Erməni əsilli rusiyalı kinorejissor Karen Georgiyeviç Şaxnazarov Qarabağın Azərbaycan torpaqları olduğunu etiraf edib.

Rusiyalı jurnalist Vladimir Solovyovun qonağı olan Şaxnazarov bildirib ki, Qarabağda baş verən hadisələr Ermənistan rəhəblriyinin düşünülməmiş addımlarının nəticəsidir.

- Əgər doğrusunu demək lazımdırsa, etiraf etməliyik ki, Ermənistan rəhbərliyi Qarabağ uğrunda mübarizəsində Ermənistanı itirməmək üçün nə etməli olduğunu düşünməlidir. Bu, kifayət qədər çətin vəziyyətdir. Təəssüf ki, baş verən hadisələrin böyük hissəsi Ermənistan rəhbərliyinin düşünülməmiş fəaliyyətinin nəticəsidir. Vəziyyət belədir ki, istədin-istəmədin, Azərbaycanın ərazi bütövlüyü problemini tanımaq və erməni sakinlərə bu regionda yaşayıb, mədəniyyətini inkişaf etdirməyə zəmanət verəcək hər hansı bir statusun müəyyən edilməsi yollarını axtarmaq lazımdır. Başqa heç bir yol yoxdur. O illüziyalar ki, erməni cəmiyyəti yaşayır, yeri gəlmişkən, ay nə bilim, “biz İsrail kimiyik”, yox, İsraildə vəziyyət tamam başqadır. Əvvəla, İsrail daha güclü dövlətdir, ikincisi, yəhudi diasporu erməni diasporundan dəfələrlə qüvvətlidir. Uşaqlar, siz düşünməliydiniz ki, zərgərliklə məşğul olmaq lazımdır, yoxsa bank...

- Başa düşmədim, ermənilər zərgərliklə məşğul olmur?

- Ermənilər məşğul olur, yəhudilər məşğul olmur. Onlar bunun əvəzində banklar alır, mətbuat əldə edir və Hollivud tikirlər... Başa düşürsənmi? Təsir etmək istəyirsinizsə, belə edin.

 

- İsrail həm də güclü silah istehsal edir.

- Qarabağ məsələsini postsovet məkanında heç bir problemlə müqayisə etmək olmaz. Bu, Abxaziya olsun, Cənubi Osetiya, Donbas... Hamısının Rusiya ilə sərhədi var. Qarabağ Azərbaycanın içindədir. Bundan başqa, iki rayon barədə ki, söhbət gedir, axı onlar da Azərbaycan rayonlarıdır. Əgər yeddi rayon qaytarılsa, Qarabağ neyləyəcək? Bu gün heç bir real huquqi imkan yoxdu ki, Rusiya bu məsələyə müdaxilə eləsin. Rusiya Ermənistanın maraqlarını təmin etməlidir, amma necə? Sən deyirsən. Axı Rusiya hansı əsasla müdaxilə etsin?

- Genosid təhlükəsi adı altında!

- Genosid təhlükəsi... Harda?

- Dağlıq Qarabağda.

- Genosid təhlükəsini heç kim tanımır.

- Azərbaycanın prezidenti, - ona necə münasibət bəsləməkdən asılı olmayaraq, - çox inandırıcı danışır. O, həmişə deyir ki, ermənilər və Azərbaycanlılar birgə yaşayacaqlar. …

- Genosid hüqiqi termindir.

- Əlbəttə, vəziyyəti dəyərləndirəndə gerçəkləri demək lazımdır. Özümüzü aldatmaq olmaz. Özümüz aldatmamalıyıq. Məlum məsələdir ki, Qarabağın müstəqilliyini heç kim tanımır.

Qeyd edək ki, Şaxnazarovun bu etirafı Ermənistanın Qarabağda məğlub olduğunu təsdiqləyən növbəti faktdır.