Mətbuat Şurasının sədri Əflatun Amaşov Moderator.az-ın bir neçə sualını cavablandırıb.
-Əflatun müəllim, mətbuatın inkişafının əsas
lokomotivi olan reklam bazarından nə qədər çox danışılsa da ortada hər hansı
yenilik də gözə dəymir.
-Reklamla bağlı danışarkən deyə bilərəm ki, Azərbaycanda
reklam bazarının həcmi ərazisi və əhalisi bizimlə eyni olan ölkələrin
reklamının həcmindən kifayət qədər azdır. Qeyri-dəqiq məlumata görə bu gün Azərbaycanda
il ərzində reklamlara 60 milyon manat xərclənir. Bu məbləğin əhəmiyyətli hissəsi
küçə reklamlarının payına düşür. Bir hissəsi də televiziya və radio
reklamlarıdır. Yalnız 3 milyondan artıq, təxminən 4 milyon manata yaxın
reklamlar yazılı mətbuat vasitələrinə verilir. Son vaxtlar həyatımızın ayrılmaz
hissəsinə çevrilmiş xəbər portallarına ayrılan reklamlarsa son araşdırmalara
görə əhəmiyyətli dərəcədə artıb və bu məbləğ bütövlükdə yazılı mətbu orqanlara
verilən reklamın səviyyəsinə çaıb, bəlkə də onu ötüb keçib. Bu gedişlə yaxın
illərdə xəbər portallarına verilən reklamlar yazılı mətbu orqanlara verilən
reklamlardan qat-qat çox olacaq. Bu gün Azərbaycanda 40-a yaxın gündəlik, 70-ə
qədər həftəlik qəzet var. Xəbər portallarının sayı isə təxminən 80-100
arasındadır. Ötən il 170 xəbər portalı yaransa da onların çoxu demək olar ki,
ya fəaliyyət göstərmir, ya da ictimai rəyə təsir emək gücündə deyil və həvəskar
formada fəaliyyət göstərilir. Bu minvalla tezliklə xəbər portallarının sayı
yüzlərlə olacaq. Nəzərə alsaq ki, xəbər portallarında manevr etmək çox asandır
və operativlik baxımından nəinki qəzetləri, hətta televiziyanı da geridə qoyur,
o zaman oxucuların ən çox müraciət ünvanına çevrilməsi də başa düşüləndir. Sonuncu
rəy sorğularına görə ölkə oxucusunun, daha doğrusu rəyi soruşulanların təqribən 40 faizi xəbər mənbəyi kimi
televiziyaları, elə bu qədər də elektron media orqanlarını, 13 faiz qəzetləri,
7 fazisə radionun adını çəkib. Amma 3-5 il əvvəl bu rəqəm daha çox televiziyaların
xeyrinə idi. Bu təkcə Azərbaycanda belə deyil. Atıq bütün dünyada əsas xəbər mənbəyi
kimi xəbər portallarına üz tutan insanların şayı sürətlə artr. Ehtimal etmək
olar ki, yaxın gələcəkdə bu rəqəmlər portalların xeyrinə daha da dəyişəcək.
-Bir halda ki, əsas xəbər daşıyıcısı
portallardır, o zaman saytların da dövlət qayğısı ummağa haqqı çatır. Bu məsələnin
nə vaxt reallaşmasını gözləmək olar?
-Biz də ötən il belə bir təşəbbüslə çıxış
etdik ki, xəbər portallarının da maliyyələşməsi məsələsinə baxılsın, təəssüf
ki, hələlik buna nail ola bilmədik. Bu məsələ KİV-in İnkişafına Dövlət Dəstəyi
Fondunda da müzakiə olunub. Təəssüf ki, hələlik fondun büdcəsi imkan vermir ki,
xəbər portalları da maliyyələşdirilsin. Amma əminəm ki, yaxın gələcəkdə fondun
büdcəsi artarkən xəbər portallarına da yardım edilməsi məsələsi gündəmə gələcək.
-Ancaq KİV DF-yə ayrılan vəsaitdən tutaq ki,
heç olmasa 20 fazi pilot layihə kimi ayıraraq bu işə indidən də başlamaq
olardı. Təbii ki, könül istəsəydi...
--Yox, elə deyil. Bu məsələ əslində sırf
fondun daxili işidir. Fond əvvəldən prinsiplər müəyyənləşdirib və hansı KİV-lər
fondun müəyyənləşdirdiyi kriteriyalara uyğun gəlirsə onlar layihələr üzrə bu vəsaiti
alırlar. Həmin layihələri də yarıda kəsmək mümkün deyil. Fondun büdcəsi
artırılarsa o zaman xəbər portallarına da vəsait ayrılması mümkün olacaq.