(Əvvəli bu linkdə://www.moderator.az/news/296068.html)

 

“...Təəccüblənəcəksiniz, ancaq dünyanın aparıcı emitenti, yəni  qiymətli kağızların emissiyasını qanunvericiliklə müəyyən edilmiş qaydada həyata keçirən qurum olan ABŞ Federal Ehtiyat Sistemi Britaniya tacının nəzarəti altındadır. Bütün müasir böyük korporasiyaların əsasında  İngilis “West-Hind”(“Şərqi Hindistan”) şirkəti dayanır. Onun dövründən bəri ingilislər dünyadakı bütün iqtisadi və bank sektorunu, kraliçanın agentləri isə bütün maliyyə sektorunu nəzarətdə saxlamağa başlayıblar... 

Rotşildlər, İngiltərə Bankı və London bank evləri arasında xətti əlaqələr mövcuddur ki, bu da nəticədə Federal Ehtiyat Sistemi(FES) səhmdarlarını Nyu-Yorkdakı və “TheCityof LondonUK”-dakı filialları ilə birləşdirir. Nyu-Yorkda Rotşildlərin iki əsas nümayəndəsi “JP Morgan Co.” və “Kuhn, Loeb & Co”-dur. Bu evlər Jekil adasında konfrans təşkil etdi. Orada ABŞ-ın Federal Ehtiyat Sistemi haqda qanun səsləndi. Və sonradan isə  eyni evlər həmin qanunun Konqresdə qəbulu üçün uğurlu  lobbi  kampaniyası apardı. Onlar  həm də 1914-cü ildə Nyu-York Federal Ehtiyat Bankında nəzarət paketlərini əldə etdilər. Bu firmalar 1914-cü ildə Federal Ehtiyat Sisteminin İdarə Heyətinə və Federal Məsləhət Şurasına yüksək vəzifələrə təyin edildi. Elə həmin il mövcud banklarda nəzarət paylarına sahib olan bir neçə ailə bu bankları federal ehtiyat regional banklarındakı nəzarət paketlərini əldə etməyə məcbur etdi. 

1976-cı ilin avqust ayında FES-in idarə heyətinin hesabatı ABŞ Nümayəndələr Palatası tərəfindən nəzərdən keçirildi. Bu, eyni ailələrin nümayəndələrinin regional federal ehtiyat banklarının səhmdarları siyahısında olduğunu göstərdi… 

ABŞ hərbi sənaye kompleksi də İngiltərə tacının tam nəzarəti altındadır. Bunu görmək üçün Pentaqonun əsas hərbi podratçılarının siyahısını və onların Vindzor evi ilə əlaqələrini nəzərdən keçirmək kifayətdir. ABŞ-ın əsas hərbi podratçıları bunlardır:

“Vanguard Group”, “State Street Corp”, “Capital Research Global Investors”, “Templeton Investment Counsel LLC”, “Barclays Bank Plc”, “BlackRock Investment Management” Ltd. (Böyük Britaniya), “Schroder Investment Management”, “Capital World Investors”, “Bank of America Corporation”, “JPMorgan Chase & Co.”, “Bank New York Mellon Corp”, “Black Rock Advisors”, “Black Rock Fund Advisors”-un məsləhətçiləri, “Old Republic International”, “Wellington Management Company”, “BlackRock Institutional Trust Company”, NA, “Evercore Trust Company”, NA, FMR, LLC, Invesco Ltd., “Franklin Resources”, “Goldman Sachs Group Inc.”, “T. Rowe Price Group”. 

Bu şirkətlərin sahibləri tanınmış bank evləridir - Rotşildlər, Rokfellerlər, Morgan, Barburqlar və digər maliyyə generalları. Bu korporasiyaların hər biri digər korporasiyalarda böyük paylara malikdir. Onların əmlak və maliyyə maraqları bir üzüm salxımı  kimi bir-birinə qarışmışdır. Daha yaxından baxsanız, bu korporasiyaların hər birinin beynəlxalq biznes apardığını və beynəlxalq hərbi müəssisələrə sərmayə qoyduğunu görərsiniz. Beləliklə, bunlar bütün milli dövlətlərə qarşı işləyirlər, transmilli iqtisadi müharibə aparırlar. Və Hitleri də, İngiltərəni də maliyyələşdirən ingilis Henri Şreder kimi hər hansı bir qarşıdurmanın, münaqişənin hər bir tərəfindən pul qazanırlar(Təbii ki, qondarma Qarabağ münaqişəsi də daxil olmaqla-S.L.). Bu tip bank siyasəti İngiltərənin bütün tarixində mövcud olmuşdur…

Beləliklə, əksər konspiroloji nəzəriyyələrə zidd olaraq federal ehtiyat regional bankları həqiqi obyektlər deyil. Həqiqi sahiblər yuxarıda sadalanan korporasiyalardakı bütün münaqişələrdən - fiziki müharibələrdən, kiber-hücumlardan, iqtisadi və siyasi terrorizmdən bəhrələnən investorlardır…”

İngiltərə Bankı “The Worshipful Company of Mercers” şirkəti vasitəsi ilə bütün qlobal iqtisadiyyata nəzarət edir. ABŞ iqtisadiyyatına nəzarət 1868-ci ildən bəri mövcuddur. “TheCityofLondonUK” Amerika İqtisadiyyatını Xarici Əlaqələr Şurası (“CFR”) tərəfindən idarə olunan Beynəlxalq İşlər üzrə Kral İnstitutu vasitəsilə idarə edir. “CFR” isə yarandığı gündən bəri ABŞ-ın xarici siyasətini qurur…

(Davamı var)

Sultan Laçın