HÖRMƏTLİ  CƏNAB  PREZİDENT!                                                                                        

Qızım, Füzuli rayonundan məcburi köçkün Əliyeva Leyla Gövhər İldırımzadə ilə ali təhsil aldıqları illərdə tanış olmuş və səmimi münasibətləri yaranmışdır. Qızımla Gövhər arasında pul münasibətləri olmuş, bir birlərinə çətin məqamlarda kömək etmişlər. Sonralar Gövhər və anası Sevda İldırımzadələr polisə müraciət edərək onların banka olan kredit borcunun faizlərinin silinməsi məqsədilə qızıma pul verdiklərini bildirmişlər. Lakin qızım bank işçisi deyildi və onun borc məbləği ilə bağlı güzəştə getmək səlahiyyəti olmamışdır. Maraqlıdır, görəsən daha geniş əlaqələrə malik olan bir ailənin üzvləri bankda olan problemlərinin həllini niyə müəllimə bir qıza həvalə etmişlər? Həmin dövrdə ona psixi təsir göstərilmiş, təyziqlər edilmiş, ondan “etirafedici” ifadələr alınmaqla universitetlərin birində müəllimə işləmiş, doktranturada təhsil alan qızım həbs olunmuşdur. Biz istintaqın ədalətli aparılmasının, dəymiş ziyanın ödənilməsinin və qanunla cəzalandırılmasının tərəfdarıyıq. Bu müddət ərzində ziyanin müəyyən qismi ödənilmişdir. O dəfələrlə müraciət edərək ev dustaqlığına verilməsini və bu zaman ona məxsus əmlaklarını sataraq və yaxınlarının köməkliyi ilə ziyanın ödənilməsinə şərait yaradılmasını xahiş etmişdir. Altı ay ərzində buna nail ola bilmədik. Qızımın istintaq dövru həbsə alınması qərəzlidir və sifarişlə həyata keçirilib. Qızım aldığı həmin vəsaitdən rifahı ücün istifadə etməmişdir, düşdüyü çətin vəziyyətdən çıxmağa çalışmışdır. Lakin bu araşdırılmadı. Qızım cinayət edib, cəzasın alsın. Bəs niyə bir dəfə Sevda xanımdan soruşmadılar ki. Siz niyə qanunsuz iş ücün pul vermisiniz? Bilmirdiniz ki, bu qızı qanunsuz iş görməyə təhrik edirsiniz? Görünür, qızıma qarşı qərəzli münasibət var. Və buna görə də onun ev dustaqlığına verilməsinə mane olanlar var. Qeyd edim ki, şikayətçi Gövhər İldırımzadə polkovnik Rasim İldırımzadənin qızı, digər şikayətçi - Sevda İldırımzadə isə Rasim İldırımzadənin həyat yoldaşıdır. Rasim İldırımzadənin bir qardaşı Yusif  İldırımzadə Xətai rayonunun prokurorudur. Dəfələrlə o ailə ilə əlaqə yaradaraq borcun ödənilməsi ücün bizə və qızıma zaman verilməsini, bunun ücün qızımın ev dustaqlığına buraxılmasına razılıq vermələrini xahiş etmişik. Lakin razılıq ala bilməmişik. Sonuncu dəfə Sevda xanım bildirdi ki, bu iş artıq onluq deyil və bu işlə qaynım Yusif  İldırımzadə  məşğul olur. Belə çıxır ki, İldırımzadələr hec bir danışığa getmirlər və bir gənc qızı bədbəxt etməyə qərar veriblər. Onsuz da o həyatda hər şeydən məhrum oldu. Bu söhbət çıxan kimi qızımın həyat yoldaşı qızımdan boşanmaq haqqında məhkəməyə ərizə verdi və onlar boşandılar.                                                                                                                                                                                

Bir daha bildirirəm ki, biz qismən ödəniş etdikdən sonra qizim dəfələrlə müraciət edərək onun ev dustaqlığına verilməsini və bu zaman ərzində ona məxsus əmlaklarını sataraq və yaxınlarının köməkliyi ilə ziyanın ödənilməsinə şərait yaradılmasını xahiş etmişdir. Lakin hər dəfə hansı səbəbdənsə buna nail ola bilməmişik. Guman ki, İldırımzadələrin bu işdə təsiri olub. Hətta Nərimanov rayon prokurorluğu da qızımın ev dustaqlığına verilməsinə razılıq versə də, Nərimanov rayon  məhkəməsi  buna razılıq verməmişdir.          

Xahiş edirəm müdaxilə edərək, istintaqın bu qaydada yekunlaşaraq məhkəməyə getməsinə imkan verməyəsiniz və bu işin tam ədalətli aparılmasına, İldırımzadələrin istintaqın gedişinə və məhkəməyə təsirinə son qoyulmasına köməklik edəsiniz.