Nikol Paşinyan Tovuz döyüşləri və Xocalı soyqırımı barədə danışdı

"Ya İsrail "Avroviziya"dan, ya da "Avroviziya" Malmödən xaric ediləcək..."

Ermənilərin tarixi yalanının poetik ifşası: “Soykırım yalanı!”

"Daha bir yanlışlıq edərsə, İsraildən əsər-əlamət qalmayacaq" - İran prezidenti

Kadırov bədəni və ruhunun gözəl olduğunu nümayiş etdirib

“Həyəti sel aparıb pis günə qoymuşdu” - Mikayıl Müşfiqin Xızıdakı xatirə muzeyində yenidənqurma işləri gedir - ÖZƏL + FOTO/VİDEO

Rusiya və İran "Mir" kartlarının qəbulu üzrə pilot layihəsinə hazırlaşır

"Rusiya işğalçıları yaxın zamanlarda Ukraynaya zərbələri gücləndirəcək" - ISW

Aygün Bəylərə bənzəyən gül satan, müğənni qız: “Zaur Baxşəliyev kirayə pulumu ödədi”-FOTO+ÖZƏL

Nikol Paşinyan Tovuz döyüşləri və Xocalı soyqırımı barədə danışdı

Oxunub: 4501

14 Aug 2020 | 14:02

Nikol Paşinyan Tovuz döyüşləri və Xocalı soyqırımı barədə danışdı

Baş nazir Nikol Paşinyan BBC-nin HARD Talk proqramına müsahibəsində Xocalı qırğınlarının erməni qüvvələri tərəfindən törədilməsini ictimai şəkildə rədd edən ilk Ermənistan lideri olub.

Ermənistan lideri ilə müsahibəni jurnalist Stephen Sackur aparıb. BBC-nin HARD Talk proqramında qonaqlara maksimum tənqidi və çətin suallar verilir.

Paşinyan iyul ayında baş vermiş Tovuz döyüşləri ilə bağlı suala cavabında Azərbaycanı "ilk hücumu etməkdə" ittiham edib. Azərbaycan, bundan əvvəl, bəyanatlarında Tovuz döyüşlərində "ilk hücuma" görə Ermənistanı ittiham edib.

Paşinyan etiraf edib ki, hər gərginləşmədən sonra beynəlxalq icma hadisənin iki versiyasını dinləyir. O söyləyib ki, buna görə də təmas xəttində monitorinq sisteminin quraşdırılmasına ehtiyac var.

Baş nazir qeyd edib ki, barışıq Ermənistanın birtərəfli hərəkətləri ilə əldə edilə bilməz. O, Azərbaycan Prezidenti İlham Əliyevi hərbi ritorikada və münaqişəni güc yolu ilə həll etmək cəhdində ittiham edib.

O, eyni zamanda, özünün Qarabağ - "Ermənistandır və nöqtə!" ifadəsini "minillik tarix" ilə əsaslandırıb.

"Mən niyə - Dağlıq Qarabağ, Artsax Ermənistandır - dedim? Birincisi, bir neçə min ildir ki, yerli erməni xalqı Dağlıq Qarabağda məskunlaşıb və yeri gəlmişkən, Artsax adının bir neçə min il yaşı var ", Paşinyan deyib.

O, bununla millətçi mövqe ifadə etməsi fikri ilə razılaşmayıb.

Sackur soruşub ki, Paşinyan ermənilərin Qarabağ münaqişəsi zamanı törətdikləri müharibə cinayətlərinə görə üzr istəməyə hazırdırmı?

Jurnalist konkret halların adını çəkməyib. Beynəlxalq müşahidəçilər hesab edirlər ki, 1992-ci ildə erməni qüvvələrinin Xocalıya hücumu bu münaqişədə mülki əhali arasında ən çox ölümə səbəb olub.

Ermənistan Baş naziri bu barədə sualdan qaçıb.

O, əvvəlcə bir neçə dəfə Xocalı sakinlərinin qətlə yetirilməsində Azərbaycan müxalifətini günahlandıran qəsd nəzəriyyəsini təkrarlayıb və bununla da, o, cinayəti açıq şəkildə rədd edən ilk erməni lideri olub.

Ona Ermənistanda koronavirusla mübarizə və Ermənistanın geo-siyasi yeri barədə suallar da verilib.

O, öz hökumətinin koronavirusla bağlı mübarizə addımlarının uğursuz olması fikri ilə razılaşmayıb.

Yerevanın Rusiyanın müttəfiqi kimi qalacağı və ya Avropa İttifaqı və NATO-ya doğru irəriləyəcəyi barədə suala cənab Paşinyan deyib ki, Ermənistan Moskvanın strateji tərəfdaşıdır, eyni zaman da Avrasiya İttifaqının üzvüdür.

O qeyd edib ki, ölkə daxilində islahatların aparılmasına əsas dəstəyi Aİ-dən alır, eləcə də ölkə ordusu NATO ilə əməkdaşlıq edir, Əfqanıstan və digər ölkələrdə sülhməramlı missiya blokunda iştirak edir.

Aparıcının bu sualı bir az hipotetik sayıla bilər. Ermənistanən Aİ-yə və ya NATO-ya üzvlüyü barədə nə Brüssüldə, nə də Yerevanda söhbət gedir.