Vətəndən uzaqda yaşasa da ürəyi vətənlə döyünür. Yaşadığı ölkədə Qarabağ həqiqətlərindən bəhs edir və o ölkənin vətəndaşlarını məlumatlandırmaq üçün tədbirlər, konfranslar, hətta konsert proqramları belə təşkil edir. Beləliklə, Moderator.az-ın qonağı İsveç-Azərbaycan Təşkilatı (SAF) rəhbəri Sevda Dadaşovadır.

Qeyd edək ki, SAF-ın əsas məqsədi Stokholmda yaşayan azərbaycanlı icmasını birləşdirməkdir. İcma azərbaycanlıların milli kimiliyini saxlamaqla, İsveç cəmiyyətini Azərbaycanın mədəniyyət və ənənələri ilə tanış etməkdir. 

- Hazırda İsveçdə koronavirusla mübarizə hansı mərhələdədir?   

- Pandemiyanın yarandığı ilk günlərdə belə İsveç krallığında məcburi, sərt qaydalar tətbiq olunmayıb. Qoyulan bütün qaydalar məsləhət şəklində tətbiq edilib. Yəni isveçlilər bu üsula daha çox alışıb və öyrəşiblər. Onlar dövlət tərəfindən qoyulan qaydalara riayət edirlər.  Belə ki, cəmiyyət içində məsafə saxlayır, maska taxır, mümkün qədər evdən, onlayn şəkildə çalışmağa səy göstərirlər. Burada məcburi maska taxmaq və ya məcburi olaraq karantin saatları tətbiq etmək kimi bir qanun yoxdur. Əvəllər bir yerə toplaşmaq üçün 50 nəfərə qədər icazə vardı, daha sonra bu 8 nəfərə qədər azaldıldı. Hazırda İsveçdə məktəblər, uşaq bağçaları fəaliyyət göstərir. Hətta qeyd edim ki, o məktəblərdə 300 -500-ə yaxın şagirdlə təhsil prosesi davam etdirilir. 

- İsveçdə koronavirusla mübarizdə görülən müalicələr ödənişsizdir. Belə ki, bu ölkənin vətəndaşı olub olmamasından asılı olmayaraq, turistlərə belə bütün xərclər hökümət tərəfindən pulsuz şəkildə xidmət göstərilir.

- Bəli, Dekebarın 27-dən peyvəndlər vurulmağa başlayıb. Birinci qrup 600 min nəfərdən ibarətdir. Peyvəndlərin vurulması ilkin olaraq yaşlı nəslin nümayəndələri və tibb işçiləri üçün nəzərdə tutulub. Fevraldan başlayaraq 70 yaşından yuxarı olan vətəndaşların peyvəndi vurulacaq. Aprel ayından isə digər yaş kateqoriyasına mənsub olan insanlara tətbiq ediləcək. Peyvəndlərin vurulması məcburi deyil. Vətəndaş istəmədiyi halda imtina edə bilər. Onu da qeyd edim ki, peyvəndlər pulsuz vurulur. İyun ayına qədər İsveçdə peyvəndlər vurulub başa çatacaq.  

- 2021-ci ildə qarşımıza qoyulan layihələr çoxdur. Onlardan təbii ki, hər zamankı kimi matəm günlərimiz öncəlik təşkil edir. Belə ki,  “20 Yanvar”, “Xocalı faciəsi”, “31 Mart” kimi anım mərasimlərimiz keçiriləcək. Ali Baş Komandanımız, cənab İlham Əliyevin göstərişi ilə bu il dahi şair və mütəfəkkir Nizami Gəncəvinin 880 illiyi elan olunub. May ayında onun yaradıcılığından bəhrələnərək isveçlilərin məlumatlanması istiqamətində tədbir həyata keçirməyi  planlaşdırırıq.

Bilirsiniz ki,  Şuşa Azərbaycanın mədəniyyət paytaxı elan olunub. Oktyabrda Şuşaya həsr olunmuş “Qarabağ günləri” tədbiri keçirmək istəyirik. Sənətkarlar yetişdirən diyarımızın-Şuşanın görkəmli bəstəkarlarından, sənət adamlarından ibarət konsert proqramı nəzərdə tutulub. 

 

- Nəinki tarixi qələbə ondan öncə Azərbaycanda ermənilər tərəfindən baş verən terror hadisələri, xüsusən də Tovuz hadisələrindən sonra burada yaşayan azərbaycanlılarla birlikdə yürüşlər, mitinqlər keçirtdik. Azərbaycanın haqq səsini dünyaya çatdırmaq, sivil insanların günahsız yerə öldürülməsi, günahsız  körpələrin erməni terroruna məruz qaldığını bu mittinqlərdə əsas şüar kimi səsləndirdik. Daha sonra Gəncə, Bərdə, Tərtərdə yaşananlarla bağlı anım günləri keçirdik. Biz vətəndən uzaqda olsaq da xalqımızın yaşadığı bütün ağrıları, kədəri burdan duya bilirik. Təbii ki, torpaqlarımızın işğaldan azad olunmasını da burada böyük coşqu ilə qarşıladıq. Belə ki, Noyabrın 8-də Şuşanın işağldan azad olunduğu gün bizim sevincimizin həddi-hüdudu yox idi. Ali Baş Komandanımızın xalqa müracətini dinləyir, Tvitlərini izləyir, azad olunan torpaqlarımızın sədasını sevinclə qarşılayırdıq. Nəhayət zəfər günümüzü böyük təntənə və ruh coşqusu ilə keçirdik. 30 il idi ki, bu günü gözləyirdik. Həmin gün İsveçin mərkəzi küçərlərində Türk və Azərbaycan bayraqları ilə yürüş etdik. Buradakı böyük meydanda yallı oynadıq, baxmayarq ki, koronaya görə buna icazə yox idi. Ancaq içimizdəki bu sevinc və həmrəylik buna güc gəldi.  

 

- İlk gündən İsveç krallığı Qarabağın bizə məxsus olduğunu tanıyıb. Heç bir zaman Qarabağın ermənilərə məxsus olması ilə bağlı hansısa bəyənnaməni imzalamayıb. İsveçlilər hər zaman çalışır ki, bu cür məsələlərdə neytral qalsınlıar. Demək olar ki, reaksiyaları, münasibətləri kimi də neytral oldu. Yəni bizim tarixi qələbəmizdə isveçlilər tərəfindən heç bir reaksiya verilmədi.    Amma İsveçdə "Sverige" demokratların vəkilləri ermənilərin tərəfini tutaraq onları müdafiə etmişdilər. Biz də üzərimizə düşəni etməyə çalışdıq. Belə ki, bir azərbaycanlı olaraq informasiya müharibəsi ilə onların əməllərini cavabsız qoymadıq. İsveç mediasında Azərbaycanın haqq səsini lazımi şəkildə işıqlandırdıq.

  

 

- Açığı bu müddət ərzində erməni təxribatına rastlamadıq, çünki burada ermənilər çox deyillər. Onların arasında duran və dəstək verənləri Suriyalı erməniləridir ki, onlar da  başqa ölkələrdən gəlmələrdir. Bir neçə dəfə biz tədbirlər, mitinqlər keçirəndə maneçilik törətmək istəyiblər. İsveç polisləri bu təxribatların qarşısını alıb. Hətta erməni səfirliyinin önündə yığışaraq bizi də oraya çağırıblar ki, qalamqal yaratsınlar. Biz onlara bu şəraiti yaratmadıq.