“Koronavirus” bəşəriyyəti ümumdünya elektron quldarlığına sürükləyir?..

"Ya İsrail "Avroviziya"dan, ya da "Avroviziya" Malmödən xaric ediləcək..."

Ermənilərin tarixi yalanının poetik ifşası: “Soykırım yalanı!”

"Daha bir yanlışlıq edərsə, İsraildən əsər-əlamət qalmayacaq" - İran prezidenti

Kadırov bədəni və ruhunun gözəl olduğunu nümayiş etdirib

“Həyəti sel aparıb pis günə qoymuşdu” - Mikayıl Müşfiqin Xızıdakı xatirə muzeyində yenidənqurma işləri gedir - ÖZƏL + FOTO/VİDEO

Rusiya və İran "Mir" kartlarının qəbulu üzrə pilot layihəsinə hazırlaşır

"Rusiya işğalçıları yaxın zamanlarda Ukraynaya zərbələri gücləndirəcək" - ISW

Aygün Bəylərə bənzəyən gül satan, müğənni qız: “Zaur Baxşəliyev kirayə pulumu ödədi”-FOTO+ÖZƏL

“Koronavirus” bəşəriyyəti ümumdünya elektron quldarlığına sürükləyir?..

Oxunub: 4607

25 Mar 2020 | 14:56

“Koronavirus” bəşəriyyəti ümumdünya elektron quldarlığına sürükləyir?..

...İllərdir etdiyimiz xəbərdarlıqlar öz yerini aldı: insanların əksər hissəsinin nəfsinə və nəticədə dolayısıyla dünyanı öz bildikləri kimi yönləndirməyə çalışan şeytani güclərə kölə olmasının bir yekunu olmalıydı... Gözlənilməz bəla kimi təqdim edilən bir gözəgörünməz varlıq gəldi – “koronavirus”!.. Və biz insanlar elmin, səhiyyənin hazırkı inkişaf səviyyəsində guya onunla mübarizədə aciz qalmışıq...

Bəs nədir bu? Qədimdə, Orta əsrlərdə yayılan vəba, taun kimi təbii şəkildə yaranmış yoluxucu xəstəlik, yoxsa Şeytanın köləsi olan “insan” adlanan məxluqların planeti hərbi-siyasi, iqtisadi-sosial baxımdan tam nəzarətdə saxlayıb idarə etmək məqsədi ilə törətdiyi qlobal təxribat, yəni bioloji silah, yaxud informasiya manipulyasiyası?.. Dünyanın qlobal maliyyə-iqtisadi strukturunun yenidən format edilməsi, “perezaqruzkası”mı? Təhlillər göstərir ki, ikinci ehtimal daha güclüdür... Çünki bu bəlanın İranda, Türkiyədə, İtaliyada, İspaniyada, Braziliyada, Kanadada və s. adi hallarda da yüksək səviyyədə qorunan ən yuxarı vəzifəli şəxslərə, elitalara, məşhur iş adamlarına, idman, şou-biznes ulduzlarına, hətta Britaniya kraliçasının sarayına qədər nüfuz etməsi və generalları, deputatları həlak etməsinin təsadüf olması ağlabatan deyil... Fəqət, bir sıra digər informasiyalar kimi, koronavirus haqda yönləndirilən xəbərlərdən, eləcə də statistik rəqəmlərdən bəzilərinin də manipulyasiya xarakterli feyk-xəbərlər olması da mümkündür...

***

Yoxsa dünya sakinlərini peyvəndləmə bəhanəsilə kütləvi çipləşdirməyə hazırlayırlar?..

***

Artıq bəhs edilən bəla haqda bir çox versiya və hipotezlər də meydana çıxıb. Hələlik onlardan daha çox ağlabatanlarını tezislər şəklində, həm də ibtidai təhsilli insanın başa düşəcəyi anlaqlı dildə nəzərinizə çatdırmağa və sonrakı yazılarımızda hər bir tezis barədə daha geniş məlumat verməyə çalışacağıq...

***

Koronavirusun Allahın varlığını qəbul etməyən bəzi materialist, darvinislərin iddia etdiyi kimi, guya buzlaqların əriməsi, yüz min ilərin təkamülü, mutasıyası, yaxud süni intellektin “əməl”lərinin nəticəsində təbii formada yaranıb yayılması və ya bioloji silah kimi işə salınmasından asılı olmayaraq teoloji baxımdan, Qurani-Kərim prizmasından yanaşsaq, bu, Allahın bütün insanlıq qarşısında qoyduğu Qiyamət öncəsi bir qlobal imtahan, test, sınaqdır. Çünki Yaradanımızın izni olmasa, nə “COVİD-19” adlanan həmin mikroorqanizm özbaşına törəyib artaraq insanların səhhətinə zərbə vura bilər, nə də elmindən, maliyyə imkanlarından, hərbi-siyasi, iqtisadi gücündən asılı olmayaraq hansısa pərdəarxası super güc, yaxud super dövlət bu bəlanı icad edib planetə yoluxdura, yaxud onun haqqında çaşdırıcı ajiotaj yaradan xəbərləri yaya bilər...

Bununla belə, hər iki halda bu imtahandan keçməliyik.... Hər iki halda özümüzü qorumaq üçün əlimizdən gələni etməyə, dövlət, hökumət qurumlarının qoyduğu qadağa və qaydalara əməl etməyə məhkumuq...

***

Koronavirus Allahın izni ilə də təbii şəkildə meydana çıxıbsa, inşallah, biz insanların “tədbir bizdən – təqdir Allahdan” deyərək əlimizdən gələni etməyimiz, dua və əməllərimiz sayəsində, dünya elminin bu bəlanın zərdabını, antivurusunu tapması nəticəsində elə Rəbbimizin izni ilə də müəyyən bir müddətdə durduralacaq....

***

Amma qorxulusu hər iki halda, yəni həm təbii yaranmış və yayılan infeksiya, həm də qəsdən və bəlli ölkə, məkan və şəxslərə daha çox yoluxdurulan bioloji silah olduğu halda bundan şeytani güclər öz bədxah niyyətlərini həyata keçirmək üçün yararlana bilər....

***

Konspiroloqların belə bir versiyası var ki, koronavirus – sələmçi, dələduz qlobal monarxiyanın Vahid Dünya Dövlətini qurmaq üçün son həlledici hücumlarından biridir. Məqsəd getdikcə güclənən iqtisadi böhran sayəsində bütün milli yönümlü dövlətləri, xalqları, onların dəyərlərini tamamilə yox etmək və planetdəki siyasi, iqtisadi-sosial proseslərin Vahid bir Mərkəzdən yönləndirilməsinə nail olmaqdır....

Həmin versiyaya görə, bu ölümcül mərəzi yayanlar onun peyvəndini də çoxdan icad ediblər. Bəşəriyyətin varidatının 90 faizini öz əllərində cəmləşdirən bu transmilli qlobal monarxiya üçün planetdəki qazanc obyektlərindəki gəlirlərinin yüzlərlə milyardının itirilməsi belə qorxulu deyil. Çünki əmindirlər ki, sonda özləri qazanacaq və onlardan “koronavirus bəlasından qurtulmaq” üçün kredit götürən dövlətləri bu dəfə son həddə yükləməklə çökürtməyə nail olacaqlar. “Sion müdriklərinin protokolları”da da bu cür sxemlər açıq-aydın göstərilir...

***

Super iblisanə güclərin dünyanın bütün sakinlərinin kütləvi şəkildə çipləşdirilərək elektron quldarlığa nail olunması üçün addımlar atması haqda illər öncə dəfələrlə yazmışıq( Bax://www.moderator.az/news/152645.html və //www.moderator.az/news/152812.html)

2016-cı ildə Moderator.az-da təqdim etdiyimiz həmin yazılardan birindən bəzi parçaları əyanilik üçün nəzərinizə çatdırırıq:

“...Hələ 2000-ci ildə məşhur milyarder, “San Maykrosistems” kompaniyasının lideri Bill Coy super oliqarxiyanın 2030-cu ilədək dünya əhalisinin hamısını çipləşdirməyi başa çatdırmaqla insanları sözün həqiqi mənasında elektron köləyə çevirməyi nəzərdə tutan proqramları barədə danışıb. Artıq ABŞ, Braziliya, Meksika, İsveç, Rusiya kimi ölkələrdə müxtəlif bəhanələrlə, xüsusən pasientlərin sağlamlığına nəzarət adıyla kütləvi çipləşdirmə kampaniyasına start verilib.

Çipləşdirmə - insanın sağlamlığı, həyat və düşüncə tərzi, yerdəyişmələri, fəaliyyəti, peşəkar məşğuliyyəti və s. üzərində tam, sutkaboyu texniki elektron nəzarətin həyata keçirilməsidir. Bu, insanlığın gizli soyqırım növlərindən biridir. 2001-ci ilin iyunundan ABŞ-da imlantant çiplərin kütləvi istehsalına başlanılmışdır. 2002-ci ildə ABŞ-da ilk dəfə insan bədəninə çip yeridilmişdir. 2004-cü ildə isə artıq çipləri istehsal edən kompaniya Rusiyada da fəaliyyətə başlamışdır...

Şəxsiyyət vəsiqələrini dəri altına yerləşdirilən düyü dənəsi boyda çiplər əvəzləyəcək...

ABŞ-ın Vayominq ştatının administrasiyası da 2015-ci ildən əhalinin çipləşdirilməsi kampaniyasına başlayıb. Sosial müavinət alan və dövlət müəssisələrində çalışan şəxslər mütləq şəkildə özlərinə çip yerləşdirməlidirlər. İnsanlar çipləşdirmədən sonra yorğunluq, yuxusuzluq və həyəcan hisslərinin peyda olmasından da şikayətlənirlər...”

***

2000-ci ilin əvvəllərindən göbələk kimi çoxalmağa başlayan müxtəlif viruslar: SARS, MERS, donuz qripi, quş qripi və s. məhz insanların “Overton pəncərəsi” üsulu ilə çipləşdirməyə hazırlanmasına xidmət edib. Koronavirus isə artıq virus nağıllarının sonuncusudur. Bu bəlanın bir neçə aydan sonra qarşısı alına bilər. Ancaq super güclər sabah yeni oxşar bir virus peyda olmayacağına “zəmanət vermir”... Artıq dünən – martın 24-də Çində “hantavirus” adlı yeni bir bəlanın peyda olduğu və bir insanın bundan həlak olması haqda informasiyalar yayılıb...

Yeri glmişkən, bu gün dünya üzrə yayılan xəbər məmulatlarının bəlkə də 90 faizi virusla bağlıdır... Bir neçə ay, yaxud bir neçə il sonra yenə də informasiyalar, “Ümumudünya Səhiyyə Təşkilatı”nın tövsiyələri, mütəxəssis, həkim məsləhətləri vasitəsi ilə çox rahat bir şəkildə insanların beyninə yeridiləcək ki, görürsüz, siz artıq özünüz orqanizminizi, sağlamlığınızı kontrol edə bilmirsiniz, yaxşı olar ki, sizin bədəninizə bir çip yerləşdirilsin və həmin çip sayəsində sizə peyk vasitəsilə nəzarət edilsin: o halda sizdə hər hansı bir xəstəlik, eləcə də virus infeksiyası baş qaldırdıqda, təzyiqiniz, şəkəriniz artıb-azaldıqda belə, sizə operativ xəbər ediləcək və siz həkimə müraciət etməklə həmin mərəzlərin qarşısını vaxtında ala biləcəksiniz.... Yaxud həmin düyü dənəsi boyda çiplər guya koronavirusa qarşı peyvəndlərlə birgə də bədənimizə yeridilə bilər...

***

Koronavirus bütün cahan boyu insanları həm də yolluxma ehtimalı adı altında nağd pul, kağız, dəmir əskinasları işlətməkdən çəkindirir. Bu da kütləvi çipləşdirməyə xidmət edir. Çünki bu gün kartlardakı hesablarımıza yerləşdirilən pul vəsaitimiz, sabah elə bədənimizə yeridilmiş çiplərə yönləndiriləcək. İnsanların bütün şəxsi məlumatları həmin çiplərdə olacaq və şəxsiyyət vəsiqəsinə, harasa getmək üçün biletə, nəqliyyat kartlarına ehtiyac qalmayacaq. Ancaq bu rahatlıq da bizə baha başa gələcək. Bizi çiplər vasitəsilə nəzarətdə saxlayacaqlar. Və ümumdünya diktaturasına qarşı hər hansı bir xətaya yol verdikdə hesablarımızı donduracaq və bizlər acından, xəstəlikdən ölmək təhlükəsi altında qalacağıq...

***

Koronavirus ilk baxışdan dolayısıyla ayrı-ayrı diktatura, avtoritar rejimlərə dəstək verir. Karantin rejimi, yaxud fövqəladə vəziyyət, komendant saatı elan edən diktator, ona baş əyməyən rəqiblərini, müxalif qüvvələri əvvəlki tək kütlələrin etirazı ilə qarşılaşmadan asanlıqla zərərsizləşdirə, ölkə daxilində istədiyi əmr və qərarları verə bilər. Ancaq yazımızın əvvəlində vurğuladıq ki, koronavirus demokratik və ya avtoritar quruluşluluğundan asılı olmayaraq ayrı-ayrı müstəqilliyə daha çox meyl edən dövlətlərin çökdürülüb məhv edilməsinə xidmət edir. Bu bəlanın bəzi dövlət başçılarının lap yanına dırmaşması da göstərir ki, yer üzündə qalan ayrı-ayrı diktatorlar da İraqda, Liviyada, Misirdə və s. olduğu kimi yaxın müddətdə sıradan çıxarılacaq. Çünki Şər güclərin istəyi planet üzrə vahid bir diktatura – ümumdünya elektron quldarlığının bərqərar olmasıdır...

***

Hazırda dünyanın, demək olar ki, bütün dövlətlərinin koronavirusa qarşı Ümumdünya Səhiyyə Təşkilatının diktəsi ilə mübarizə aparmaq cəhdləri məhz Vahid Dünya Dövlətinin və ya Ümumdünya Elektron Quldarlığının konturlarının cızıldığını göstərir...

***

Əgər dediklərimizdə xəta etdiksə, Allah Özü bizi bağışlasın və Doğrusunu da O bilər...

***

Sonda öncəki yazılarımızdakı bir fikri yenidən xatırlatmaq yerinə düşər:

“...Kainatda ən kiçicik zərrədən, hüceyrədən tutmuş canlı və cansız bütün varlıqları idarə edən, onlara bütövlükdə tam nəzarət edən Allahdır. Deməli, bütün vasitələrlə Yer sakinlərini öz idarə olunan elektron qullarına çevirmək istəməyə çalışanlar, əstəğfürullah, "allahlıq" iddiasındadırlar. Lakin onların cəhdləri əbəsdir. Bəşər əhlini sonadək köləyə çevirmək, xalqları xüsusən də müsəlman, türk xalqlarını, o cümlədən Azərbaycan xalqını məhv etmək, inşallah, bu güclərə nəsib olmayacaq. Çünki Rəbbimizin Quranda buyurduğu kimi, Allah bütün hiyləgərlərdən tədbirlidir (Quran, Ali-İmran,54)...

Amma bununla yanaşı, Yaradan hər bir bəndəsindən haqsızlığa qarşı bacardığı qədər susmamağı, mübarizə aparmağı da tələb edir...