesab edirəm ki, başqanlığa namizədlər hər biri çox uğurlu təbliğat-təşviqat kampaniyasi aparır.

Bu kampaniya zamanı partiya strukturlarında, xüsusilə də payon təşkilatlarında böyük bir canlanma yaranıb. Bu çox sevindirici haldır ki, partiya üzvləri partiyaya, onun gələcəyinə inanırlar ve ümid edirlər ki,məhz Azərbaycanda demokratik bir cəmiyyətin qurulmasında Müsavat Partiyası ən önəmli rol oynayacaq.”

E. Yusibov onu da bildirdi ki, gələcək başqanın kim olması məsələsi doğrudan da önəmlidir:

 "İsa Qəmbərin yerini doldurmaq bir qədər çətin olacaq. İsa bəy başqanlıqdan getsə də Müsavat Partiyasında və Azərbaycan siyasətində ən önəmli söz sahibi kimi qalacaq. Başqanlığa namizədlərin hər birinin fəaliyyəti ilə yaxından tanışam və bu namizədlərin hər biri partiyada başqanlığa layiqdirlər. Ancaq layiq olmaqla yanaşı buna haqq edən ən çox  Arif Hacılı olduğu uçun, biz mühacirətdə olan əksər müsavatçılar Arif bəyin namizədliyini dəstəkləyirik.

Bilirsiniz ki, Müsavat Partiyasının keçirdiyi qurultaylar hər zaman demokratik prinsiplərə əsaslanan, azad, ədalətli seçkilərlə müşayət olunub. əminəm ki, bu qurultay da ənənəvi prinsiplərə sadiq qalaraq keciriləcək və Azərbaycan cəmiyyətinə öz töhfəsini verəcəkdir.”