Avqustun 16 - da Azərbaycanın bənzərsiz söz xiridarı, Xalq şairi Bəxtiyar Vahabzadənin anadan olmasının 90 ili tamam olur. Bu münasibətlə Moderator.az avqustu Bəxtiyar ayı elan edib və onunla bağlı müəllif yazılarını, xatirə və fikirlərini yazan hər kəsə saytımızda yer ayrılacağı çağırışını etmişik.

Eks - spiker Rəsul Quliyevin də Bəxtiyar Vahabzadə haqqında maraqlı fikirləri var və onu oxuculara təqdim edirik:

"20 - ci əsr Azərbaycan şeir korifeylərinin ən görkəmli nümayəndələrindən biri Bəxtiyar Vahabzadədir. Səməd Vurğun lirikası və Hüseyn Cavid fəlsəfəsini özündə birləşdirmiş Bəxtiyar müəllimi həyacansız oxumaq mümkün deyil. Bəxtiyar müəllim 1960 - cı illərdə yaşamış biz institut tələbələri üçün azadlıq carçısı, sonralardan isə mənimlə yaxın ünsiyyətdə olan korifey şair idi. Bəxtiyar müəllimlə mən bizim hər ikimizin dostu olan bir şəxsin bağında tanış olmuşuq. Və bu tanışlıq mən Azərbaycanı tərk edənə qədər davam edib və dostluğa çevrilməsə də hər halda tanışlıqdan qat - qat yuxarı səviyyədə idi. Bəxtiyar müəllimlə Qorbaçov yenidənqurması başlandıqdan sonra, 1988 və 90 ”“cı illərin mitinqləri ilə bağlı, Azərbaycanda Moskva fövqəladə vəziyyət elan edəndə, 10 - larla müstəntiqlərini Azərbaycana göndərəndə insanlara qarşı repressiyalar vaxtı həmişə təmasda olmuşuq, repressiyaları azaltmaq üçün əlimizdən gələni etmişik. Bəxtiyar müəllimə fövqələdə bir şəxsiyyət kimi baxan mən onun bütün xahişlərini həvəslə yerinə yetirmişəm. O heç vaxt əvvəlcədən vaxt təyinini razılaşdırıb mənim kabinetimə gəlməyib. Həmişə köməkçi Bəxtiyar müəllim qəbul otağındadır deyəndə iclasımı saxlayıb onu qəbul etmişəm. Bəxtiyar müəllim əsasən ya başqaları üçün xahişə gəlib, ya da ölkədə baş verənlərdən narahatçılığını bildirmək üçün mənim fikirimi bilmək istəyib. Bəxtiyar müəllimin xahişi ilə kimlərisə (onun təqdim etdikləri çox ağıllı gənclər olublar, indi onlar haradadır bilmirəm) oxumağa göndərmişəm, kimlərisə müalicə olunmaq üçün xaricə göndərmək xahişləri edib və bunu məmuniyyətlə etmişəm. Bəxtiyar müəllim heç vaxt öz şeirlərini məclisdə deməyib, çünki Cabir Novruzdan fərqli olaraq o şeirlərini əzbərdən bilmirdi. Bəxtiyar müəllimin fəlsəfəsi unudulmaz və həmişə aktual olan fəlsəfədir. Diqqət yetirin;    

Kiçik bir şeirlə Azərbaycanın azı son 100 illik tarixinə verilmiş qiymətin miqyası yazılmış 100 - lərlə tarixi əsərləri əvəz edə bilər. Budur Bəxtiyar dühasının hüdudsuzluğu, möhtəşəmliyi.

 Və ya bu şeirə diqqət yetirin.

Məgər bu şeirin fəlsəfəsini izah etməyə dəyərmi? Puşkinin qığılcımdan alov törər misrarısını az qala ən möhtəşəm inqilaba çağırış adlandıran Sovet İttifaqının ideoloqları Bəxtiyar müəllim rus olsaydı və inqilabdan əvvəl yaşasaydı bu şeiri ümumiyyətlə ilahi şeir adlandırardı. Bu barədə Bəxtiyar müəllim özü yaxşı yazır. "Kiçik xalqın böyük oğlu olmaqdansa böyük xalqın kiçik oğlu olmaq yaxşıdır" deməklə talanta verilən qiymətin qeyri - obyektiv olduğunu bir daha qeyd edir. Başqa bir şeiri:

Bəxtiyar müəllim daxili aləmini tam açır, şairin həmişə özündən narazılığı ali keyfiyyəti təəssüf ki, çox az insanlarda olur:

  

Bəxtiyar müəllimin daha bir möhtəşəm və həmişə yaşayacaq şeiri ilə yazımı yekunlaşdırıram:

Bu, Bəxtiyar müəlimin azərbaycanlılar üçün arzuladığı mükəmməllik modelidir. Azərbaycanda belə bir mükəmməl cəmiyyətin yarandığı gündən Bəxtiyar müəllimin ikinci, amma bu dəfə rahat  həyatı başlayacaqdır. O vaxta qədər Bəxtiyar müəllimin alovlu çağırışları qulaqlarda cingildəyəcək. Bu proseslər nə vaxt başlayacaq Azərbaycanda ”¦ yaşayıb görərik, biz görməsək də gənc nəsillər görəcək, mən buna əminəm.