Tərtər rayon İcra başçısı Müstəqim Məmmədovdan şikayətçi olan, rayonun Əskipara kənd sakini Sadıqov Babək Yolçu oğlunun ölkə başçısına ünvanladığı məktubu olduğu kimi təqdim edirik.

Məktubda göstərilir: 

"Mən Sadıqov Babək Yolçu oğlu 5 ildir fermer sahibkar fəaliyyəti ilə məşğulam. Bu sahədə fəaliyyətim əkinçilikdir. Belə ki, pambıq, şəkər çuğunduru, günəbaxan, qarğıdalı və digər bu kimi  bitkilər becəririk. Burada kənd sakinlərindən yüzlərlə ailə çalışır, evinə, ailəsinə çörək qazanır.

Mən Aprel döyüşündə və 44 günlük II Qarabağ müharibəsi dövründə Azərbaycan Ordusuna maddi yardım etmişəm və lazım olsa hər zaman öz köməyimi əsirgəməyəcəm, xalqıma, dövlətimə bağlı bir insan kimi əlimdən gələni dövlətim üçün edəcəm.

 Yeni Azərbaycan Partiyasının üzvü, Qarabağ Azadlıq Təşkilatının Tərtər rayon şöbəsinin sədriyəm.

Hörmətli cənab Prezident.

 Sizin apradığınız dövlət siyasətini dəstəkləyir, Ali Baş Komandan kimi Sizinlə qürur duyuram.  Mən Sizə güvənib, Sizə arxalanıb təmas xəttində 2015-ci ildən bu günədək sahibkarlıqla məğul olmağa başlamışam. Amma bu gün Tərtər rayon İcra başçısı Müstəqim Məmmədov mənimlə şəxsi qərəzlik edir, bütün işlərimi dayandırmağa, el arasında nüfuzdan salmağa, çalışır, vəzifəsinə uyğun olmayan hərəkətlər edərək təhqirlə danışır, əxlaqa sığmayan sözlər danışır, kənd əhalisini mənim üzərimə qaldırmağa çalışır. Dövlət hüquq mühafizə qurumlarına məni cinayətkar kimi təqdim edir, amma mən cinayətkar deyil, sahibkaram. Ən azından yüzlərlə kənd əhalisi mənimlə çörək qazanır, heç olmasa bunu nəzərə almır.   Ulu Öndərimiz Heydər Əliyev 1997-ci ildə Kənd Təsərrüffatında torpaq islahatları apardı, torpaqlar kənd sakinlərinə pay torpağı olaraq verildi. Göstəriş verildi  ki, yararlı sahələr əkin sahəsinə, yararsız sahələr isə maldarlıq üçün otlaq sahəsinə verilsin. Otlaq sahəsini isə əkmək qadağandır. Bu gün M.Məmmədov və onun başındakı qudur dəstəsi mənim vətəndaşlardan aldığım 7 hektar 92 sot torpağı xəritədə dəyişdirərək, əkinə yararsız yerə salmışdır. Nəzərinizə çatıdırıram ki, M.Məmmədov bələdiyyə və gənc ailələrə ayrılmış inkişaf fondunun torpaqlarının hektarı 300-400 manat civarında məbləğdə satdırır və öz cibini güdür. İnsanları məni və kənd əhalisini dövlət siyasətindən narazı salır. Amma biz bilrik ki, Siz xalqımız üçün, dövlətimiz üçün gecə və gündüz çalışır, bizim yaxşı yaşamağımız üçün çalışırsınız. Sizizin verdiyiniz çörəyi sözügedən rayonun başçısı məni evimdən, işimdən, ailəmdən didərgin salıb, məni tutdurmaqla təhdid edir. Mən onun şərindən qorxaraq ölkənin müxtəlif rayonlarında gizlənməyə məcburam. Fevral ayının  birindən artıq dəsrlər başlayır, mənim 4 azyaşlı uşağım məktəbə getməlidirlər. Mənim övladlarım atası ola-ola, ata üzünə həsrət qalıblar. Amma mən uşaqlarımdan xəbər tuta bilmirəm, vəziyyətlərindən xəbərsizəm. Bu yaşayışla mən necə uşaq böyüdüb, dövlətə,  Orduya əsgər böyüdə bilərəm.

Torpağımın alınması üçün bu illər ərzində bütün qurumlara müraciət edirəm, amma heç bir qurum M.Məmmədovun tapşırığı ilə mənim problemimi  həll etmir, əksinə, hədə -qorxu gəlir, təzyiqlər edirlər.   Sizdən xahiş edirəm ki, mənim 7 hektar 90 sot torpağımın mənə qaytarılmasına köməklik edəsiniz və təhlükəsizliyimin təmin olunmasına göstəriş verəsiniz".