“Erməni xisləti dəyişən deyil, odur ki, daim ayıq-sayıq olmalıyıq”
Artıq 14-cü gündür ki, Azərbaycan ordusunun uğurlu əks-hücum əməliyyatları davam edir.
Moderator.az olaraq peşəkar cərrah Mahmud İsmayılovla söhbətimizdə ordumuzun uğurlu hərbi əməliyyatları ilə yanaşı, ölkədəki mövcud durum, xalq-dövlət birliyi və s. kimi məsələləri şərh etməyə çalışdıq.
-Mahmud müəllim, artıq iki həftədir ki, hərbi əməliyyatlar davam edir. Öncə bu əməliyyatların gedişatı ilə bağlı düşüncələrinizi bilmək istərdik.
-Əvvəla, hərbi əməliyyatlar zamanı şəhid olan hər bir döyüşçümüzə Allahdan rəhmət diləyirəm. Allah onlara qəni-qəni rəmət eləsin, qəbirləri nurla dolsun. Inanıram ki, bu dəfə şəhidlərimizin qanı yerdə qalmayacaq. Azərbaycan xalqını isə təbrik edirəm. Nəhayət ki, səbr kasamız daşdı, dövlətlə xalqın birliyini təmin edib düşmənlə müqəddəs müharibəyə başladıq. Bu münasibətlə həm xalqımızı, həm də Ali Baş Komandanımızı təbrik edirəm. Inanıram ki, bu müharibə bizim qələbəmizlə başa çatacaq, xalqımız bu bəladan birdəfəlik xilas olacaq.
Hər zaman bildirmişəm ki, biz Qarabağı kəndbəkənd, postbapost geri qaytarmalıyıq. Şükür Allaha ki, həm geosiyasi vəziyyət, həm də dövlətimizin qüdrəti buna imkan verdi, torpaqlarımızı geri almağa başlamışıq. Bu əməliyyatlar işğaldakı bütün torpaqlarımız tam azad olunana qədər davam etdirlməlidir və etdiriləcək. Yalnız bu torpaqlar azad ediləndən sonra biz hərbi əməliyyatları dayandıracağıq.
-Torpaqlar azad ediləndən sonra Qarabağdakı ermənilərlə bağlı hansı addımlar atılmalıdır?
-Qarabağda yaşayan ermənilərin müqəddəratına gəlincə, hər zaman bildirmişik ki, onlar Azəbaycan vətəndaşlarıdır. Azərbaycanda çoxsaylı millətlərin nümayəndələri yaşayır. Qarabağdakı ermənilər də istəsələr, burada yaşaya bilərlər. Təbii ki, əgər onlar müharibədə iştirak edib qan töküblərsə, soyqırımında iştirak ediblərsə, o zaman bir cinayətkar kimi qanun qarşısında cavab verməlidirlər. Onların digər xalqlardan heç nəyi artıq deyil. Onlar sovet dönəmində də Azərbaycanın dilbər guşələrində yaşayıblar. Əgər istəsələr, yenə də qalıb burada yaşaya bilərlər.
1995-ci ildə Yuqoslaviya dağılanda Serb Kraynası deyilən bir respublikası var idi. Onlar hətta muxtariyyətlə də razılaşmır, müstəqil dövlət olmaq istəyirdilər. Hansı ki, bu respublika Xorvatiyanın “göbəyində” yaradılmışdı. O zaman xorvatlar beynəlxalq vəziyyyətdən istifadə edərək güc topladılar və cəmi bir həftə ərzində Serb Kraynasını dağıtdılar və 25 il ərzində bu qurumu yada salan kimsə yoxdur. Ermənilərin Qarabağda qurduğu “dövlətcik” sabun köpüyü kimi bir şeydir və biz torpaqlarımızı azad edəndən sonra “DQR” deyilən bir şey mövcud olmayacaq. Bu qurama “dövlət” tarixin zibilliyinə atılacaq.
-Sizcə Qarabağ problemninin sülh və ya mühariə yolu ilə həll edilməsindən asılı olmayaraq, Azərbaycan xalqına qarşı hərbi cinayətlərdə iştirak edən ermənilərin müəyyənləşdirilib məsuliyyətə cəlb edilməsi təmin olunmalıdırmı?
-Şübhəsiz. Biz ermənilərə heç vaxt Azərbaycan torpağından çıxıb gedin deməmişik. Xocalıda, Ağdabanda millətimizin nümayəndələrini çarmıxa çəkənlər əlbəttə ki, öz cəzasını çəkməlidir və çəkəcək də.
Bu günlərdə təqdim edilən videodan da gördünüz ki, işğal edilən ərazilərimizdə ələ keçən, Ermənistandan gəlib düşmənin işğal etdiyi torpaqlarımızda satıcı işləyən qadınla əsgərlərimiz çox mədəni şəkildə rəfdar etdi. Halbuki, bir anlıq düşünün ki, hər şey tərsinədir, Azərbaycan qadını erməni əsgərlərinin qarşısına çıxb, onda onun başına hansı müsibətlərin gətiriləcəyini hər kəs təsəvvür edir. Bizim əsgərlərimizlə erməni qadını ilə nəzakətlə davrandılar, həmin qadın Bakıya gətirildi. Ölkəmiz bütün dünyaya göstərdi ki, ordumuzun mülki şəxslərlə heç bir işi yoxdur.
-Mahmud müəllim, Ermənistanın Azərbaycan ordusuna qarşı mübarizəyə müxtəlif terror təşkilatlarının nümayəndələrini cəlb etməsi ilə bağlı rəsmi məlumatlar mövcuddur. Ermənilərin bir çox hallarda mülki şəxs kimi təqdim etdiyi bu şəxslərin də, əslində terror təşkilatlarının nümayəndəsi olması ehtimalı necə, mövcuddurmu?
-Qeyd etdiyiniz kimi, ermənilərin mülki şəxsləri cəbhə xəttinə, habelə işğaldakı torpaqlarımıza gətirməsi, burada yerləşdirməsi ilə bağlı vaxtaşırı məlumatlar yer alıb. Mən isə hesab edirəm ki, onların heç biri mülki şəxslər deyil. Onlar hərbçilər, terrorçular və onların əlaltılarıdır. Bu şəxslərə ona görə mülki paltar geyindirirlər ki, Azərbaycan ordusunun zərbəsi nəticəsində bu şəxslər həlak olanda, onların şəklini çəkib “Azərbaycan mülki insanları öldürür” deyə aləmə car çəksinlər. Topun, “Qrad”ın yanına mülki paltardakı bu şəxslərin tez-tez müşahidə edilməsi bundan xəbər verir. Əgər sən mülki şəxssənsə, o zaman hərbi texnikanın, tankın, topun yanında nə işin var? Orada nə axtarırsan? Bu, erməni hiyləsindən başqa bir şey deyil.
-Erməniləri bir millət, bir toplum kimi necə xarakterizə edərdiniz?
-Ermənilər çox hiyləgər, satqın, yaltaq, qapıdan qovanda pəncərədən gələn, pəncərədən qovanda damdan girən bir millətdir. Eyni zamanda, çox qorxaq millətdirlər. Atam hər zaman deyirdi ki, erməni qan gördüsə, öldü. Bu millətin xisləti budur.
Ermənilər 70-ci illərdə bir abidə qoymuşdular. Bu abidə onların Dağlıq Qarabağa köçməyinin 150 illiyi ilə bağlı idi. Bu abidə Qarabağa köçməkləri münasibəti ilə qoyulsa da, sonradan bunu başqa adla adlandırmağa başladılar. O vaxtdan daha 50 il keçib. Bu gün onların Qarabağa köçməklərindən 200 il ötüb. 200 ildə ermənilər addım-addım bizim torpaqlarımızı əlimizdən alıblar. Bu 200 ildə ilk dəfə olaraq öz torpaqlarımızı geri almağa başlamışıq.
-Torpaqlarımızın işğaldan azad edilməsi istiqamətində atılan addımlar ölkə başçısı, Azərbaycan ordusunun Ali Baş Komandanı İlham Əliyevin tarixdəki yerinə və statusuna necə təsir göstərəcək?
-Bilrisiniz, bəzən elə vətəndaşlarımız olurdu ki, onlar bunca müddət ərzində torpaqlarımızın işğaldan azad edilməməsi ilə bağlı narahatlıqlarını bildirirdilər. Mənsə bildirirdim ki, geosiyasi vəziyyəti nəzərə almaq lazımdır. Geosiyasi vəziyyət imkan verən kimi, Ali Baş Komandan ordumuza müvafiq əmr verəcək, torpaqlarımızın işğaldan azad edilməsinə başlayacaq. Çünki bu, hər şeydən öncə şərəf məsələsidir. Hər bir dövlət başçısı bu qələbəni qazanıb adını tarixə yazdırmaq istərdi. Möhtərəm prezidentimiz də bu tarixi fürsəti əldən vermədi. Bu qələbədən sonra onun adı Azərbaycan tarixinə qızıl hərflərlə yazılacaq. Bu, belə də olmalıdır.
-Sizcə Qarabağla bağlı məlum situasiyanın bu həddə gəlib çatmasında Ermənistanın baş nazirinin hansı rolu oldu?
-Paşinyan hakimiyyətə gələndən bizim bir çox siyasətçilər, politoloqlar hər gün onun əleyhinə danışaraq bildirir ki, o, Ermənistanı bərbad günə qoyub, Ermənistanı idarə edə bilmir, Ermənistan dağılacaq və s. Bəs biz nə istəyirik? Mənsə hesab edirəm ki, şükürlər olsun ki, Ermənistanda hakimiyyətə Paşinyan kimiləri gəlib. Biz çalışmalıyıq ki, Paşinyan hakimiyyətdə maksimum çox olsun. Bizim Ermənistan adlı dövlətlə işimiz yoxdur. Paşinyan bizi məcbur etdi ki, gəlin torpaqlarınızı alın. Paşinyan bilirdi ki, o, bu məsələdə hər hansı güzəştə getsə, dərhal hakimiyyətdən salınar. Bizə elə Paşinyanın Ermənistanı bərbad günə qoymağı laızmdır. Məgər bizə lazımdır ki, Ermənistan çiçəklənsin? Nəyimizə lazımdır? Paşinyanın hakimiyyətə gəlməyi bizim üçün şans oldu və bu gün biz bu şansdan istifadə edirik.
-Ölkə başçısı mütəmadi olaraq televiziyalar vasitəsi ilə xalqa ordumuzun qələbə xəbərlərini çatdırır, işğaldan azad edilən yaşayış məntəqələrinin adlarını açıqlayır. Bu xəbərləri eşidən zaman hansı hislər keçirirsiniz?
-Hər bir yaşayış məntəqəsinin azad edilməsi ilə bağlı məlumat alanda, istər-istəməz ağlayıram. Bu, qəhərdimi, sevinc göz yaşlarıdırmı bilmirəm. Susuz səhrada qalan insanın ciyəri su üçün necə yanırsa, bizim də bu illər ərzində ciyərimiz torpaqlar üçün o cür yanıb. Şükür ki, indi o suyu açıblar və ciyərimizin yanğısı sönməkdədir. Mən fürsətdən istifadə edib Ali Baş Komandana demək istəyirəm ki, xahiş edirəm, işğaldan azad edilən kəndlərin hamısının adını eyni gündə çəkməyin. Mümkünsə, onların adını 2-3 saatdan bir ayrı-ayrılıqda çəkin ki, sevincimiz də davamlı olsun. O qədər səbirsizləşmişik ki, növbəti qələbə xəbərini almaq üçün 1-2 gün belə gözləyə bilmirik.
Inanıram ki, tezliklə qələbəyə qovuşacağıq. Mən 30 il ərzində xalqımızın, dövlətimizin bu qədər bir olduğunu görməmişdim.
-Mahmud müəllim, aydındır ki, işğladakı torpaqlarımız azad ediləndən sonra, Azərbaycanın digər bölgələrində məskunlaşan məcburi köçkünlərimiz öz doğma yurdlarına qayıdacaq. Sizcə o zaman məcburi köçkünlər üçün Bakı, Sumqayıt və s. şəhərlərimizdə salınan qaçqın şəhərciklərinin aqibəti necə olacaq? Buradakı evlərin kimlərə verilməsi, bu evlərdə kimlərin məskunlaşması daha ədalətli və məntiqli olar?
-Bütün məcburi köçkünlərimiz illərdir ki, həsrətlə öz el-obalarına köçəcəkləri günü gözləyir. Əminəm ki, dövlətimiz tərəfindən işğaldan azad ediləcək rayonların bərpa planı çoxdan mövcuddur. Bu plan müəyyən əlavə və dəyişikliklərlə yüksək səviyyədə həyata keçiriləcək və insanlarımızın yenidən bu torpaqlarda məskunlaşdırılması təmin ediləcək.
Bakı, Sumqayıt, Abşeron və s.ərazilərdə məcburi köçkünlər üçün tikilən binalara gəlincə, hesab edirəm ki, bu evlər evsiz hərbçilərimizə verilməli, onların mənzilə olan ehtiyacı bu evlər hesabına təmin edilməlidir. İnanıram ki, dövlət bu evləri hərbçilərimiz, müharibədə şəhid olan insanlarımızın ailə üzvləri, müharibə əlilləri arasında bölüşdürəcək. Bu insanlarımız da evlə təmin olunacaq.
Yəqin ki, müharibə başa çatandan sonra bu böyüklüyündə ordunu saxlamağa ehtiyac olmayacaq. 15-20 ildir ki, səngərdə qalan, torpaqlarımızı düşməndən qoruyan hər hansı bir zabiti, hərbi qulluqçunu sonda evsiz kimi taleyin ümidinə buraxmaq olmaz. Düşünürəm ki, boşaldılan qaçqın şəhərciklərindəki evlərin bu insanlara verilməsi daha ədalətli və faydalı olar.
-Qarabağla bağlı daha hansısa arzunuz, tövsiyyəniz varmı?
-Mən işğalda qalan digər torpaqlarımızın ən qısa zamanda azad edilməsini arzu edirəm. Xocalının, Kəlbəcərin, Şuşanın, Laçının azad ediləcəyi günü səbirsizliklə gözləyirəm. Xocalının, Daşaltının, Ağdabanın qisası qiyamətə qalmayacaq. Xalqımıza qarşı vəhşiliklər törədən erməni hərbçiləri öz cəzasını alacaq. Necə ki, artıq onların əksəriyyəti öz cəzasını alıb, hərbçilərimiz tərəfindən cəhənnəmə vasil ediliblər. Yerdə qalanları da eyni aqibət gözləyir.
Erməni xisləti heç vaxt dəyişməyəcək. Onlar Avropa və dünyadakı diplomatlarımıza, hərbçilərimizə qarşı hücumlarını, məkirli fəaliyyətlərini davam etdirəcəklər. Buna görə də, dövlətimiz də, xalqımız da daim ayıq-sayıq olmalıdır. Hər bir azərbaycanlı, hər bir türk anadan olandan ölən günə kimi ermənilərdən gələ biləcək təhlükəni daim nəzərə almalıdır.
Seymur ƏLİYEV
