Moderator.az xəbər verir ki, bu gün Sumqayıtda Heydər Əliyevin anadan olmasının 92-ci ildönümünə həsr  olunmuş  ənənəvi  VII  Kitab  bayramı  keçirilib.  

Tədbirin keçirilməsində əsas məqsəd,  gəncləri, yeniyetmələri  mütaliəyə  cəlb etmək,  kitaba  marağı  artırmaq, onları  maarifləndirmək olub.  Bayram  tədbirində Azərbaycana həsr  olunmuş  şeirlər  söylənildi, müdrik  söz  sənətkarlarının  kitaba, kitabxanalara, mütaliəyə  həsr olunan hikmətli kəlamları  səsləndirildi.  

Sumqayt  şəhər  Mərkəzləşdirilmiş Kitabxana  Sisteminə  daxil olan  kitabxanalar  kitabsevərlər  qarşısında  “Milli dövlətçiliyimizin  memarı”,  “Böyük yolun davamçısı”,  “Heydər Əliyev Fondunun nəşrləri”,  “Heydər Əliyev  və Azərbaycan tarixi”,  “I Avropa  oyunları”,  “Şəhərimizin ilk jurnalı”, “Uşaq ədəbiyyatı” və digər sərgilər  nümayiş etdirdilər.  Həmçinin,  kitabxanalar tərəfindən  Azərbaycan və dünya ədəbiyyatı  nümayəndələrinin  çap  və  elektron  nəşrləri  təbliğ edildi.  Onu da vurğulayaq ki, Sumqayt  şəhər  Təhsil  Şöbəsi  və  Səhiyyə  Şöbəsi  də bayram  tədbirinə  öz sərgiləri ilə  qatıldılar. Kitab bayramında  həmçinin, “Sumqayıt” kitab evi,  “Məktəbli” kitab evi, “Zəka” kitab evi,  NT kitab  mağazası,  “Parlaq imzalar” nəşriyyat evi, “Bukinist” kitab mağazası, “Hədəf” nəşriyyatı, “Qanun” nəşriyyatı, “Zərdabi” nəşriyyatı, “Akademkitab” mağazası,  “Azəri” kitab mağazası, “Kitablar aləmi”, “Altun Kitab”  MMC  kitab mağazası,  “Qələm nəşriyyatı”,  “Azəri” poliqrafiya nəşriyyatı,  “Qədim qala” nəşriyyat evi,  Kitabevim.az  kitab mağazası,  Xan nəşriyyat evi,  “E.L. Nəşriyyat və  Poliqrafiya  Şirkəti” MMC,   “Orxan” nəşriyyat  və Poliqrafiya Müəssisəsi  də öz sərgiləri ilə iştirak edti  və  kitab satışı  təşkil  olundu. Bayram tədbiri  Hüseyn  Ərəblinski adına  Sumqayıt  Dövlət  Musiqili Dram Teatrının  aktyorlarının  və Sumqayt  şəhər  Mədəniyyət  və  Turizm  İdarəsinin  yaradıcı  kollektivlərinin  iştirakı  ilə  səhnələşdirilmiş  tamaşa  və maraqlı konsert  proqramı  ilə  davam  etdirildi. Səməd Vurğun adına Mərkəzi  kitabxananın  əməkdaşları  tədbir  iştirakçıları  arasında  maraqlı sorğu  keçirdilər. 

Qeyd edək ki, Kitab bayramında  Sumqayt  şəhər  İcra Hakimiyyətinin  başçısı  Eldar Əzizov,  icra nümayəndələri,  şəhər  ziyalıları, təhsil və mədəniyyət  müəssisələrinin kollektivləri,  mətbuat  nümayəndələri və digər qonaqlar iştirak edirdilər.