Moderator.az-a AMEA Radiasiya Problemləri İnstitutunun bağlanması haqqında daxil olan məlumatda deyilir:

Azərbaycan  Respubilkasının prezidenti zati-aliləri hörmətli İlham Əliyevə və Azərbaycan Milli Elmlər Akademiyasının prezidenti böyük  alimimiz  akademik Akif Əlizadəyə  Açıq Məktubla müraciət etmək istəyirəm.  

Hörmətli prezidentlər, məlumat üçün deməliyəm ki, bizim İnstitut akademiyanın elmi potensialına görə öndə gedən nüfuzlu elm ocaqlarındandır.  Bizim institutun 300-ə yaxın böyük kollektivi var. Bu günlərdə aldığımız məlumat -  insitutumuzun bağlanma təhlükəsi xəbəri bizləri çox həyacanlandırmaqdadır. Bir neçə gündür ki, ardıcıl olaraq gəzən şayiələrə əsasən bildirilir ki, insitut bağlanaraq işçilər digər aidiyyatı insitutlara köçürüləcək. Lakin deməliyik ki, böyük keçmişə malik olan Radiasiya Problemləri İnisitutu- AEA-nın Radiasiya Tədqiqatları Sektoru - SSRİ Dövlət Elm Komitəsinin 21 may 1969-cu il tarixli 27 saylı,  AEA RH-nin 20 iyun 1969-cu il tarixli qərarları  AMEA-nın Radiasiya Problemləri İnstitutu -  AR Nazirlər Kabinetinin 81 saylı 21 may 2002-ci il tarixli, AMEA-nın 3 iyun 2002-ci tarixli 13/1 saylı qərarları  ilə fəaliyyət göstərir.  Azərbaycanın böyük alimi,  AMEA-nın  eks prezidenti mərhum akademik Mahmud Kərimovun yaratdığı institutun ləğvi onun ruhuna böyük hörmətsizlik olardı. Bu insitutda onlarla elmlər dokdorları, AMEA-nın muxbir üzvləri  və elmlər namizədləri var.  İnstitutumuzun direktoru hörmətli akademikimiz  Adil Qəribovun rəhbərliyi ilə Radisiya Problemləri İnisitutu son illər böyük elmi nəticələr əldə etmişdir. İnsituta elmi tədqiqatlar aparmaq üçün çoxsaylı priborlar alınmışdır. Azərbaycan elminin böyük nailiyyəti olan  Milli Nüvə Tədqiqatları Mərkəzinin yaranması məhz Radiasiya problemləri institutunun elmi potensialından stimul almışdır. İnstitut bağlanarsa çox saylı dokdorantlar və disertantların işi necə olacaq, bizlər bu qədər əziyyət çəkmişik, gələcək taleyimiz necə olacaq? 

Radiasiya Problemləri İnstitutunda başda mənim elmi rəhbərim professor Rəhim Mədətov olmaqla nüfuzlu və Azərbaycan elmini daha da irəli apara biləcək elm adamları var. Belə ki, Akademik Adil Qəribov, AMEA-nın muxbir üzvü professor İslam Mustafayev,  AMEA-nın muxbir üzvü Mahmud  Abdullayev, professor Əsgər Əli Abıyev, professor Müslüm Qurbanov, professor Şiraz Məmmədov, professor Arif  Məhərrəmov,  professor Rauf  Sərdarlı, professor  Pərviz  Rzayev,  professor  Oktay Səmədov, professor Elimxan  Cəfərov  və s. alimləri qeyd etmək olar. Təkcə son bir ildə elmi tutumuna görə sanballı elmi nəticəli 3 nəfər alim elmlər dokdoru üzrə müdafiə etmişdir, bunlardan fizika elmlər dokdoru Adil Abdullayev, kimya elmləri dokdoru Teymur Ağayev və fizika elmlər dokdoru Bəxtiyar Nəcəfovu qeyd etmək olar. Bundan başqa onlarla elmlər namizədləri yetişmişdir.  Biz gənclər hesab edirik ki, yuxarıda adlarını çəkdiyimiz alimlərimiz institutumuzun taleyi ilə bağlı məsələlərdə seyrçi mövqe sərgiləməyəcəklər, belə ki, onların səsi nüfuzlarına  rəğmən  yuxarı təşkilatlara daha tez çatmasına əminik və ən əsası da onlar elm adamı kimi Radiasiya Problemləri İnstitutunun Respubilka üçün lazımlı elm ocağı olmasını isbat edəcəklər.

Bu gün Radiasiya Problemləri İnstitutunda çalışan çoxsaylı gənc alimlər, o cümlədən dokdorantlar və disertantlar adından İnstitutumuzun taleyi  ilə əlaqədar Hörmətli prezidentimiz İlham Əliyevə, AMEA-nın prezidenti böyük alimimiz akademik  Akif  Əlizadəyə  müraciət edirik xahiş  edirik - institutumuzun böyük elmi əhəmiyyətini nəzərə alaraq bundan sonrada fəaliyyət göstərməsi üçün bizlərə kömək edəsiniz.

Radiasiya Problemləri insitutunun  əsas fəaliyyət istiqamətləri Nüvə fizikası və nüvə kimyası;  Radiasiya materialşünaslığı; Radiasion texnologiyalar; Nüvə və radiasiya təhlükəsizliyinin elmi əsasları;  Alternativ və qeyri-ənənəvi enerji mənbələrinin istifadəsi və enerji çevrilmələrinin fiziki-texniki problemləri   sahələri respubilkamızın elminə hələ uzun illər böyük fayda verəcəkdir. 

Biz gənclər hesab edirik ki, akademiya rəhbərliyi bütün bu halları nəzərə alaraq bizlərin xahişini qəbul edəcəklər. Sağ  olun!