Hərbi jurnalist Mirzə Hüseynovun Moderator.az-a müsahibəsini təqdim edirik:

- Bildiyim qədər Azərbaycanda jurnalistika sahəsində hərbi jurnalistika fakültəsi yoxdur.Hərbi jurnalist kimi formalaşmaq üçün, gərək sırf bu sahə üzrə çalışasan və təcrübə toplayasan.Təcrübə əsasdır.Bir neçə jurnalı, qəzeti və ya kitabı oxumaqla,  peşəkar  hərbi jurnalist olmaq mümkünsüzdür.

- İlk növbədə qeyd edim ki, mən hələ uşaq yaşlarından hərb sahəsi ilə maraqlanmışam.Bu sahədə əsas olan maraq və istəkdir. Ilk təcrübəm təbii ki hərbi xidmətdir.Ardınca jurnalistika təhsili və s. 2014 cü ildə Azad Azərbaycan televiziyasında "Komando" hərbi analitik proqramının aparıcısı kimi fəaliyyətə başladım. Qısa müddət sonra verilişin redaktoru, prodüseri, ssenari müəllifi kimi öhdəlikləri də, öz üzərimə götürdüm. Demək olar ki, ölkəmizin qoşun növləri üzrə, xüsusi ilə Müdafiə Nazirliyinin hərbi hissələri, birlik və birləşmələri, müxtəlif təyinatlı bölmələrinin hər birində olmuşam. Silah və texnika ilə vizual olaraq əyani şəkildə tanış olmuşam. Peşəkar hərbçilərimizin və zabitlərimizin hansı ki, onların arasında generallar və milli qəhramanlarımız da var, onların şərhlərinə diqqətlə qulaq asmışam, bilmədiyim şeylər haqqında suallarımı ünvanlamışam. Zaman keçdikcə biliklərimi daha dərindən sinxronlaşdırmağı və analiz etməyi öyrəndim. Aprel döyüşləri və ondan sonraki dövr mənim üçün böyük təcrübə oldu.

- Bilirsiniz, hərbi sirr dövlət sirri qədər önəm daşıyır. Təbii ki, mənimdə bilib paylaşa bilmədiyim, hərbi sirr statusu daşıyan müəyyən şeylər var. Mən ilk növbədə bunu Azərbaycan Ordusunun təhlükəsizliyi üçün, ikincisi qaydalara əməl etmək üçün, üçüncü isə vətəndaş məsuliyyəti hesab edərək, paylaşmıram, kiminləsə bölüşmürəm və ya ipucu vermirəm. Bu hər birimizin vətəndaşlıq borcudur. Xüsusi ilə hazırki vəziyyətdə. Bildiyiniz kimi dünən DTX  bununla bağlı xəbərdarlıq mətni yayımladı.

- Deyə bilərəm ki, son  7 gündə  bu məsələ barədə gücləndirmə var. Xalqımızın sevincini, vətənpərvərlik hisslərini, hazırki psixoloji atmosferi dövlət qurumları da çox gözəl anlayır.Məhz buna görə ilkin olaraq həmin şəxslərə xəbərdarlıq edilir. Daha sonra belə hal təkrarlansa, dövlət sirrini yayma maddəsi ilə həmin şəxslərə qarşı cinayət işi açılacaq və məsuliyyətə cəlb olunacaqlar. Ona görə fürsətdən istifadə edib bir daha vətəndaşlarımızdan şəxsən xahiş edirəm ki, belə məsələlərdə diqqətli olsunlar. Yaxınları, qohumları, onlara döyüş bölgəsindən foto, video materiallar yollasalar da və ya telefonda şifahi məlumat versələr də, bu materialları və məlumatları heç bir sosial şəbəkədə və real həyatda heç kimlə, hətta ən yaxın dostları, qohumları ilə belə paylaşmasınlar.Unutmasınlar ki, belə paylaşımlarla cəbhədə döyüşən hərbiçilərimizin həyatını təhlükə qarşısında qoyur. Onlar üçün böyük problemlər yaradır. Yerlərini dəyişməli olurlar, plan dəyişdirməli olurlar və s.

- Bilirsiz, bu gün Azərbaycan xalqı bəlkə də, heç vaxt yaşamayacağı tarixi günləri yaşayır.Biz xoşbəxt insanlarıq ki, bu günləri canlı görürük, bu xəbərləri eşidirik, bi sevinci yaşayırıq.Bu qələbə bizim üçün çox böyük əhəmiyyət daşıyır.Həm siyasi, həm mənəvi, hərbi, iqtisadi bir sözlə bir çox sahələrdə üzümüzə böyük qapılar açacaq bir fəaliyyət həyata keçirilir.Torpaqlarımız azad olunur, ölkəmiz dünyaya necə güclü dövlət olduğunu və haqqımızı heç kimə yedirməyəcəyimizi, həmçinin ən əsas olan heç bir ölkənin və ya super gücün vassalı olmadığımızı sübüt edirik və edəcəyikdə. Cənab prezident, Ali Baş Komandan İlham Əliyevin rəhbərliyi altında bu gün bir yumruq kimi birləşmişik.Təsəvvür edin qatı müxalifətçilər belə bu gün prezidentimizi və hazırki hökuməti tam olaraq dəstəkləyir və bunu açıq olaraq bəyan edir. Bu tarixi andır. Bu yatmış xalqın qəflət yuxusundan oyanmasıdır. Azəri türklərinin necə əzmli,vətənpərvər, qətiyyətli və mübariz olmasının nümunəsidir. Indi biz kiminsə ağzından çıxacaq sözü gözləmirik, kimlərsə bizim qərarlarımızı və açıqlamalarımızı gözləyir.Ümumiyyətlə yadda saxlayın güclü ordu hər bir dövlətin qarantıdır və biz bunu döyüş meydanında sübut etdik.

- Jurnalistlər müvafiq icazə sənədlərini əldə etdikdən sonra cəbhədə çəkilişlər apara və reportajlar hazırlaya bilərlər.Ilk gündən indiyədək açıq döyüşün getdiyi heç bir mövqeyə, jurnalistlər buraxılmayıb.Bu addım onların təhlükəsizliyi üçün atılan addımdır.Bundan əlavə cəbhədən xəbərlər hazırlayan və cəbhə xəttində olan jurnalistlərin 95 faizi hərbi jurnalist deyil, xəbər müxbirləridir.Bu səbəbdən onların fəaliyyəti üçün bir qədər daha təhlükəsiz ərazidə şərait yaradılıb.Məsələn Tər-tər , Füzuli, Ağdam və s. kimi. Doğrudur, düşmən hər gün adını sadaladığımız əraziləri ağır artileriyadan və yaylım atəşli reaktiv sistemlərdən (YARS) həmçinin raketlərdən atəşə tutur.Jurnalistlərimiz həmin bölgədə ağır şərtlər altında çalışır və öz həyatlarını təhlükəyə atırlar.Bu böyük fədakarlıqdır.Lakin birdə var ki, açıq döyüşdə hərbi jurnalist kimi "stringer" fəaliyyəti aparasan.Bunun üçün həm təcrübə lazımdır, həm fiziki hazırlıq, həm hərbi təhsil, həm də soyuqqanlılıq. Əsl hərbi jurnalist əməliyyatların getdiyi ən son nöqtələrdə olur, reportajlar hazırlayır və onların reportajlarını milyonlarla insan izləyir çünki, onun hazırladığı materiallar bəlkə də qızıldan da qiymətlidir.Düşünürəm ki, 2 ci Qarabağ müharibəsindən sonra Azərbaycanda müasir fikirli, peşəkar hərbi jurnalistlər yetişəcək.Onu da qeyd edək ki, hazırki vəziyyətdə düşmənin mülki əhalini, hərbi tibbi yardım avtomobillərini atəşə tutmasını nəzərə alsaq, dövlətin bu sahədəki tətbiq etdiyi məhdudiyyəti və jurnalistlərin fəaliyyətinin bir qədər daha geridə təşkil edilməsi təqdirə layiqdir. Məsələn "Euronews" kanalının əməkdaşları stringer fəaliyyəti üçün azad olunmuş Talış kəndinə gəlmişdilər. Onlar yol ilə hərəkət edərkən, düşmən jurnalistlərin avtomobilinə "Kornet" tipli raket atmışdı. Xoşbəxtlikdən raket hədəfdən yayınmışdı. Lakin partlayışdan sonra avtomobilə ciddi ziyan dəymişdi. Avtomobilin üzərindəki (press) fərqləndirici nişanların olmasına baxmayaraq düşmən onlara "Kornet" tipli  tank əleyhinə raket atmışdı.

- Hazırda çalışdığım yer  çox təəssüf ki, media qurumu deyil.Öz ixtisasım üzrə çalışmıram, amma təbi ki təklif gəlsə çalışmaq istəyərəm. Düşünürəm, hər kəs sevdiyi işi icra etmək və həmin sahədə çalışmaq istər. Məsələn, hal hazırda davam edən vətən müharibəmizdə (stringer) hərbi jurnalist  kimi iştirak etmək istərdim, lakin təəssüf ki, bu mümkün deyil. Qismət olsa təbi ki, yenidən media sahəsində fəaliyyətimi davam etdirəcəm.

- Bilirsiz, hazirda çalışdığım sahə müvəqqəti xarakter daşıyır.Yəqin ki, televiziya, radio, və ya hər hansı bir KİV  -dən təklif gəlsə məmnuniyyətlə bu təklifi dəyərləndirərəm.Televiziyaya və digər KİV qurumlarına kənardan işə düzəlmək təəssüf ki, ölkəmizdə müşkül məsələdir.

- Bəli iki dəfə belə ekstrimal vəziyyətə düşmüşük. Dörd ildən artıq müddətdə bir çox bölmələrdə və döyüş mövqelərində olmuşuq. Belə deyək Qazaxın Məzəm kəndindəki ən təhlükəli mövqelərdən tutmuş, Lələtəpəyə qədər bütün postları gəzmişik. Əsgərlərimizlə görüşüb, onların əməyini və qəhrəmanlığını işiqlandırmağa çalışmışıq. Iki dəfə ekstrimal vəziyyətə düşmüşük, lakin qorxulu bir şey olmayıb. Olduğumuz mövqedən atəşə məruz qalmışıq, atəşkəs pozuntusunun canlı şahidi olmuşuq. Düşmənlə təmas xəttinin ən son nöqtəsində olmuşuq 120-170 metr məsafədə. Müəyyən qədər təhkükəli hallar baş verib, amma şəxsən mən həmin an sadəcə xoş adrenalin yaşamışam. Elə mənimlə çəkilişdə olan operatorlarda. Əziz Əzizov, Əli Hüseynov və s. Hazırda da, icazə versələr, ən qaynar nöqtədən reportajlar hazırlaya bilərəm..