Maraqlıdır ki, gənc müğənni publika.az-a müsahibəsində ehtimallarımızın ikisini də doğru çıxartdı. Sən demə, bu istilərə baxmadan, o həm işləyir, həm də istirahət edir. 

 

Həmin müsahibəni təqdim edirik. Bu müsahibə prodüser Tamilla ilə Günayın ayrılmasından bir neçə gün öncə alınıb.

 

- Əksinə, əməkdaşlığımızdan çox razıyam. Artıq 7 aydır ki, birlikdə işləyirik. Vaxt isə, demək olar ki, uçur. 7 ayın necə keçdiyindən xəbərimiz də olmayıb. Qarşıda hələ çoxlu layihələrimiz var. İndiyədək reallaşdırdığım layihələrdən daha böyük iş görmək istəyirəm. Həmişə çalışmışam ki, hər yeni mahnım əvvəlkindən üstün olsun. Bu minvalla da 2015-ci ildə atdığım hər addımın  2014-cü ildəkindən daha böyük olmalıdır. Ola bilər uğursuz da olsun. İnsan hər zaman uda bilməz. Uduzmağı da bacarmaq lazımdır.

 

- Xeyr! Qorxmuram. Özümdə ən çox sevdiyim xüsusiyyət odur ki, risk etməyi sevirəm. Bilsəm də çətin olacaq, yenə də risk edəcəyəm. Xoşbəxtlikdən, atdığım riskli addımlar indiyədək uğurla nəticələnib.

 

- Günay, bu durumda prodüserinizin rolunun olub-olmadığını bilmirəm, ancaq sanki geri çəklib ətrafınızda baş verənlərə seyirçi mövqeyi nümayiş etdirirsiniz... Bu belədir?

- Müəyyən mənada geri çəkildiyim doğrudur. Ancaq bu, kiminləsə əlaqədar deyil. Sadəcə, daha hər çağırılan yerə getmirəm. Qatılacağım verilişləri, müsahibə verdiyim KİV-i süzgəcdən keçirirəm. İndi məni harda gəldi görə bilməzsiniz.

 

- Bizim çox gözəl sənətimiz var. Bəlkə də hər adam bizi başa düşə bilməz. Ancaq bizimki allahdan verilən istedaddır. Teleməkanda qeydə alınan ən son hadisə “Space”-in efirində  - “Günaydın” verilişində baş verdi. Mətanət Əsədova ilə tanımadığım hansısa bir yazar arasında yaşanan həmin hadisə ilə bağlı mövqe ortaya qoymalı olsam, Mətanət Əsədovanı haqlı sayıram. Heç kəsə haqq verilmir ki,  insanları təhqir etsin. Bizim sahədə ikiüzlülülər çox ola bilər. İnanın ki, belələrinə bütün sahələrdə  - səhiyyə, təhsil,  tikintidə də rast gələ bilərsiniz. Sadəcə, bizim sənət göz önündədir. Ona görə də diqqəti tez cəlb edir. Həyatda daha dəhşətli çirkablar var. Di gəl, şou-biznesdə hamısı üzdədir. Bu yaşanan qalmaqalı mən də bir tamaşaçı kimi izlədim. Halbuki efiri izləyən insan deyiləm. Sən bax bundan danış... Son zamanlar televizor izləməyə hövsələm çatmır. 5 il əvvəl teleserialların vaxtını buraxmırdım. İndi isə özüm olan verilişlərin də lent yazısına baxıram. Onu da səhvlərimi görə bilmək üçün. Ancaq bu qalmaqal barədə eşidən kimi tapıb ona baxdım. Elə məsələyə münasibəti də burdan görürəm. Mən tamaşaçı olaraq qalmaqala belə maraq göstərdimsə, demək ki, sadə tamaşaçı da qalmaqalı sevir. Nə qədər lazım olmadığını desələr də, qalmaqal da reytinq gətirir. Çünki hamı məhz qalmaqala baxır.

 

- Yox... (Fikirləşir). Elə olur ki, qalmaqaldan qaça-qaça düz  qalmaqalın ortasına düşürsən. Allah göstərməsin, belə bir vəziyyətdə qalmaq istəmərəm. Hərçənd, insan özünü hər vəziyyətdə idarə etməyi bacarmalıdır. Hərdən mənim də başıma gəlir. İndiyədək həmişə susmuşam. Çünki hər kəs efirdə öz mədəniyyətini göstərir. Düzdür, əsəbiləşib efirdən söyüş də söymək olar. Amma bu addımla illərlə qazandığın hörməti yerlə yeksan edə bilərsən. Qalmaqal yaşayanları qınamıram. Bu bir həqiqətdir ki, çoxu istəmədən bu vəziyyətə düşür.

 

- Təbii ki, az-az görünməyimin bundan başqa da səbəbləri var. Məsələn, hazırda yaydır. Üstəlik, müqəddəs Ramazan ayını yaşayırıq. Hər il bu aylarda durğunluq olur. Elə radiolarda,  teleməkanda da sakitlikdir. Verilişlərin əksəriyyəti yay istirahətinə çıxıb.

- Bu səssizliyim müvəqqətidir. Çünki arxasında həm də böyük layihələr durur. Kənara çəkilsəm də, düşünməyin ki, heç bir işlə məşğul olmuram. Orucluqdan əvvəl həm yeni albomumu, həm  də iki yeni mahnı  təqdim etdim. Sırada çox gözəl mahnılar var. Onlar üçün isə yayın bitməsini gözləyirəm. İndi əksəriyyət istirahətdədir. Mən də mahnılarımı hər kəsin eşitməyini istəyirəm. Ona görə də, hamının iş başında, evində olduğu radio dinləyib, televizora baxdığı ərəfədə mahnılarımı təqdim edəcəyəm. Bəlkə də bunu avqust ayında etdim.

 

- Hazırda istirahət edirəm, amma Bakıda... Hərdən rayonlara da gedirəm. Azərbaycandan  kənara isə hələlik çıxmamışam. Düşünürəm ki, Soçidə, ya da Batumidə istirahət edim.

 

- Ailəmlə. Artıq bunu qərarlaşdırmışam.

 

- Aksessuarları çox sevirəm.  Əsas da əhval ruhiyyəmdən asılıdır. Məsələn, bu qolbaqlardan öncə saat taxmışdım. Onları bu bəzək əşyaları ilə əvəzlədim (gülür). Halbuki həmin saat bu zinət əşyalarından dəfələrlə qiymətli idi. Amma əhvalım bunları taxmağımı istədi. Qolumdakılar qızıl deyil, aksessuardır. Zinət əşyalarının çoxunu isə mənə hədiyyə olaraq təqdim edirlər.