Bu gün hər birimiz bayram ovqatındayıq. 28 ildən sonra qələbə bizimlədir. Mənzərə ürəkaçan və möhtəşəmdir. Bu sevincimizi dünyaya duyurmaq üçünsə müxtəlif vasitələrdən istifadə edirik. Dünyaya işğaldan azad olunan torpaqlarımızla yanaşı, ikinci bir mesajı da vermiş olduq. Artıq gələn il Şuşada “Turkvision” mahnı müsabiqəsi keçiriləcək. Türk dünyasının ürəyi Şuşada döyünəcək. Dünyanın gözü yenə Şuşaya yönələcək. 

Moderator.az - ın qonağı Eldar  Qasımov nəinki “Türkvision” musiqi yarışmasının, hətta bir neçə ildən sonra “Eurovision” mahnı müsabiqəsinin Qarabağda keçiləcəyini eşitmək istədiyini bildirdi.

- Mənim 31 yaşım var. Ağlım kəsəndən  torpaqlarımızın 20 faizi işğal altında olub. Özümü dərk edəndən ölkədə sülh danışıqları aparılıb.  Bu illər ərzində itkilərimiz də çox olub. Qələbə xəbəri məndə fərqli hislər oyadıb. İçim içimə sığmır. Ali Baş Komandanımız İlham Əliyev işğaldan azad olunan kəndlərin adlarını qeyd edəndə  sevincimdən bilmirdim kimə zəng edim. Bu hisləri necə bölüşüm, ürəyim partlayırdı. Noyabrın 9-u bir az tez yatdım. Səhəri xarici mediaya müsahibə verəcəkdim. 10 noyabrın səhəri möhtəşəm bir xəbərə oyandım. Həmin gün yolum Şəhidlər xiyabanından keçirdi, şəhidlərimizi ziyarət etdim. Bir şəhid məzarının qəbrinin yanına bir oğlan gəldi, məzarın üstünə əlini qoydu və “Qisasın alındı, ratah yat” dedi. O an hislərimi cilovlaya bilmədim. Özümdən biixtiyar göz yaşlarım axdı. Hislərimdən utanmıram. O gün şəhərdə bayram ab-havası vardı. Şəhər turu etdim və insanların sevgisini gördükdə çox kövrəldim. Məncə, o gün bizim sözün həqiqi mənasında həmrəylik günümüz idi.  Bu, məni çox sevindirdi. O an fəxarət hissi yaşadım. Biz torpaqlarımızı heç də havayı geri qazanmamışıq. Burada Ali Baş Komadanımızın və əsgərlərimizin böük rolu var. Bu azadlıq uğrunda çox oğullarımız şəhid oldu. Mən onların hər biri ilə fəxr edirəm. 

- Əgər bu dəqiq məlumatdırsa, çox möhtəşəmdir. Nəinki “Turkvision”, çox istərdim ki, dünyaca məşhur olan “Eurovision” mahnı yarışması da  Şuşada keçirilsin. Şuşanı biz  görməmişik, bizim nəsil dünyaya gələndə bu torpaqlar işğal altında idi. Ancaq bizdən böyük nəsil deyir ki, Şuşanın havası, təbiəti bir başqa olub. Bu torpaqda dünyaca məşhur incəsənət nümayəndələri yetişib. Şuşa Qafqazın mədəniyyət beşiyidir. Biz onu ovcumuzun içində saxlamalıyıq. “Tukvision” mahnı  müsabiqəsinin məhz Şuşada keçirilməsinin nəzərdə tutulması böyük bir simvol və dünyaya ismarıcdır. Düşünürəm  ki, bu, çox gözəl bir addımdır. 

- Mən sadəcə Qarabağın havasını duymaq istəyirəm. İlk növbədə fürsət yaranan kimi oranın havasını udmaq istəyirəm. Böyüklərim deyir ki, Şuşanın havasını duyub hiss etmək başqa bir duyğudur. Oranın cənnətməkan olduğunu qeyd edirlər. Moderator.az saytı vasitəsi ilə bizə bu torpağı bəxş edən bütün əsgərlərimizə sonsuz minnətdarlığımı bildirirəm. Nəhayət ki, şəhidlərimizin ruhları şaddır. Şəhid valideynlərini öpüb bağrıma basıram, onlara sonsuz təşəkkür edirəm ki, belə övladlar yetişdiriblər. Hələ də sosial mediada savaş davam edir. Sosial şəbəkə istifadəçiləri bir çox dillərdə Qarabağın əzəli Azərbaycana məxsus olduğuna dair faktları paylaşırlar. Mən buradan o vətəndaşara da təşəkkür edirəm. Əsgərlərimiz ön cəbhədə döyüşəndə onlar sosial mediada mübarizə aparırlar. Vətəndaşlarımız faktlarla, sübutlarla paylaşım edib  həqiqətlərimizi dünyaya çatdırır, dünyanın gözünü açırlar. İnsanların münaqişəyə münasibətini dəyişdirirlər, bunun özü də bir qələbədir. 

- Aidiyyəti qurumlarla operativ qəragah yaradıldı. Orada hansı fakltları çatdırmaq lazım olduğu qeyd edildi. Hansı ki, biz o faktları beynəlxalq media təşkilatlarına göndərdik. Bir neçə xarici mediaya müsahibələr verdim. 

Artıq dünya savaşdan, müharibədən qorxur.  Onlar üçün fərqi yoxdur. Adi insanlar araşdırmır ki, bu mübarizədə kim haqlıdır, kim haqsız. Kim qan tökürsə, dünya onu  pisləyir. Bu məsələlərdə bir az diplomatik davranmaq lazımdır.  Özümüzü nə qurban, nə də cəllad göstərməməliyik. 

- Virusun mövcudluğuna ilk gündən inanmışam. Çevrəmdə bir çox insan bu virusa yoluxub.  Gün keçdikcə yoluxanların sayı da artır. Evdən çölə çıxmıram, heç kimlə ünsiyyət qurmuram, zərurət olmadan evdən çıxmıram. Valideynlərimlə uzun müddətdir ki, görüşmürəm. Onlar yaşlı insanlardır. Nəsə lazım olduqda aparıb qapının qulpuna asıram və zəng edib götürmələrini söyləyirəm. 

Maska taxmaqla, özümüzü qorumaqla birinci özümüzü, sonra ətrafımızdakı insanları qorumuş olarıq. Bu insanın özünün özünə hörmət etməsi deməkdir. Biz  sağlam dünyada yaşamaq üçün birləşib bir ideya ətrfaında özümümzü bir müddətlik  hər şeydən təcrid etməliyik.   

- Yeni dünyanın qaydaları məni evdar edib (gülür). Çalışıram işlərimi evdən idarə edim. Evimə də gələnlər tibbi arayışla gəlməlidir ki, onların sağlam olduğuna  inanım (gülürük). Təbii ki, zarafat edirəm. Bir az gözləmək lazımdı. Mümkün qədər çalışıram ki, işlərimi təxirə salım. 

- Başımı qatmağa çalışıram. Bilmirdim enerjini hara yönəldim. Nəticədə isə dibçək qablar, dekorasiya hazırlayıram.