Koronavirusun bütün dünyanı cənginə alıb, ölkələrin iqtisadiyyatını diz çökdürdüyü, insanlar arasında qorxu, bu qorxudan da irəli gələn ağlasığmaz hərəkətlər yaratdığı günləri yaşayırıq.

Tək təsəllimiz dövlətimizin verdiyi güvən, görülən bütün tədbirlərin ölkə əhalisinin bu müddəti ən az itki ilə adlada bilməsinə etdiyimiz ümidlərdir. Qonşu ölkələrlə müqayisədə Azərbaycanda pandemiyanın statistikası o qədər də qorxunc deyil.

Bizimyol.info-nun müsahibi deputat Əli Məsimli ilə də məhz koronavirusun özü ilə gətirdiyi problemlər, ölkəmizin ona hazırlıq səviyyəsi, dövlət başçısının virusla mübarizə məqsədi ilə verdiyi sərəncamlar barədə danışırıq.

-Məlum olduğu kimi, artıq epidemiya halından çıxaraq pandemiya miqyasına yüksəlmiş “COVID-19” virusunun təsir dairəsinin genişlənməsi bütün dünyada insanların həyat və sağlamlıqlarına təhlükəyə çevrilməklə yanaşı, bu xəstəliyin doğurduğu fəsadlar həm iqtisadi sahədə, həm də onun mənfi psixoloji təyziqləri insanların gündəlik yaşam tərzində özünü göstərməkdədir. Koronovirus adət etdiyimiz həyatımızı, sosial təmaslarımzı, təsəvvürlərimizi də ciddi surətdə dəyişdirməyə başlayıb. Bu xəstəliyin qarşısını etibarlı şəkidə almaqdan ötrü vaksinin olmaması və ona görə də epidemiyanın sürətlə yayılması, onun pandemiyaya çevrilməsi xofu şəraitində hamını bir vacib susl düşündürür: “bu işin sonu necə olacaq?” Təbii ki, bütün epidmiyalar kimi “COVID-19” virusunun da sonu gələcək. Amma o vaxta qədər beynəlxalq praktikada özünü doğrulmağa başlamış ciddi tədbirlər görülmliidr ki,bu bəladan az itki ilə çıxa bilək.

-Son vaxtlar Azərbaycanda həyata keçirilən tədbirlər məhz bu məqsədə xidmət edir.Nazirlər Kabinetinin “COVID-19” virusunun yayılması ilə bağlı Prezident İlham Əliyevin tapşırığı əsasında 28 yanvar 2020-ci il tarixdə keçirdiyi qabaqlayıcı tədbirlərin görülməsinə dair ilk müşavirəsindən bu günə qədərki dövr ərzindəki fəaliyyəti, xüsusən də Nazirlər Kabineti yanında Operativ Qərərgahın qərar və göstərişləri ciddi, məqsədyönlü və ardıcıldır ki, bu da xeyli ölkələrlə müqayisədə olkəmizdə virusun yayılma miqyasında və əhalisinin bu virusa yoluxma hallarının sayında özünü göstərir.

- Koronavirusun yayılmasını önləməyə çalışan dövlətlərində, o cümlədən də ölkəmizdə son vaxtlar həyata keçirilən çoxsaylı məhdudlaşdırıcı tədbirlər təbii surətdə iqtisadi fəallığın azalmasına öz təsirini göstərir. Həmin təsirlərin ölkə vətəndaşlarına və bütövlükdə iqtisadiyatımıza təyziq imkanlarını minimuma endirmək istiqamətində bir sıra addımların atılması zərurəti meydana çıxmışdır. Öna görə də ölkəmizdə vətəndaşların sağlamlığının qorunması, infeksiyanın yayılmasının qarşısının alınması və təsirlərinin minimuma endirilməsi istiqamətində müvafiq tədbirlər həyata keçirilir: Həmin tədbirlər arasında ikisini xüsusi qeyd etmək istərdik: Birincisi, Azərbaycan Respublikasının Prezident İlham Əliyevin koronavirus pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların ölkə iqtisadiyyatına, makroiqtisadi sabitliyə, məşğulluq və sahibkarlıq subyektlərinə mənfi təsirinin azaldılması ilə bağlı xüsusi Sərəncamı ilə 1 milyard manat həcmində vəsait ayrılıb. Eyni zamanda Prezidentinin tapşırığına uyğun olaraq, hazırda tətbiq edilən məhdudlaşdırıcı tədbirlər nəticəsində əhalinin və sahibkarların qarşılaşa biləcəyi itkilərin minimuma endirilməsi üçün hökumət tərəfindən müvafiq təkliflər paketi hazırlanır.Bu sahədə həyat keçirilən tədbirlər içərisində koronavirus təhlükəsi ilə bağlı tətbiq olunan məhduduyyyətlər zamanı çox imkansız vəziyyətə düşmüş insanlara xüsusi köməyin göstərilməsi istiqamətində atlması nəzərdə tutulan addımlArın sürətləndirilməsini, bu yöndə nəticəsi tez görünən operativ addımların atlmasını vacib hesab edirik. İkincisi,"Azərbaycan Prezidentinin 19 mart 2020-ci il tarixli "Azərbaycan Respublikasında əhalinin sağlamlığının qorunması və koronavirus infeksiyasına qarşı mübarizənin gücləndirilməsi ilə bağlı tədbirlər haqqında" Fərmanına əsasən, Koronavirusla Mübarizəyə Dəstək Fondu yaradılıb. Prezidentin 19 mart 2020-ci il tarixli Sərəncamı ilə Azərbaycan Prezidentinin ehtiyat fondundan Koronavirusla Mübarizəyə Dəstək Fonduna ilkin olaraq 20 milyon manat ayrılıb. Bu fondun vəsaitlərinin formalaşması mənbələri sırasında dövlət büdcəsi ilə yanaşı, fiziki və hüquqi şəxslərin könüllü ödəmələri də yer almağa başlayıb. Azərbaycanın Prezidenti İlham Əliyev bir illik əməkhaqqı məbləğini Koronavirusla Mübarizəyə Dəstək Fonduna ianə edib. Cənab prezidentin bu nümunəvi addımını Koronavirusla Mübarizəyə Dəstək Fonduna ianə ayrılası işinə xüsusi vüsət verib. Koronavirus infeksiyasının Azərbaycanda yayılmasının qarşısını almaq və onunla mübarizə istiqamətində həyata keçirilən tədbirlərə maliyyə dəstəyini təmin etmək məqsədi ilə yaradılan Koronavirusla Mübarizəyə Dəstək Fonduna fiziki və hüquqi şəxslər könüllü ödəmələr həyata keçirməsi işini xeyli intensivləşdiriblər. Milli Məclisin üzvü olduğum İqtisadi siyasət,sənaye və sahibkarlıq komitəsinin üzvləri və digər deputatlar da də öz maaşlarının bir hisəsini həmin fonda keçiriblər. Fikrimizcə, burda əsas məsələ kimin həmin fonda nə qədər vəsait köçürməsindən daha çox koronavirusla mübarizədə qüvvələrimizi nə dərəcədə səfərbər edə bilməyimizdə,xalqımzın belə çətin bir məqamda nə dərəcədə birlik nümüyiş etdirə bilməsindədir. Ona görə də az və ya çox olmasından asılı olmayaraq, imkan olan hər kəs bu fonda dəstək verməsini zəruri hesab edir, bütün imkanlı şəxslərini, biznes strukturlarını,bu işə töhfə vermək imkanında olan hər kəsi koronavirusla mübarizədə fəal olmağa, Koronavirusla Mübarizəyə Dəstək Fonduna kömək etməklə ona qarşı mübarizə istiqamətində həyata keçirilən tədbirlərə, o cümlədən xüsusi rejimli tibb müəssisələrinin formalaşdırılmasına, tibb sahəsində çalışan işçilərin mükafatlandırılmasına və onlara maddi yardım göstərilməsinə, tibb müəssisələrinin infrastrukturunun təkmilləşdirilməsinə və maddi-texniki bazasının gücləndirilməsinə yardımçı olmağa çağırırıq. Bir olaq, koronavirusla mübarizədə yüksək səfərbərlik nümayiş etdirək, dövlətimiz və xalqımızın koronavirus sınağından da az itki və üzüağ çıxmasına dəstək olaq! İnanrıq ki, xalqımız çətin vəziyyətdə birlikdə olmaq qabiliyyətini ortaya qoyub, vətəndaş məsuliyyəti nümayiş etdirib, güclü həmrəyliyimiz nəticəsində koronavirisun ortaya çıxardığı çox ciddi çağırış,təhlükə və problemlərin öhdəsindən gələ biləcəyik.