Dünyanı cənginə alan koronavirus pandemiyası insanları təkcə ölümlə deyil, həm də onları işsiz və gəlirsiz qoyması ilə hədələyir. Pandemiyanın dünya iqtisadiyyatına vurduğu misilsiz zərbənin fəsadlarının yaxın aylarda özünü daha qabarıq göstərəcəyi gözlənilir.
Böyüklü-kiçikli
minlərlə şirkətin fəaliyyətinin zəiflədiyi və ya tamamilə dayandırıldığı bir
vaxtda işəgötürənlərin ağır sınaq qarşısında qaldığı və beləliklə də işsizlərin
sayının artacağı şübhəsizdir.
Artıq
Beynəlxalq Əmək Təşkilatı (BƏT) bununla bağlı həyəcan təbili çalmağa
başlayıb...
Qurum pandemiyanın
yaratdığı çətinliklər üzündən şirkətlərin fəaliyyətinin zəifləməsi, bəzi
hallarda isə tamamilə dayanması səbəbindən insanların iş yerlərini itirdiklərini
və bunun gələcək aylarda daha da genişlənəcəyini bildirib. BƏT rəsmilərinin
açıqlamalarına görə, proses belə davam edərsə dünyadakı işsizlər ordusuna nə
az, nə çox – 195 milyon yeni işsizin qoşulması qaçılmazdır. Təşkilat ölkələri
bu təhlükənin qarşısını almaqda təxirəsalınmaz tədbirlər görməyə çağırıb.
Artıq pandemiyanın
işsizliklə bağlı fəsadları dünya iqtisadiyyatının ruporu hesab edilən Avropa məkanında
özünü göstərməyə başlayıb.
Avropa Həmkarlar
İttifaqları Konfederasiyasının (ETUC) baş katibi Luca Visentininin təşkilatın
saytında yerləşdirilən son hesabtında durumun indidən kritik vəziyyətdə olduğu
bildirilib. Onun sözlərinə görə, Avropa Birliyinə daxil olan dövlətlərdə 15
milyondan çox insan artıq öz işini itirib. Baş katib bunu AB ölkələri hökumətlərinin
vaxtında gərəkli tədbirləri görməməsi ilə izah edib və lazım olan 500 milyard
avroluq dəstək paketini vaxtında təmin etmədikləri ilə əsaslandırıb.
Luca
Visentini deyib ki, əgər AB təcili sözügedən iqtisadi yardım paketini qəbul etməsə,
böhran daha da dərinləşəcək və idarəolunmaz hala gələcək.
Qeyd edək
ki, ayrı-ayrı ölkələr bu problemi özünəməxsus formada həll etməyə çalışırlar. Misal
olaraq, Türkiyədə hökumət işəgötürənlərə işçiləri ən azı qarşıdakı 3 ayda işdən
çıxarmamaq və ödənişli məzuniyyətə göndərməklə bağlı təkliflər paketi təqdim
edib.
Azərbaycan
hökuməti də böhranın əvvəlindən müxtəlif dəstək tədbirləri həyata keçirməyi
planlaşdırıb. İqtisadiyyat naziri Mikayıl Cabbarov bir müddət əvvəl işəgötürənərə
işçiləri saxlamaq barədə çağırış etdi və bunun üçün lazım olan dəstəyin göstəriləcəyini
bildirdi.
Bütün bu
dəstək proqramlaırının arxasında isə Prezidentin bununla bağlı sərəncamı və ayırdığı vəsait dayanır.
Lakin
böhranın uzun müddət davam edəcəyi təqdirdə nə baş verəcək, şirkətlər bu fədakarlığa
davam gətirə biləcəklərmi? Ayrılan vəsait qeyr-rəsmi çalışan insanları əhatə
etmədiyinə görə, bu kateqoriyadan olan on minlərlə insanın durumu necə olacaq? Bizi
də qarşıda işsizlik böhranı gözləyirmi? Azərbaycanda son durum necədir?
Cavabı
tam aydın omayan suallar hələki çoxluq təşkil edir...
Vətəndaşların
Əmək Hüquqlarını Müdafiə Liqası İcraiyyə Komitəsinin sədri Sahib Məmmədov hesab
edir ki, rəsmi olaraq hələlik statistika yaxşı olsa da, Azərbaycanda özünüməşğulluq
sahəsində çalışan insanların işsiz qaldığı artıq faktdır:
“Pandemiya
ilə bağlı bütün dünyada əmək bazarında vəziyyət pisləşib. BƏT-in hesabatlarında
da bu özünü göstərir. Avropada da işsizlərin sayı artmaqda davam edir.
ƏHSMN-nin
məlumatına görə, bizdə muzdla işləyən, rəsmi əmək müqaviləsilə çalışanların
sayında hələki ciddi azalma müşahdə edilmir.
Ancaq
qeyri-formal əmək bazarının itkilərə məruz qaldığı artıq faktdır. Onların çoxu
özünüməşğulluqla fəaliyyət göstərən insanlardır ki, indi onların işsiz
qaldığını söyləmək üçün hansısa rəsmi rəqəmə ehtiyac yoxdur. Onların hamısının
hazırda işsiz qaldığı göz önündədir. Buraya gündəlik qeyri-rəsmi işlə məşğul
olan, fəhləlik edən, rayonlardan gəlib daş karxanalarında, tikintidə işləyən və
sair on minlərlə insanlar vardır ki, indi onların hamsısı oturub evdə”.
S. Məmmədovun
sözlərinə görə, Prezidentin məlum sərəncamı ilə kiçik sahibkarlıqla rəsmi
olaraq məşğul olan strukturlardakı işçilərə dövlət dəstək edəcək, ancaq
qeyri-formal çalışanların haqqında belə optimist danışmaq mümkün deyil.
Taleh
Moderator.az