Moderator.az cazibədar müğənni Afaq Aslanla müsahibəni təqdim edir. 

- Ümumiyyətlə, mənim yaradıcılığım iki şaxəlidir. Həm model, həm də müğənni olaraq fəaliyyət göstərirəm. 2017-ci ildə Azərbaycanı Ukraynada "Kainat gözəli" müsabiqəsində təmsil edib birinci yerə layiq görülmüşəm. İndi də noyabr ayında Avropaya getməyə hazırlaşıram və İtaliyada "Miss Avropa-2019" gözəllik müsabiqəsinin Azərbaycan təmsilçisiyəm. Yəni ki, bu mənim model olaraq fəaliyyətimdi. Müğənni olaraq isə 2010-cu ildən müxtəlif bəstəkarların mahnılarını ifa edirəm. Yəni hər iki ad mənim üçün xoşdu. 

- O mənim sadəcə səhnə obrazımdı. Hamı bilir ki, həyatda elə geyinmirəm. Yəni hərənin bir obrazı var. Mən verilişdə də, məclisdə də fərqli adam oluram. 

- Necə ki, müğənninin səsini göstərməsi ifaçılıq gücünün bir hissəsidir, modelliyin də belə bir sahəsi var ki, mən bədənimin qüsursuzluğunu nümayiş etdirirəm. Əgər mənim istədiyim geyimi geyinməyə cəsarətim varsa, heç bir qüsurum yoxdursa, niyə də geyinməyim. 

- Demək olar ki, geyimlərimin 99 faizinin dizaynını özüm verirəm. Bunu öz üzərimdə ancaq geyimlərimdə tətbiq edirəm. 

- Mənə ən çox təhqir və tənqid yazanların çoxu həmcinslərimdi. Eləsi var özü, eləsi də var ərləri şəkillərimə baxıb qıcıqlanır. (Gülür) Mən isə onlara cavab vermirəm. 

- Mən tez-tez xarici səfərlərə gedirəm. Demək olar ki, ilin 365 günün 300 gününü xaricdə oluram. Çox gəzən adamam və ona görə dil biliyi mənim üçün çox vacibdir. Yəni mən türk, rus və ingilis dillərində sərbəst danışa bilirəm. İstənilən bir ölkədə əcnəbilərin içində özümü təqdim edə bilirəm. 

- Evlilik tam başqa şeydi. Üzdə olan insanların çoxu elə ailə qurur ki, sadəcə ad olsun ki, guya ərə gediblər. Mənim isə belə şeylərə ehtiyacım yoxdu. Bu dəqiqə ərə getmək istəsəm, gedərəm. Amma bu hazırda qarşıma qoyduğum məqsədim deyil. Haçansa da ərə getmək istəsəm, elə bir adama ərə gedəcəm ki, Azərbaycan yerindən oynayacaq və deyəcəkləri ki, bu qız soyundu da, istədiyi sözü dedi də, cəsarətini göstərib bir adamın arvadı da oldu. Sıradan bir insanla ailə quracaq birisi deyiləm. Yəni özümə o dərəcədə güvənən bir insanam.

- Yəqin məni yaraşdırırlar da. (Gülür) 

- Mənə hərdən rəfiqələrim deyir ki, sən tapançasan, söz gəldi yerində deyirsən. Məndə ikiüzlülük yoxdu. Bəlkə də nə bilim cəsarətimdən dolayı məni kriminal aləmdəki insanlara yaraşdırırlar. (Gülür)

- Vallah bilirsiniz necədi, mən verilişə gedəndə dedilər ki, Afaq xanım, bir pərəstişkarınız var sizi görmək istəyir. Başqa mənə deyən olmadı ki, sizə evlilik təklifi olacaq. Mən də dedim ki, görmək istəyir gəlsin görsün. Yəni orda baş verənlər qurama olsa belə mənim bundan xəbərim yox idi. O artıq telekanalın və aparıcının işidi. 

- Heç bir dostluq münasibətlərimiz yoxdu. Onunla cəmisi iki dəfə verilişdə rastlaşmışıq. Təzə vaxtı biz Əli Mirəliyevlə itlə-pişik kimi didişirdik, yola getmirdik. Çıxıb tənqidi fikirlər səsləndirirdi və deyirdi ki, Aygündən sonra Afaq soyunmağın təməlini qoydu. Sonra nədənsə kişinin fikri dəyişdi və başladı məni tərifləməyə. Yəqin ki, artıq məni sevməyə başlayıb. Onun içində mənə qarşı məhəbbət yaranıb. (Gülür) 

- Filmlərə dəvət alıram, amma ki, qonarar məni qane eləmir, bir də ki, ölkədə çox olmuram. Azərbaycanda filmə görə verilən qonarar məni heç qane etmir. Əgər xaricdə film çəkilişinə yüksək məbləğdə qonarar təklif etsələr, qəbul edirəm. 

- Yox. Yüksək pul müqabilində çəkilməyə razılıq verərəm, aşağı məbləğə görə vaxtımı niyə itirim ki. 

- Bunu da yazıblar? (Gülür). Bizim saytlar reytinqə görə ağızlarına gələni yazırlar. Bəli. Toy qiymətim 2000 manatdır və bunu da verirlər. Mən sırf toya işləyən müğənni deyiləm, yəni elə qiymət qoymuşuq ki, istəyən çağırsın, istəməyən də özü bilər. Ehtiyac yoxdu hər gün toya gedim.

- Elə jestlərimiz çox olub. 

- Belə şeylər çox olur, amma o məmurların adını çəkməyim. (Gülür)

- Qismətdi də, bir də gördünüz ki, saqqızımı oğurlayan biri tapıldı. (Gülür)

- Bir çox müğənnilərdən fərqli olaraq savadlıyam və mən şou-biznesdə olan müğənnilərlə buna görə dostluq edə bilmirəm. Baxıram ki, bizim müğənnilər arasında savadsızlıq baş alıb gedir. Hətta 90 faiz müğənnilərimizin əlinə qələm versən, adını yaza bilməz. Hansı ki, efirə çıxıb deyir ki, Dubay Avropada, Avropanın paytaxtı Amerikadı. Bu isə savadsızlıq yox, savadsızlığın dibidi. (Gülür)

- Əsasən dedektiv əsərlərə üstünlük verirəm. Desəm ki, bütün günü sevgi romanları oxuyub, əzilən-büzülən qadınları görürəm yalan olar. Mən özümü o obrazda yox, daha cəsarətli qadın obrazında görürəm. Məsələn, Çingiz Abdullayev çox sevdiyim yazardı, onu çox istəyirəm. 

- Bir var əsəri əsər olaraq oxuyub tamaşaçıya çatdırırsan, bir də var oxuduğun musiqi kommersiya xarakteri daşıyır və sən ona pul qazanmaq strategiyasından baxırsan. Hərdən saytlarda görürəm ki, Sami Yusiflə Afəti müzakirə edirlər. Amma bu düzgün bir şey deyil. Sami Yusif bunu əsər olaraq ölkələrdə ifa edib, Nəsimini təmsil edə bilər, amma toylarda oxuyub pul qazana bilməz. Afət isə elə oxuyub ki, sırf onunla pul qazansın. 

- İndi desəm ki, kitab oxuyuram, yalan olar. İnternet əsri olduğu üçün çox şeyi ordan oxuyuram. Mənə lazım olan bir məlumatı internetdən tapıram. 

- Elə bir şey olmayıb, amma nə vaxtsa istəyərəm Nüsrət Kəsəmənlinin sözlərinə mahnı oxuyum. Çünki onun şeirləri mənim üçün bir az fərqli gəlir.