Bu gün ölkədə sadə vətəndaşların ümumi kredit portfeli bir milyard dollardan bir artıq olsa da, təkcə Azərbaycan Beynəlxalq Bankındakı problemi kreditin həcmi altı milyard dollardan atıq təşkil edir.

Moderator.az xəbər verir ki, belə bir təkliflə Milli Məclisin komitələrinin birgə iclasında 2016-cı ilin dövlət büdcə zərfi ilə bağlı aparılan müzakirələri zamanı deputat Zahid Oruc deyib.

Onun sözlərinə görə, adı çəkilən bankın  təsisçilərindən biri dövlət olduğundan buradakı vəsatilərin də böyük qismi dövlətə məxsus olub: “Bu bank heç bir qarantiya olmadan və kreditlərin  geri dönüşünə təmin edən mexanizm tətbiq etmədən çox böyük həcmdə kreditlər verib. Nəticədə  problemli kreditin həcmi altı milyard dollardan yuxarıdır.  Bu kreditlərin müəyyən qismi hüquq-mühafizə orqanlarının prosesə qoşulması nəticəsində geri qaytarılsa da, yenə də böyük hissəsi qaytarılmayıb.”

Millət vəkili onu da əlavə etdi ki, 40-50 min dollar həcmində kredit götürən şəxs ondan 3-4 dəfə baha girov qoyur və problem yarananda ona qarşı sərt qaydalar tətbiq olunur. “Ancaq çox böyük həcmdə milyonlarla dollar həcmində heç bir qarantiya olmadan və girov qoyulmadan kreditlər verilib. Ancaq onun geri dönüşü mxanizmi yaradılmayıb. Bax əsas məsələ bundadır”, -deyə millət vəkili qeyd edib.

O hesab edir ki, belə bir problemin yaranması iqtisadi cəhətdən cəmiyyətə ciddi zərbə vurur. “yəni bu kredit mühitini korlayır, maliyyə şəffaflığına zərbə vurur,  təşəbbüskarlığa mane olur və bir çoxlarını gözləmə mövqeyində durmağa vadar  edir.”

Məsələyə aydınlıq gətirən maliyyə naziri Samir Şərifov bildirdi ki, hadisə ilə bağlı məsuliyyət daşıyanla  barəsində ciddi tədbirlər görüləcək. “Bundan əlavə olaraq  bankın borc yükünün aqrokredit bankının üzərinə götürüb. Həmçinin özəlləşmə ilə bağlı tədbirlər planı hazırlanır”, - deyə nazir vurğuladı.