Moderator.az-ın “Danışacaqlarım var” rubrikasının növbəti qonağı “Faytonçu Nazim”dir. 

- Şükür Allaha yaxşıdır, elə indi həkimdən gəlirəm. 

- Müalicələr bitib artıq, müayinəyə gedib yoxlatdırıram özümü ara-sıra. Diqqətdən kənarda qoymuram. 

- Yeni popuri işıq üzü görəcək. Bu popuriyə istəyirəm Aqil M.Quliyev tərəfindən bir musiqili roliki çəkdirəm. Süjet xəttsiz. Həmişə kliplərim filmə bənzəyib. Amma bu fərqli bir şey olacaq. Ötən il solo konsertimin rejissoru da Aqil olub. Bizim dostluq münasibətlərimiz var. Hər şey bir kənara, o artıq məni hiss edir, mən onu hiss edirəm. Bir-birimizə istədiyimizi alıb-verə bilirik. Ona görə də Aqil ilə işləmək mənə rahatdır.  

- O, məndən heç pul ummur, yalnız avadanlıqların, post-prodakşının pulunu ödəyirəm. Kamera-filan, kran... Öz aramızda isə olan məbləğ simvolik xarakter daşıyıq. Hədiyyə də ola bilər. Biz qiymət üzərində danışmırıq heç vaxt. Çünki bizi bir-birimizə illərin dostluğu bağlayır. 

- Sizə bir söz deyim, şad gündə də, qəmli-qüssəli gündə də insanın daima gözü qapıda olur. Toy olanda da deyirsən ki, görəsən harda qaldı bu qonaqlar, hüzür düşəndə də... Mən də çox insanları ələkdən keçirtdim. Bu olay ki başıma gəldi, artıq həyata başqa prizmadan baxmağa başladım. Mən heç kimi qınamıram kim ki, mənimlə maraqlanmadı, zəng vurmadı, quruca SMS-i belə yazmadı... Sən demə, mən onu özümə dost saymışam, amma əmin olmamışam ki, o məni özünə dost sayır, ya yox?

- Əlbəttə. Silmişəm, uzaqlaşdırmışam onları həyatımdan. 

- Məni hamı dəstəklədi. Elə sənətkarlar mənimlə maraqlandılar, heç düşünməzdim ki, onlara lazım imişəm: Faiq Sücəddinov, Akif İslamzadə, Flora Kərimova, Ədalət Şükürov, Vasif Məhərrəmli, İlqar Muradov, Mətanət, Nüşabə, Almaz Ələsgərli, Röya, Elnarə... Hamı! Fikirləşdim ki, zərrə qədər də olsa iz buraxmışam ki, onlar mənimlə maraqlanıblar. 

- Baxın, dünən Fədayə Laçın mənə zəng vurdu ki, Nazim, sənətə qayıtmağımı, azad həyata çıxmağımı qeyd edəcəm və çox istərdim ki, məclisimdə səni də görüm. Dedim, həmişə evində, eşiyində, sadəcə məni üzürlü say, sənin yanına gələ bilmədim, ona görə də indi üzüm yoxdur ki, gəlim məclisinə. Həmin ərəfələrdə mən həyatda qalmağımla mübarizə aparırdım. Canımla əlləşirdim. Həkimlər, Türkiyə, İsrail... yaşamaq uğrunda mübarizə aparırdım deyə, nə sənə baş çəkə bildim, nə də dəyə bildim. Dedi, bilirəm, içəridə olsam da, xəbər tuturdum. İnciyirəm o kəslərdən ki, nə dünən, nə bu gün yanımda olmayıblar. Deməli, mənim onlarla sabahım da yoxdur. İndi mənim də hansı adam üçün ki bir SMS-ə də dəymədim, mənim onlarla sabahım da ola bilməz. Onlar qaldılar keçmişdə mənim üçün. Xəyyam Mirzəzadənin bir mahnısı var: “Ötən günə gün çatarmı, calasan da günü günə”. O günlər qurtardı getdi, vəssalam. 

- Əlbəttə! Sadəcə, ad çəkmək istəmirəm. İnsan uman yerdən küsər. Zamanında biz çox yaxın adam olmuşduq. Düşünmüşük ki, sənin ayağına bir daş dəysə, sinəmi verərəm qabağa, amma nə dərisi gəldi, nə gerisi. Bax belə...

- Mənim ölüm xəbərimi Vüqar sosial şəbəkədə yaymışdı ilk olaraq. 

- Bəli, “Yeni Ulduz” Vüqar. Hündürboy oğlan.

- Bəli, araşdırdıq. Dedi, mənə dağıstanlı bir adam yazıb. O adamı da tapdıq. O da bir başqasının üstünə atdı, amma bax, o üçüncü adamı tapa bilmədik. Bunlar bilmədilər ki, nə qədər insanın əsəbləri ilə oynayıblar. Mənbəni tapa bilmədik.

- Vüqar paylaşdı. Müğənni adamdır, izləyiciləri çoxdur. Hamı da ona baxıb paylaşdı və başladılar rəhmət diləməyə. 

- İlk öncə onu deyim ki, bizim heç nədən xəbərimiz yox idi. Mən həmişə yatanda mobil telefonumu söndürürdüm. Ailə üzvlərim gəlib dedilər ki, qalx, TV-lərdən, saytlardan jurnalistlər gəliblər. Dedim, açmayın qapını heç kimə, mənim halım yoxdur bu dəqiqə. Sonra qızım zəng vurub ağlaya-ağlaya ki, papaya nə olub? Aləm dəydi bir-birinə.  Özümü də gülmək tutmuşdu ki, kimin buna marağı var idi axı? Amma sizə deyim ki, insanların özümə qarşı məhəbbətini gördüm. Mən sevilirmişəmmiş! Xalqıma çox minnətdaram! O olayda Allaha and olsun, mənim youtube kanalımdakı baxışların sayı birə min artdı. Mən mediaya da, telekanallarımıza da təşəkkür edirəm. Mən gündəmdə qaldım. Diqqətdə saxladılar məni və o həkim də cəzasını aldı. Əgər mən gündəmdə olmasaydım, bunu heç kim bilməyəcəkdi və o həkim də cəzasız qalacaqdı. Beləcə, mən sosial şəbəkələrdəki səhifələrimə video yerləşdirdim və bəyan elədim ki, mən sağ və salamatam, heç kim qoy narahat olmasın. 

- Hazırlayıram. Orda Münəvvər xanım var, Qadınlar Cəmiyyətinin sədri, tədbir hazırlayıb. Kamran Həsənli ilə bərabər həmin tədbirə gedəcəyik, İnşallah.