Azərbaycan millisinin, "Bakı", "Abşeron", "Sumqayıt", "Turan" və "Qəbələ" klublarının sabiq futbolçusu Andrey Popoviç Ukrayna mətbuatının suallarını cavablandırıb.

"Report" 28 yaşlı qolkiperin müsahibəsini təqdim edir.

- 2008-ci ildə Donetsk "Metallurq"unun gənclər komandasında çıxış edirdim. Həmin vaxt Azərbaycan Futbol Federasiyaları Assosiasiyası MDB məkanında istedadlı futbolçular axtarırdı. Donetskə üç skaut göndərilmişdi - "Şaxtyor"a, "Metallurq"a və "Olimpiya"ya. Məni gördülər və Berti Foqtsun yenicə çalışdırmağa başladığı əsas milliyə düşmək perspektivi ilə gənclər yığmasında oynamağa dəvət etdilər. Azərbaycana getmək beynəlxalq səviyyədə oynamaq üçün motivasiya idi və yerli klublarda çıxış etmək məsələsi artıq ikinci dərəcəli idi. Bununla yanaşı, klub səviyyəsində də Avropa yarışlarında oynamağı bacardım. Bu səbəbdən seçimimə görə peşman deyiləm.

- Məni əvvəlcə stabil maliyyəsi və o dövr üçün əla perspektivləri olan "Bakı"ya dəvət etdilər. Orada əvəzedici komandanın əsas heyətində  oynadım. İki mövsümdən sonra yenicə yaradılmış və I Divizionda iştirakı təsdiqlənən "Abşeron"a icarəyə verilmək variantı ortaya çıxdı. Debüt mövsümdəcə məğlub olmadan elitaya vəsiqə qazandıq. Noyabrda isə məni yığmaya dəvət etdilər. Həmin vaxt I Diviziondan milliyə çağırılan ilk futbolçu kimi tarixə düşdüm. 

- Nəinki sevimlisi, hətta məni onun qeyri-rəsmi oğlu adlandıraraq təhqir edirdilər. Amma mən milliyə gözəl gözlərimə görə çağırılmamışdım. Öz səviyyəmi sübut etməyə çalışdım və bunu meydançada təsdiqlədim.

- Bəli, belə bir şey olub. Nə deyim - gənc və təcrübəsiz idim. Günahsız görünən şəkildən qlobal bir qalmaqalın şişirilə biləcəyini bilmirdim. BƏƏ-də Sinqapurla yoldaşlıq oyunu keçirirdik. İlk hissədə hər şey yaxşı alındı, əsas heyətdə oynadım və 2-0 öndə idik. Meydança bərbad idi. Düşünülmüş hücumlar qurmağa imkan vermirdi. Əslində üstünlüyü əldən verməyimizdə bu da rol oynadı. Qapımıza vurulan ilk qolda rəqibin bəxti gətirdi. Son dəqiqələrdə isə hesabı bərabərləşdirməyə nail oldular. Halbuki biz onlardan 2 baş üstün idik. Bu heç-heçə uğursuzluq kimi qəbul olunsa da, Foqts növbəti gün bizə istirahət verdi. Elə alındı ki, legionerlərlə birlikdə yerli klublardan birinə yollandıq və heç bir artıq hərəkətə yol vermədən mədəni şəkildə dincəldik. Selfi çəkdirdik və arxa fondakılara fikir vermədən fotonu sosial şəbəkədə paylaşdım. Növbəti gün baş məşqçinin otağına çağırıldım və mənə şiddətli töhmət verdilər. Komanda yoldaşlarımdan birinin əlindəki siqaret və içki kadra düşmüşdü. Mən isə günahsız idim. Buna baxmayaraq, bütün məsuliyyəti və cəriməni öz üzərimə götürdüm.

- Xeyr, belə düşünmürəm. Almaniyalı məşqçilər korpusunun dəvəti ilə müntəzəm şəkildə U-21-ə çağırılırdım. 2017-ci ildə Robert Prosineçkinin vaxtında isə əsas millinin təlim-məşq toplanışına dəvət aldım. Həmin foto gənc olmağımın nəticəsi idi və mənim üçün yaxşı dərs oldu. Oyun planında isə xüsusilə "Sumqayıt" və "Qəbələ"də çıxış etdiyim dövrdə milliyə düşmək barədə problem yaşamadım. Xüsusibaxımından, xüsusən də "Sumqayıt" və "Qəbələ" də meydana çıxanda milli komandaya daxil olmaqda heç bir problem yaşamadım.

- Bəli, 2015-ci ilin yayında Roman İosifoviç öz komandasına dəvət etdi. Əlbəttə, başa düşürdüm ki, baş məşqçinin gətirdiyi Dmitri Bezotosnı ilə əsas heyətə düşmək uğrunda mübarizə aparmaq lazımdır. Qriqorçuk mənə həm də Azərbaycan pasportum olduğu üçün etimad göstərirdi. Çünki legioner sayılmırdım. Nəticədə biz Bezotosnı ilə yükü bölüşdürdük: o, əsasən avrokuboklarda oynayırdı, mən isə çempionatda qapını qoruyurdum.

- Bəli, praktikamda avrokubok matçı da var. Düzdür, uğursuz alınmışdı, evdə "Krasnodar"a 0:3 uduzmuşduq. Amma o atmosferi hiss etmişəm.

- Roman İosifoviçlə konfliktim olmadı, amma vəziyyət öz-özünə qəribə hal alırdı. İkinci dövrənin ilk matçında elə də güclü olmayan "Kəpəz"ə 0:3 hesabı ilə məğlub olduq. Oyuna yüklənmə fonunda çıxmışdım. Amma deməzdim ki, buraxılan qollardan ən azı birində mənim səhvim var idi. Buna baxmayaraq, növbəti gün mənə dedilər ki, əvəzedici komandaya gedirsən. Komandanın inzibatçısından səbəbi aydınlaşdırmağa çalışdım. Qriqorçuklə fərdi söhbətdə mənə peşəkarlığımı aşağı saldığımı söylədi. Sual verdim ki, həqiqətənmi bir uğursuz matç bütün işimin üstündən xətt çəkdi?

- Yox, ikinci komandada oynamağa və peşəkar səviyyəmi sübut etməyə hazır idim. Qriqorçukun özü də dedi ki, ümidsiz olmamalı və tezliklə əsas heyətə qayıdacağıma inanmalıyam. Lakin əvvəlcə bir ay keçdi, sonra növbəti ay və sanki mənim varlığımı unutdular. Eyni zamanda, Roman İosifoviç tez-tez yaxşı oynadığım oyunları izləməyə gəlirdi. Digər gənc oyunçuları əsas heyətə cəlb etsə də, mənimlə danışmaq belə, istəmədi.

- Mövsümün sonunda Kiyevə qayıtdım. Mənə dedilər ki, "Qəbələ"nin maliyyə çətinlikləri yaranıb. Mənimsə hələ 1 illik sözləşməm var idi. Hər gün klubdan zəng vurub müqaviləni qarşılıqlı razılıq əsasında pozmağı təklif edirdilər. Mən isə əsas heyətdə oynamağa layiq olduğumu sübut etmək istəyirdim. Görünür, "Qəbələ" rəhbərliyindəki bir şəxsin bu məsələyə öz baxışı var idi və məndən canını qurtarmaq istəyirdi. Nəticədə, qərarıı dəyişdim və yeni komanda axtarmağa başladım.