Əkiz qardaşlar Rəşad və Elşad Əsədovların Moderator.az-a müsahibəsini təqdim edirik:

- Rəşad Əsədov- Məndən başlasaz daha yaxşı olar. Çünki mən daha hazırcavabam (gülür).

- Elşad Əsədov- Qardaşıma nisbətən mənim söz ehtiyyatım o qədər də çox deyil. Mən çox danışmaqdansa, dinləməyi sevirəm.

- Rəşad və Elşad Əsədovlar.. Bizə çox zaman elə “Əkizlər” deyə müraciət edirlər. 1995-ci ildə Ucarın Boyat kəndində doğulmuşuq. Valideynlərimizin dediyinə görə aramızda 5-10 dəqiqə fərq olub. İlk təhsilimizi Qaradağ rayonu, Sahil qəsəbəsində yerləşən 14 saylı xüsusi internat məktəbində almışıq.

Rəşad Əsədov- Mən qardaşımla 16 saylı peşə məktəbini bitirmişəm. Əsl sənətimiz qaynaqçı, təmirçi, çilingərdir. İkimiz də bu peşələrin incəliyini dərindən öyrənmişik. İkimizin də incəsənətə böyük həvəsimiz olub, məktəbdə tədbirlərdə iştirak etmişik. Aktyor kimi obrazlarda çıxış edib, müğənniləri parodiya edirdik. Bütün bunlara baxmayaraq İncəsənət Universitetində təhsil ala bilməmişik. Amma istərdik ki, bu universiteti bitirək, imkan ucbatından bu bizə qismət olmayıb. Amma hələ də gec deyil. Yaşımızdan aslı olmayaraq biz yenə də aktyor təhsili ala bilərik. Əsas həvəs və istək, bir də aktyorluq qabiliyyətidir.

- Elşad Əsədov- Bəli,oxşarlığımız çoxdur. Eyni yumurta əkiziyik. Elə olub ki, uşaqlıqda valideynlərimiz bizi hətta bir-birimizlə səhv də salıb. Böyüdükcə bir-birimizə oxşarlığımız daha da çox olurdu. Ona görə də bəzi hallarda  fərqli geyinirdik. Amma bütün  bunlara baxmayaraq yenə də bizi səhv salan insanlar olur.

- Rəşad Əsədov- Mənim qardaşım restoranda ofisiant idi. 17 yaşı var idi. Bir gün qardaşımın iş yoldaşı məni səhv salmışdı və hətta səhv saldığı üçün aralarında olan problemi də bilmişdim. Ona nə qədər  desəm də o mən deyiləm, yenə də başa düşmürdü (gülür). Bu kimi hadisələr çox olub.

- Elşad Əsədov- Elə olub ki, kor bağırsaqdan əməliyyat olunmuşam, üstündən bir müddət keçəndən sonra qardaşım Rəşad da eyni əməliyyatı keçirib. Bilmirəm bu əkizlərdə olan xüsusiyyətdir yoxsa nədir, ama belə hallar çox olub.

- Rəşad Əsədov- Bəli, qardaşımla məni hərbi xidmətdə də ayırmayıblar. Çağırış ikimizə də eyni gün, eyni saat və hətta eyni hərbi hissəyə olub. Hərbi hissəyə daxil olanda düşünürdüm ki, bizi ayıracaqlar. Amma yenə də bizi ayırmadılar. Hamı bizi görüb təəccüblənirdi. Komandirimizin əkiz övladı olduğuna görə bizi daha da çox istədi və öz bölüyünə götürdü, bizi yenə də bir-birindən ayırmadı.Yeri gəlmişkən komandirimiz, mayor Ramid Hacıyev bu günlərdə şəhidliyə qovuşdu. Hərbi xidmətdə ilk gün qardaşım qızdırmalı oldu və hərbi həkim onu nəzarətə götürdü. Dedi ki, get istirahət et. Üstündən 20 dəqiqə keçmədi ki, mənim də vəziyyətim pisləşdi. Mən də həmin həkimin yanına getdim. Həkim bizim əkiz olduğumuzu bilmirdi. Mənə dedi ki, bayaq sənə dərman verib yolladım da. Nə olub? Hərbi xidmətdən xəstəlik adı ilə yayınmaq istəyirsən? Bir az səbrli ol da. Daha sonra qardaşımla əkiz olduğumuzu bilib, gülümsədi.

- Elşad Əsədov- Hərbi xidmətdə əkiz olduğumuza görə başımıza gələn qalmayıb. Bölük komandirimiz bizim ikimizi də eyni vaxtda növbətçi çıxarırdı. Başqa bölük komandiri bizim bölüyə daxil olanda mənə dedi ki, “yoldaş əsgər, sən yaman tez-tez növbətçi olursan?” Təbii ki, o da  qardaşımla əkiz olduğumuzu bilmirdi. Mən komandirə dedim ki, biz əkizik. Bunu bilən komandir hətta bizimlə xatirə şəkili də çəkdirdi.

- Rəşad Əsədov- Hərbi xidmətdən qayıdandan sonra biz televiziya verilişlərindən dəvət aldıq. “Anamın yeməyindən yoxdur”, “5-də 5” və digər verilişilərə qonaq olmuşuq. “5-də 5” də kiçik bir səhnəcikdə də iştirak etmişik. Ara-sıra film dəvətləri, reklam çəkilişləri də olub. Qardaşımla birgə Polad Həşimov haqqında sənədli filmə də çəkilmişik.

- Elşad Əsədov- Əkiz olsaq da heç vaxt fikirləşmirdik ki, bizi nə vaxtsa çəkilişlərə, televiziya verilişlərinə çağırarlar. Amma düşünmürük ki, bizdən filmlərdə çox istifadə olunub. Daha da çox dəvətlər gələ bilərdi, daha da çox çəkilə bilərdik. Digər ölkələrdə əkizlərdən daha çox istifadə olunur və onlar maddi baxımdan da çox pul qazanırlar. Amma biz demək olar ki, hər yerdə təmənnasız çəkilirik. Fikirləşirik ki, əgər biz lazımıqsa niyə də çəkilməyək?  Böyük həvəslə çəkilirik. Ən böyük arzumuz isə əkizlərlə bağlı fantastik bir filmdə çəkilməkdir.

- Rəşad Əsədov- Deyirlər ki, əkiz qızla ailə həyatı qurarsız? Biz də deyirik hələ ki, elə bir hal yaşanmayıb, olsa nə xoş bizə. Niyə də əkiz qızla ailə həyatı qurmayaq ki? Bütün bunların hamısı qismətdir. Sonra soruşublar ki, toyunuzu eyni vaxtda edəcəksiz? Demişik ki, əgər Allah yazıbsa, niyə də yox? Bu bizim üçün də yaxşıdır ki, maddi baxımdan qabağa düşərik (gülür).

- Elşad Əsədov-Xeyr! Hətta işimizdə də heç vaxt ayrılmamışıq. Bir-birimizə çox bağlıyıq. Bu xüsusiyyət də yəqin ki, bütün əkizlərdə var. Gəzintiyə çıxanda belə, dükan-bazara gedəndə də birlikdə gedirik.

-Rəşad Əsədov-Həm də ona görə birlikdə gəzirik ki, biz insanlara belə daha maraqlıyıq. Şəhərdə bizlə gəlib şəkil çəkdirənlər çox olur. Hətta gəlib aramızda dayanıb, əlimizdən tutub, ürəylərində arzu tutanlar da olub. Mən bunları normal qəbul edirəm, amma qardaşım bu baxımdan çox komplekslidir. Elə gün olub ki, eyni yuxunu bir-birimizə danışmışıq.