Yenə şəhidlər... Allah rəhmət eləsin! Otuz il davam edən müharibə. Və sonuda görünmür. Beynəlxalq cəmiyyət ancaq vəziyyət gərginləşən zaman öz münasibətini göstərir. Bəlkə artıq düşünməyin zamanıdır. Bu vəziyyət nə vaxtadək davam edəcək? Bir il, iki il, on il, otuz il? Nəyə görə Təhlükəsizlik Şurasının qətnamələri icra olunmur? Nə üçün hər iki tərəfdən hərbçilər həlak olurlar, həmçinin mülki əhali. Nəhayət, Azərbaycanın ərazi bütövlüyü nə vaxt bərpa olunacaq? Bugünkü gündə dünyada heç kim Dağlıq Qarabağən müstəqilliyini tanımır, hətta Ermənistan da. Nəyi gözləyirik? Böyük müharibəni və insanların kütləvi ölümünü? Azərbaycan xalqının səbrini nə qədər sınamaq olar? Bütün bu sualları heç kim cavablandırmaq istəmir. İndi isə bizim özümüz haqqında. Minlərlə insanın mitinqə qatılmağı  qanunauyğun və haqlı idi. Ancaq ardı... Qarabağın azad olunmasının Milli Məclisdən keçəcəyini kim deyib? Bizim hörmətli Prezidentimiz dəqiq rəqəmlərlə söylədi. 150 nəfər nəfər könüllü, əksəriyyəti də müxtəlif rayonlardan. Şüşələri sındırmaq və qapıları qırmaq lazım deyildi. Çalış, öz ölkən üçün nə isə elə. Bu sadəcə təxribat deyildi. Bu, dövləti, hakimiyyəti sınağa çəkmək idi. Zəiflik göstərsələr, sussalar, bir az da irəli gedərik. Otuz il öncə belə olmuşdu. Daxili çaxnaşmalar, fitnə-fəsad nəticəsində  biz öz torpaqlarımızı itirdik. Xaricdə yaşayan cənablar, sizin bizim ölkənin hakimiyyətini görən gözünüz yoxdur. Bu açıq-aydın görünür. Bəs siz nə üçün öz ölkənizi sevmirsiz? Müxalifətdə olanlar arasında təmiz, vicdanlı insanlarda var. Bəs siz nə üçün susursuz? Gecə baş verən qanunsuzluqları pisləmək lazımdır. Axı bura həm də sizin ölkənizdir. Bəlkə Qarabağ məsələsi ancaq hakimiyyəti laxlatmaq üçün lazımdır? İndi keçək başqa məsələtə. Siyasi partiyaların tərəfdarları hamıya rusca danışmağı, fikirləşməyi qadağan edirlər. Oxuyuram və gözlərimə inanmıram. Biz silahları qonşu dövlətlərdən alırıq. Bizim zabitlər təlimatları, göstərişləri oxumaq, silahlardan istifadə etmək üçün ingilis və rus dillərini bilməlidirlər. Bəlkə kim isə bunu başa düşmür? Bu da hakimiyyəti sınağa çəkməkdir. Ölkənin ən yaxşı ali təhsil ocaqlarında təhsil almış bu insanların  hamısı “potensial satqınlar”dır. Bir ana yeganə oğlunun müharibədə həlak olacağından qorxduğunu yazır. İnsanların əksəriyyəti onu, öz oğlu üçün narahat olan ananı vətənpərvər olmamaqda günahlandırdı. Müharibəyə çağırış edənlərin hamısını yoxlamaq maraqlı olardı. 150 nəfər və minlərlə hiddətlənmiş insan. Mənim xalam oğlu Şuşada şəhid olub. Ana üçün bu faciədir. Bəli, o vətən yolunda can verən şəhiddir. Ancaq ana üçün fiziki cəhətdən ağrılıdır. Yəni bunu başa düşmək belə çətindir? Qurbansız müharibə olmur və bizim torpaqlarımızın hərbi yolla azad olunması sözsüz ki, canını fəda edən qəhrəmanların hesabına olacaq. Başqa cür ola bilməz. Ancaq yalan danışmaq lazım deyil. Döyüşmək istəyirsənsə, get orduya yazıl. Silah tap və get dağlarda partizanlıq elə. Bundan ötəri şəhərdəki polis maşınlarını sındırmaq  mütləq deyil.

Bir məqamda var. Təcili olaraq Təbliğat Nazirliyi yaratmaq lazımdır. Orada erməni dilini yaxşı bilən əməkdaşlar olan şöbə olmalıdır. Həmçinin, rus, ingilis, fransız dillərində sərbəst danışan əməkdaşlar olan şöbələr olmalıdır. Nazirliyə təhkim olunan televiziya, radio, kitab nəşri, poçt xidmətləri, mətbuat xidməti mütləq qaydada eyni rejimdə çalışmalıdırlar.  

Biz hamımız nənələrimizin hansı millətə aid olmasından, hansı məktəbdə oxumağımızdan asılı olmayaraq  torpaqlarımızın azad olunmasının tərəfdarıyıq. Biz hamımız Azərbaycan vətəndaşıyıq. Mitinq millətin erməni qəsbkarlarına qarşı qəzəbinin təzahürü idi. Ancaq bundan bəzi qüvvələr öz məkrli məqsədləri üçün istifadə etmək istədilər.  

Və nəhayət ən başlıcası. Mədəniyyətin olmaması vəhşiliyə, cəhalətə səbəb olur. Mən hər həftə ən azı iki dəfə gənclərlə söhbət edirəm. Demək olar ki, bütün universitetlərdə, səksənə yaxın orta məktəbdə dəfələrlə gənclərlə görüşlər keçirmişəm. Görünür ki, bu azdır. Onlar – Milli Məclisin qapılarını sındıran bu gənclər kimlərdir? Və bu hadisələrin sabah təkrar olmayacağına kim zəmanət verə bilər? “Mədəniyyət – barbarlığa qarşı ən yaxşı peyvənddir. Ancaq barbarlıq istənilən mədəniyyəti məhv etməyə qadirdir”. Mənim pomanımdan olan sitata görə məni bağışlayın.