..26 il öncə bu günlərdə Azərbaycan öz taleyinin ən təlatümlü məqamlarını yaşayırdı. Xocalı kimi dəhşətli soyqırımından sonra ölkənin siyasi və hərbi meydanında xaotik proseslər gedirdi.  Ancaq “xaosdan düzənə” pinsipi ilə dünyanı idarə etməyə çalışanlar işğalçı Ermənistan, terrorçu erməni təşkilatlarının və daxildəki hakimiyyət aşiqlərinin əli ilə prosesləri özlərinə sərf edən məcraya yönəldirdilər.

Həmin günlər ölkənin siyasi  idarəçiliyi, demək olar ki, əsasən AXC və onun təsiri altında olan -1991-ci ilin payızında Ali Sovetdə yaradılmış Milli Şura, “demblok” vasitəsilə yönləndirilirdi.  Bu qurumun iclaslarında elə maraqlı, həlledici məqamlar, çıxışlar var ki, onlar bu günkü proseslərdə də öz təsir gücünü hələ də qoruyub saxlayır...

1991-1992-ci illərdə Milli Şuranın parlamentdəki əksər iclaslarında iştirak etmiş  deputat Maksim Musayevin “Milli Şura (10.1991- 05.1992) parlamenti” kitabındakı xronika əsasında 1992-ci il martın 3-dən  mayın 18-dək, yəni Laçının işğal olunduğu və AXC-nin hakimiyyətə tam yiyələndiyi  bir günədək Ali Sovetdə baş verənlərin ən maraqlı məqamlarını diqqətinizə çatdırırıq.

(Ali Sovetin Milli Şurasının 1992-ci il 30 aprel tarixli iclasının davamı. Xronikanın əvvəlki hissələri üçün bu linkə baxın:  //www.moderator.az/news/224270.html)

Mətləb Mütəllimov: "Şahin Musayevin günahının nədən ibarət olduğunu bilmədən səlahiyyətinin dondurulması qanuna ziddir…”

Deputat Soltan Məmmədov bildirdi ki, artıq Milli Şura vaxtın aparılmasına səbəb olur. “Vaxt isə hər şeydir. Suvorovun belə bir kəlamı var: "Pul qiymətlidir. Həyat ondan da qiymətlidir. Lakin vaxt bunların hər ikisindən qiymətlidir. Çox təəssüf ki, biz vaxtı qiymətləndirmirik. Bu vaxt bizim deyil, xalqın, respublikanın vaxtıdır, onu alırıq.  Çoxları iclasda fasiləsiz olaraq papiros çəkir. Bura tiryəkxana deyil, parlamentdir. İclasdır axı... Mən bir söz də demək istərdim, bir şeir var:

Milli Şura öz işini bitirib,

Xalq içində hörmətini itirib.

Buraxılmaq məqamını yetirib,

Buraxılsın bu sessiyada şuramız...”

“Xocalı hadisələrinin təhqiqi ilə bağlı istintaqı komissiyası yaratdıq və mən də həmin komissiyanın üzvüyəm”  - deyən Əli Ömərov bildirdi ki, komissiyabir sıra şəxslərin Xocalı faciəsində bilavasitə təqsirkar olduğu qənaətinə gəlib. “Biz belə qərara gəlmişik ki, vəzifəli şəxslərdən bəzilərinin, o cümlədən Azərbaycan Müdafiə nazirinin birinci müavini Şahin Musayevin səlahiyyəti dondurulsun. Bu komissiyanın gəldiyiən qəti, ən inandırıcı bir qərardır.

Şahin Musayevin təqsirinin gləcəkdə Cinayət Məcəlləsnin hansı maddəsi ilə tövsif edilməsindənasılı olmayaraq onun vəzifəsi qəti surətdə dondurulmalıdır. Bununla əlaqədar biz bu gün Şahin Musayevi komissiyaya dəvət elədik. O, telefonda bildirdi ki,  mən Ali Sovetə də, sizin istintaq komissiyasına  da tüpürdüm. Bu sözlər maqnitofona yazılırdı. Bunu onun nəzərinə də çatdırdıq. O isə bir daha dedi ki, mən  yenə də təkrar edirəm:”İstintaq komissiyasına da, sizin yazdığınız maqnitofon lentinə də tüpürdüm!.. Mən gələn deyiləm!..” Belə olan təqdirdə biz dedik ki, əgər gəlməsəniz, biz sizin vəzifədən  kənarlaşdırılmanız barədə vəsatət qaldırarıq. Şahin Musayev cavab verdi ki, heç kim məni vəzifədən kənarlaşdıra bilməz...”

Deputat Vahid Əhmədov da məsələyə münasibət bildirdi:

”Komissiyanın verdiyi rəyə əsasən tələb edirəm ki, Şahin Musayev müvəqqəti olaraq tutduğu vəzifədən kənarlaşdırılsın. Ümumiyyətlə, onun haqqında çoxlu söz-söhbət gəzir. Gizlətmək də lazım deyil, xalq bunları bilməlidir. Ona görə də komissiyanın verdiyi rəylə razılaşaq və qərara gələk ki, Şahin Musayev müvəqqəti olaraq  həmin vəzifədən azad edilsin. 

Digər çıxış edən Musa Məmmədov dedi ki, Şahin Musayevin komissiyaya qarşı hörmətsizliyi Milli Şura tərəfindən qiymətləndirilməlidir. 

Mətləb Mütəllimov isə göstərdi ki, Şahin Musayev vəzifəsindən asılı olmayaraq vətəndaşdır, özü də generaldır. Hər bir şəxsin həyatı, taleyi var, ona bir az diqqətlə yanaşmaq lazımdır. Milli Şuranın həmin günahın nədən ibarət olduğunu bilmədən onun səlahiyyətini dayandırmaq qanuna ziddir...”

30 aprel 1992- tarixli iclasın sonunda deputat Ədalət Rəhimov SSRİ Müdafiə Nazirliyi Qəbələ radiolokasiya stansiyası  haqda Milli Şuranın qərar layihəsini oxudu.

Yetərsay olmadığından  bu layihə də öz həllini tapa bilmədi. Nəticədə deputatlar heç bir qərar qəbul etmədən iclas zalını tərk etdilər...”

(MaksimMusayev, “MilliŞuraparlamenti”, Bakı, 2001. səh. 143-146)

(Davamıvar)

Təqdimetdi: Sultan Laçın