Son günlər media məkanını gözdən keçirərkən dünyanı sanki əsirliyə götürmüş koronavirus pandemiyası və onun yaranması səbəbləri ilə bağlı müxtəlif versiya və fərziyyələrə rast gəlinməkdədir.

Əgər bu fikirlərin ən əsaslarını klassifikasiya etsək (təsnifləndirsək), onda aşağıdakı mənzərənin meydana çıxması mümkündür.

 

Beləliklə,

Koronavirusun süni mənşəli bir bioloji silah olması barədə kifayət qədər əsaslandırılan iddialardır. İnternet məkanında müxtəlif mütəxəssislərin və alimlərin video və digər müraciətlərində bu virusun məhz süni yolla xüsusi laboratoriyalarda hazırlanması barədə fikirlər səslənməkdədir. Belə ki, iddia olunduğuna görə, bu bioloji silahdan istifadəyə qərar verilməsində əsas 3 məqsəd güdülmüşdür:

 

Birinci məqsəd – ABŞ-ın dünyada mənəvi rəqibi olan İranı hərbi yolla və iqtisadi sanksiyalar vasitəsilə məğlub etməsi mümkün olmadığından, indi də virus epidemiyası ilə - bioloji müharibə ilə çökdürüb, istədiyi formatda danışıq stolu arxasına otuzdurmaqdır.

 

İkinci məqsəd – Çinin nəhəng addımlarla dünyanın iqtisadi və hərbi liderliyinə doğru irəliləməsinin qarşısının alınmasıdır.

 

Üçüncü məqsəd - son illərdə getdikcə daha çox müstəqil siyasət yeritməyə can atan Avropaya, öz yerini göstərməkdir. Belə ki, iqtisadiyyatın və beynəlxalq siyasətin müxtəlif sahələri üzrə həyata keçirilmiş yüngülvari təzyiq metodları və aparılan danışıqlar, istənilən nəticəyə gətirib çıxarmamışdır.

 

 

Bir çox ekspert və siyasi icmalçıların iddialarına görə, bütün bu koronavirus məsələsinin kökündə İranın və onun iqtisadiyyatının çökdürülməsi durur. Və bu istiqamətdə digər ölkələrdə yaşanan problemlər isə – sadəcə gözlənilən və gözlənilməz əlavə qurbanlardır.

 

Belə ki, virusla bağlı hadisələr izlənildikdə müəyyən və sanki planlaşdırılmış qəribə bir ardıcıllıq müşahidə edilir:

 

- virusun ən naməlum və heç bir başqa ölkədə rast gəlinməyən ştammı məhz İranda meydana çıxdı;

 

- virusdan doğan xəstəliklər və ölüm halları ilk növbədə bu ölkənin rəhbər strukturlarında və yaxud oraya yaxın çevrələrdə təmsil olunan şəxsləri əhatə etdi;

 

- virusun İranda geniş yayıldığı günlərdə dünya üzrə pandemiyanın hələ elan olunmamasına baxmayaraq, yəni yardım üçün vasitə və vəsaitlərin azad olduğu bir vaxtda, bir neçə istisnanı çıxmaq şərtilə, heç kim, heç bir ölkə öz kömək əlini ona uzatmadı – çünki, ona hətta humanitar yardımların göstərilməsi belə qadağan olunmuşdu (bu qadağa hələ də davam etməkdədir);

 

- heç kim İrana nə tibbi və elmi laborator avadanlıqla, nə də epidemiyanın araşdırılması və dərmanın hazırlanması üçün öyrənilməsi zəruri olan köməkçi ştammlarla yardım etmədi;

 

- bir neçə gün əvvəl Ümumdünya Bankının və Beynəlxalq Valyuta Fondunun (BVF) birgə təşkil etdiyi  koronavirusla mübarizə metodlarının müzakirəsi ilə əlaqəli keçirildiyi iclasa İran dəvət edilmədi;

 

- son məlumatlara görə isə, virusa qarşı yeni bir dərmanın sınağı keçirilməlidir. Bu sınaqlar, ABŞ da içində olmaqla 7 ölkədə keçiriləcəkdir... Və yenə də bu ölkələrin arasında İran yoxdur... Halbuki, virusdan ən çox zərər çəkmiş ölkələrdən biri də məhz odur;

- verilən rəsmi məlumatlara görə, hazırda İran büdcəsinin 20 faizi koronavirusla mübarizəyə yönəldilmişdir ki, bu da təbii ki, iqtisadiyyatın digər sahələrinə təsirsiz keçmir;

 

- hətta ölkənin virusla mübarizə apardığı bu ağır dönəmlərdə də ona qarşı yeni iqtisadi sanksiyalar tətbiq edilir;

- eyni zamanda, bu ağır günlərdə İrana qarşı təzyiqləri bir qədər də artırmaq və ölkəni gərginlikdə saxlamaq üçün İran körfəzinə əlavə olaraq tam bir aviadaşıyıcı qrup formatında ciddi hərbi qüvvə göndərilir;

- Yaxın Şərq bölgəsində İrana yaxınlıqları ilə seçilən və İŞİD vandalları ilə real mübarizə aparan qüvvələrin mövqeləri bombardman edilir və/və ya bu barədə ABŞ-ın ən yuxarı siyasi pilləsindən (məsələn, Pompeonun bəyanatı kimi) anonslar verilir.

 

 

Bəzi təhlilçilərin fikirlərinə görə, virus epidemiyasının Çindən başlanması və inkişaf etməsində də əsas məqsəd ildırım sürətilə irəli gedən Çin iqtisadiyyatının və hərbi qüdrətinin inkişaf sürətini yavaşıtmaq və onun daban-dabana izlədiyi dünya ağalığı iddialarında bulunan və bəlkə də artıq var gücü ilə çabalayan ABŞ iqtisadiyyatına bir qədər (məsələn, bir neçə il) taym-aut (istirahət) vermək olmuşdur.

 

Lakin, təhlilçilərin gümanına görə, bu məqsədə tam şəkildə çatmaq mümkün olmamışdır:

 

- əvvəla, bu ölkə, özünün tam formalaşmış və komplektləşmiş güclü iqtisadiyyatının;

 

- ən əsası isə qanunsevər və öz dövlətinə inanan əhalisinin mövcudluğu hesabına hamı üçün gözlənilməz tez şəkildə bu koronavirus burulğanından çıxmağa müvəffəq oldu.

 

- həmçinin, birdən-birə tam şəkildə hamıya bəlli oldu ki, demək olaraq, bütün dünya iqtisadiyyatı - adi mismardan, buğda və düyü dənəsindən və sadə tibbi tənzifdən başlamış, hər bir növdən olan elektronika, avadanlıq, gəmilər və təyyarələrə qədər – Cin istehsalçısından asılı imiş... Belə ki, Cin iqtisadiyyatının cəmi 2 ay ixrac funksiyalarını zəiflətməsi, praktiki olaraq, bütün dünyada nəhəng-nəhəng istehsal sahələrinin dayanmasına, ən azından onların zəifləməsinə gətirib çıxardı...

 

Beləliklə, bəlli oldu ki, Cin iqtisadiyyatının dayanması və/və ya staqnasiyası heç kimə lazım deyil.

 

 

Şərhçilər arasında İtaliya, İspaniya, Fransa, Almaniya və koronavirus epidemiyasının yayıldığı digər ölkələrlə bağlı, ümumiyyətlə  Avropaya öz yerinin göstərilməsi ilə əlaqədar fikirlərlə yanaşı, belə bir nöqteyi nəzər də var ki, sadəcə bütün bu ölkələr əsas planın həyata keçirilməsi zamanı təsadüfən "ilişmişlər"...

Yəni bu, qlobal prosesin sanki bir istehsalat çıxdaşı olmuşdur. İran və Çinlə bağlı şübhə yaranmasın deyə, Avropa ölkələri statist rolunu ifa etmiş, sadəcə, heç kəs nəticələrin belə ağır olacağını proqnozlaşdırmamışdır.

 

 

Ümumilikdə dünya əhalisinin daha çox idarəolunan edilməsi versiyasıdır. Belə ki, bəzi təhlilçilərin fikirlərinə görə, koronavirus məsələsi böyük insan kütlələrinin qapanması, onların xarici aləmlə yalnız virtual və elektron tərzdə ünsiyyətdə olması üçün ortaya atılmış bir məsələdir.

 

Elə buradan da nağd pullardan və nağd alış-verişdən imtina, elektron kartlarla pul əməliyyatlarına isə əksinə – daha çox üstünlük verilməsi çağırışları meydana gəlmişdir. Bu da faktiki olaraq həyatların çipləşməsi deməkdir. İnsanların pul yığımları virtual şəkildə və elektron pul kisələrində olduqdan, sonra lazımi qurumlar istənilən an bu vəsaitləri bloklaya və ya istənilən yerə yönəldə bilərlər.

 

Demək, hipotetik şəkildə olsa da, pul sahibi öz pullarının idarə edilməsində kimlərdənsə asılı duruma düşmüş olur. Eyni zamanda, distans təhsil və teletəbabətin reklam edilməsi, hər bir vətəndaş haqqında müfəssəl məlumat toplanan vahid informasiya bazaları, insanları üz cizgilərinin elektron qaydada tanınması və s. də buna xidmət edir.

 

Yəni, təhlilçilərin fikrincə, bu gün dünyada karantin bəhanəsi və insanları bürümüş panika pərdəsi altında cəmiyyətin əhəmiyyətli hissəsinin rəqəmsallaşdırılması prosesi gedir.

 

 

Bəzi araşdırmaçıların zənnincə isə, koronavirus barədə media məkanında yayılan qorxulu məlumatlar (həmçinin, müxtəlif videolar, xəbərlər, reportajlar, televiziya və radio verilişləri, votsap, instaqram, tvitter və sairə bu kimi sosial şəbəkələrdə yerləşdirilən materiallar) ümumi bir zəncirin həlqələridir. Və bu zəncirin də bir məqsədi var: QORXUTMAQ. Yəni insanları (xalqları) dəhşətə salırlar ki, onlar özünütəcridə razı olsunlar.

 

Çox güman ki, bütün bu koronavirusla əlaqəli məsələlər deyildiyi və elan edildiyi qədər də təhlükəli deyildir. Əlbəttə ki, ciddi təhlükənin mövcudluğuna inamı artırmaq üçün müəyyən sayda ölüm hallarının da (yəni, qurbanların) olması zəruridir.

Amma bu say ümumi ölüm hadisələrinin içərisində bir damcı nisbətindədir. Və bunun sübut edilməsi də çox rahatdır. Sadəcə, dünyanın bir sıra ölkələri üzrə koronavirus pandemiyası elan olunan vaxta qədər bir neçə aylıq dövr ərzində hər bir ölüm halı üzrə analitik (yəni, hansısa xəstəlik, yol-nəqliyyat, bədbəxt hadisə, müharibə, aclıq və s. bu kimi səbəblərdən) gündəlik ölüm statistikasını müqayisə etmək kifayətdir.

 

İddia olunur ki, bu halda pandemiya elanından sonrakı dövr üçün ölüm hallarının azalması açıq-aşkaq bəlli olacaqdır. Belə ki, karantinə görə hərəkətin məhdudlaşdırılması səbəbindən insanların yalnız yol-nəqliyyat hadisələrində olan ölüm halları əhəmiyyətli dərəcədə azalacaqdır. Bu statistik məlumatın ölümlə bağlı digər bəndlərində isə praktiki olaraq çox cüzi dəyişikliklər mümkündür.

 

Beləliklə, bütün bu media təqdimatlarının son məqsədi – insanların bu xəstəliyin qlobal, kütləvi, qaçılmaz olmasına, yaranmış vəziyyətdən xilasın praktiki olaraq çıxılmaza yaxın qədər çətin olmasına və ən əsası da - bu fəlakətin hər bir kəsə toxuna bilməsinə inanmasıdır.

 

Və bunun üçün də sadəcə olaraq müvafiq mexanizmi işə salmaq lazımdır (buna bəlkə də praktiki olaraq nail olunmuşdur)... Yerdə qalan işi isə artıq insanlarda yaranmış kütləvi psixoz və əsəbilik tamamlayacaqdır. Belə ki, həmin bu psixoz və əsəbilik halı düşünməyə və soyuq başla qərar qəbul etməyə mane olacaqdır.

 

Bütün bu proseslərin gedişatında da bu gəmidə (planetdə) kimin ağa olması, kimdən qorxmaq lazım olduğu, kimdən sədəqə və icazə diləməyin zəruriliyi və s. kimi məsələlər bu dəfə sanki bilmərrə həll edilmiş olur. Çünki, son dövrlərdə bu ümumdünya “sahibi” və “qəhrəmanı” obrazı bir qədər laxlamış və öz əsaslarını itirmişdir.

 

 

Bəzi təhlilçilər isə yuxarıda qeyd edilmiş bütün ehtimalların eyni zamanda həyata keçirilməsi istəyinin olduğunda qərarlıdırlar. Onların fikrincə, "proses sahibinin" "A" ssenarisindən başqa həm də "B", "C", "D", "E" və digər ehtiyat ssenariləri də mövcud olub və bəlkə indi onların hansılarısa işə salınıb.

 

Və bütün dünya üçün çətin və qurbanlar tələb edən girdab olan koronavirus pandemiyası yaxşıca hesablanmış bir ssenaridir... Və həmin bu ssenarinin müəllifləri indi haradasa rahat kürsülərində oturub baş verənləri acgözlük və hərisliklə izləyirlər...

 

 

1. Görünəni budur ki, hadisələrin gedişatı bir şeyin yəqinliyinə doğru gedir: bəşəriyyət İkinci Dünya müharibəsindən bu yana görünməmiş qlobal hadisələrnin astanasındadır. Koronavirus səs-küyü bütün siyasi, iqtisadi, mədəni, əqidəvi, fəlsəfi sferalarda təlatümlərə səbəb olmuşdur.

Artıq BMT və digər beynəlxalq təşkilatların nə kimi faydaları olması haqda bəhslər başlanmışdır.

Ümumdünya Səhiyyə Təşkilatının (ÜST) özü müzakirə predmeti olmaqdadlr.

Ola bilər ki, bəzi ölkələrin taleyi də fərqli olsun. Təbii ki, belə təlatümlərin sonda hansısa bir dəyişikliyə gətirib çıxarması labüdləşir. Hətta ehtimal olunur ki, ola bilsin bəşəriyyət tamamilə yeni bir dönəmə keçsin.

 

2. Həmçinin, açlq-aşkar görünür ki, ilkin ən böyük koronavirus zərbəsinə tuş gəlmiş həm Çin, həm də İran bu zərbəyə və bundan sonra gələn zərbələrə dözdülər və kifayət qədər immunitet əldə etdilər. Və hətta indi koronavirus hücumuna qalib gəlməkdədirlər. Belə ki, Çin bu qələbəni artıq elan etmiş, İran isə (ölkə prezidentinin sözlərinə görə) yoluxma tendensiyasının bütün ölkə boyunca azalmasını və tezliklə karantin məhdudiyyətlərinin aradan qaldırılaçağını bildirmişdir.

 

Bioloji müharibə isə bumeranq effekti ilə geri qayıdaraq, bu müharibənin güman edilən təşkilatçılarına qayıtdı. İndi praktiki olaraq bütün Avropa və ABŞ bu bəlanın cəngindədirlər. Tərifli Qərb birliyində, xüsusilə də Avropa Birliyi ölkələrində psixoloji-iqtisadi çatlar yaranmağa başladı və hər bir ölkə yalnız özünün xilası xəttini götürdü.

 

3. Virus pandemiyası ilə bağlı bəşərdə hansısa bir immunitet yarandı (və ya yaranmaqdadır). Təcrid, özünütəcrid və bundan irəli gələn problemlər insanları bu dünyanın faniliyi, maddiyatın keçərli olması və hansısa anda heç kimin dadına çatmaması, uzun arzu və planların isə bəzən mümkünsüz olması barədə düşünməyə sövq etdi.

 

4. Bəziləri isə - həm ölkələr, həm xalqlar, həm də ki, ayrı-ayrı fərdlər - yəqin ki, böyük alimlərin buyurduğu kimi, təhdidləri fürsətlərə çevirmək yolunu tutmağa cəhd edəcəkdir. Və artıq bunun işartıları da görünməkdədir.

 

5. Amma, hər bir halda, əgər bütün bu dəhşətli hadisə-proseslərin həqiqətən də hansısa müəllifləri varsa (təhlilçilərin mütləq əksəriyyəti buna qəti şəkildə əmindirlər), onlar əvvəl-axır etdikləri cinayətlərə görə mütləq və qaçılmaz halda cavab verəcəklər....

 

Onlar yaddan çıxarırlar ki, bu dünyanın və ümumiyyətlə, bütün aləmlərin bir Yaradanı, bir həqiqi Sahibi də vardır... Və bu Yaradanın bəşər barədə zalım güclərdən tamamilə fərqlənən planları vardır...

Rza Adil, Deyerler.org