Rusiya tərəfindən İsgəndər raket sisteminin ermənilərə verilməsi ancaq və ancaq Bakını vurmaq üçün veilmişdir.

Son günlər ölkənin gündəmində 2 mühüm hadisə önə çıxdı. Bunlardan biri Türkiyənin Müdafiə Naziri və Silahlı Qüvvələri komandanlığının tam tərkibdə ölkəmizə səfəri, digəri Azərbaycan prezidentinin Rusiya prezidenti ilə telefon danışığı oldu. Putinlə Tovuzda hərbi əməliyyatların getdiyi 17 iyuldan başlayaraq Rusiyanın Ermənistana 400 ton müasir silah və hərbi texnika göndərməsi məsələsi müzakirə olunub, onun diqqətinə Azərbaycan cəmiyyətində yaranmış narahatlıq və narazılığın çatdırılmasının ictimayətə açıqlanmasına ilk dəfə rast gəldik. 

Bu hadisə kimi, hazırkı şəraitdə Türkiyə tərəfinin inanılmaz qətiyyətli mövqedən çıxış edərək, hərbi rəhbərliyin hansısa ölkəyə belə geniş heyətlə səfəri də bir ilkdir. Bununla Türkiyə bütün gücü ilə Azərbaycanın yanında olduğunu nümayiş etdirir. Türkiyənin qətiyyətli mövqeyində prezident Erdoğanın cəsarəti və prinsipallığı mühüm rol oynayır. Hazırkı Türkiyənin 90-cı illərdə “Kızıl ordunu karşıma alamam” deyən ehtiyatlı Dəmirəl Türkiyəsindən fərqi həm də budur. Son illər Hərbi sənayesini inkişaf etdirib, müasir silahlarla ordusunu modernləşdiriən Türkiyə Rusiya ilə qarşılıqlı maraqlara əsaslanan əməkdaşlığa üstünlük verib və Rusiya bu prinsiplərə zidd addım atdıqda (Suriya və Livyada olduğu kimi) onun qarşısında durmağı bacarıb. Uzun illərdir çoxsaylı görüşlər keçirib bir-birini yaxşı tanıyan Erdoğanla Putin ən kritik anlarda və mübahisəli məsələlərdə anlaşa biliblər. Sıra indi Qafqazlara gəlib. Azərbaycan ərazilərinin işğalının davam etməsinə Azərbaycanla bərabər Türkiyə də dözə bilmir. İşğal olunmuş ərazilərin azad edilməsi, Türkiyə üçün qardaşa yardımla bərabər, hər iki ölkə üçün həm də strateji məsələdir. İşğalın davam etməsi Azərbaycanın dövlət kimi varlığına tahdid, Türkiyənin Azərbaycana və Orta Asiyaya tam gücü ilə açılmasına əngəl yaradır. İşğal bitərsə, Türkiyə Gürcütan və İrandan keçən yollardan, daha tez və qısa yolla Naxçıvan üzərindən Orta Asiyaya çata bilər. 

Münaqişələrin həllində bəzən,vəziyyəti kəskinləşdirib onu həll etmək metodu tətbiq edilir. Min illik dövlət təcrübəsi olan Türkiyənin vəziyyəti gərginləşdirib, işğala son verməkdən, 27 ildir müxtəlif bəhanələrlə boyun qaçıran Rusiya ilə forpostu Ermənistanı danışıqlar masasına otrutmaqdan başqa seçimi qalmayıb. Türkiyənin bu qətiyyətli mövqeyi ilə Azərbaycan dövləti və cəmiyətinin ayaqlaşması şərtdir. Əks halda Türkiyə “sülh prosesini” pozan və “bölgəni müharibəyə sürükləyən” ölkə durumuna düşə bilər. Başa düşmək lazımdır ki, Türkiyə demokratik ölkədir və sabah keçiriləcək seçkilərdə qalib gələn başqa partiya indiki hökümətin tutduğu qətiyyətli mövqeni sərgiləməyə bilər. Tarixi şanslar 100 idən bir olur və bu şans da əldən buraxılsa, o zaman Azərbaycan üzləşdiyi acı taleyi ilə barışmalı olacaq. 

Rusiyanın Ermənistana silah göndərməsi və skandalı üzə çıxaran jurnalistin sorğusuna Rusiya səfirliyinin sayğisiz cavabı təəccüblü olmadı. Səfirliyin cavabını  imperialist təfəkkürlə idarə olunan Rusiyanın bir vətəndaşa deyil, Azərbaycan dövlətinə münasibəti kimi də dəyərləndirilə bilər. 

Bu Rusiyanın Azərbaycana qarşı ilk hərəkəti deyil. 1992-93-cü illər Qarabağ savaşında Rusiyanın 15,164,167-ci diviziyalarının şəxsi heyətinin ermənilərin tərəfində döyüşməsi faktlarını, jurnalist Nevzorovun Ağdərədə vuruşan Pskov desant diviziyasının əsgərləri ilə rastlaşdığı haqqında dedikləri və Gümrüdəki hərbi hissə komandirinin müsahibəsi də təstiqləyir. Döyüşlərdə əsir götürülən 13 rus əsgərinin məsələsi 1993-cü ildə iki ölkə arasında müzakirə edilən məsələlərdən biri olmuşdu. 

1994-cü ildə Bişkekdə imzalanan atəşkəsdən sonra Rusiyanın Azərbaycanı iqtisadi blokadaya alması və əvəzində Ermənistana 1 milyard dollarlıq silah,sursat və hərbi texnika hədiyə etməsi iki ölkə arasında münasibətləri gərginlik yaratmışdı. 

O zaman Azərbaycanın etirazlarına Rusiya qeyri-müəyyən cavablar verib, məsuliyyəti hansısa qrupların üzərinə atmağa cəhd etdi.Bu məsələnin Dövlət Dumasında araşdırılmasını tələb edən general Roxlin qətlə yetirildi. Baş verənlər Yeltsin zamanında yaranmış hakimiyyət boşluğu ilə izah edilsə də, indi hakimiyəti öz əlində tam cəmləyən Putin dönəmində bu bəhanələrə imkan yox. 2016-ci ildən Rusiya İsgəndər raket sistemləri daxil müasir silahlarla Ermənistanı silahlandırmağa başlayıb.. Rusiyanın Ermənistana İsgəndər raket sistemini verməsi Azərbaycana qarşı düşmənçilik hərəkətidir. Bunun başqa adı yoxdur. Çünki bu silah Ermənistana bilavasitə Bakını hədəf almaq məqsədi ilə verilib. Döyüşlər həmişə lokal olaraq döyüş bölgəsində getdiyindən,tərəflərin bu cür silahlara ehtiyacı yoxdur. Lakin bu cür uzaq mıənzilli silah ermənilərə ancaq və ancaq Bakını vurmaq üçün veilmişdir. Bax Rusiyanın əsil mahiyyəti budur. Məhz Rusiyanın dəstəyinə arxalanan avantürist erməni siyasiləri və hərbçiləri Mingəçevir su anbarını, Bakını və Xəzərdəki neft platformalarını vura biləcəklərini bəyan edirlər. 

Hazırda göndərilən silahlar 2016-cı il aprel döyüşlərində Ermənistan ordusunun qarşısında aciz qaldığı İHA-lara qarşı istifadə olunan müasir müdafiə sistemləridir. Tovuz hadisələri zamanı Rusiyanın Ermənistana Vaqner qruplaşması muzdlularını göndərməsi də unudulmamalıdır. Minsk Qrupunun həmsədrlərindən olan Rusya münaqişənin həllinə yardım etmək əvəzinə, tərəflərdən birini silahlandırmaqla məşğuldur. Azərbaycan tərəfindən bu günədək Rusiyanın maraqlarına zərər verəcək heç bir addım atılmasa da, Rusiya imperialst siyasətini davam etdirməkdə. Forpost Ermənistan Rusiyanın Qafqaz, İran, Türkiyə və Orta Şərq siyasətini həyata keçirməsi üçün istifadə etdiyi ərazidir. Qafqazda sabitliyin yaranmasının qarşısını almaq məqsədilə münaqişə zonaları yaradan Rusiya, Ermənistanı özünə daha sıx bağlamaq məqsədilə Azərbaycan ərazilərinin işğalına yardım edərək, onun bölgədə həyata keçirilən beynəlxalq layihələrdə iştirakının qarşısını aldı.  

Azərbaycan cəmiyəti Rusiyanı mədh edib, Qarabağ məsələsini həll edəcəyini hər vəchlə gözə soxmağa çalışanlardan  bu xain hərəkətə münasibət bildirməsini gözləyir. Hələ Rusiyanın orden medallarını sinələrində gəzdirənlərin verilən mükafatdan imtinasını demirəm. Necə ki, bunu 2008-ci ildə Rusiyanın Gürcüstanı işğalına etiraz olaraq məşhur Vaxtanq Kikabidze etmişdi. 

İşğal altındakı torpaqların azad edilməsi üçün uyğun şərtlər yaranmaqda, Rusiya Belarusda baş verənləri həyəcanla izləməkdədir. Rusiyanın Belarusa qoşun yeridərək Ukrayna və Litvanı təhdid altında saxlamaqla gələcəkdə SSRİ-ni bərpa etmə planı suya düşmüş kimi görünür. Qonşularına qarşı izlədiyi aqresiv yayılmaçı siyasət, post sovet məkanında anti Rusiya əhval ruhiyyəsini gücləndirməkdə. Rusiyadakı etiraz dalğaları Putinin vəziyyətinin çox da sağlam olmadığını göstərir. Hətta bəzi ekspertlər Putinin hakimiyyətinin uzun sürməyəcəyi qənaətindədir. 

Belə şəraitdə ərazi bütövlüyümüzün təmin olunmasının yubadılması bağışlanmaz səhv olar. 

Cəmiyyətdə yaradılmış Rusiya qorxusuna son verib, milli həmrəyliyi təmin edərək konkret addımlar atılmalıdır. Türkiyənin Azərbaycanda hərbi bazalarının yaradılması cəmiyyətin əksəriyyətinin istəyidir. Qanunvericilik və s. məsələlər kimi  müəyyən prosedurların həyata keçirilməsi zaman alacağınından, vaxt itirmədən  Türkiyə ilə hərbi əməkdaşlığı dərinləşdirib, son illərdə uğurlu hərbi əməliyyatları idarə etmiş Türk hərbçilərinin dəstəyilə Müdafiə Nazirliyi müasir standartlara cavab verən, effektiv idarə və koordinasiya edilən quruma çevrilməli, Azərbaycan ordusu istənilən an və şəraitdə döyüşə hazır savaş ordusu vəziyyətinə gətirilməlidir. Bundan sonra düşməni danışıqlar masasına oturmağa məcbur, bu mümkün olmadığı təqdirdə darmadağın edərək əraziləri işğaldan azad etmək mümkündür. 

O zamana qədər isə Azərbaycanın icazəsi olmadan Ermənistandan Qarabağa gələn hərbi və siyasi rəhbərliyin məhv olunacağı bəyan edilməli və həyata keçirilməlidir. Onlarla bərabər separatçı rejimin başındakı cinayətkarlar da eyni aqibəti yaşamalıdır. !!!